៥ សញ្ញាច្បាស់ៗបញ្ជាក់ថា អ្នកកើតជំងឺគិតច្រើនជ្រុល

2019-03-25 09:00:00
ចំនួនមតិ 0 | ចំនួនចែករំលែក 0

ការគិតច្រើនលើសកម្រិតជាជំងឺពិបាកព្យាបាលខ្លាំងបំផុត។ វាអាចបណ្តាលមកពីអ្នក បានជួបរឿងរ៉ាវទុក្ខលំបាកច្រើន ឬការមិនអាចទប់ស្កាត់ខួរក្បាលខ្លួនឯងមិនឲ្យហោះហើរទៅទីឆ្ងាយ។ ខាងក្រោមនេះ ជាសញ្ញាបង្ហាញថា អ្នកកំពុងតែកើតជំងឺគិតច្រើនជ្រុល ដូច្នេះអ្នកត្រូវដឹងនិងការពារខ្លួនឲ្យបានល្អ។

១. អ្នកគ្មានទំទុកចិត្តលើខ្លួនឯងសូម្បីតែរឿងតូចតាច

មិនថាការស្លៀកពាក់ ទំនាក់ទំនងស្នេហា ឬការងារក៏ដោយ និយាយរួមទៅអ្នកលែងសូវឲ្យតម្លៃ និងខ្វល់ខ្វាយពីរឿងទាំងនោះតទៅទៀត។ ដោយសារតែចិត្តមិននឹងនទើបបណ្តាលឲ្យអ្នកមិនបានចាប់អារម្មណ៍ពីព្រឹត្តិការណ៍កើតឡើងជុំវិញខ្លួនដូចមុន។

២. ពិបាកដល់ថ្នាក់លែងចង់ហ៊ានទុកចិត្តមនុស្ស

ពិតណាស់ យើងមិនអាចទុកចិត្តនរណាម្នាក់ដោយងាយៗឡើយ ប៉ុន្តែគូរចេះរៀនសង្កេតមើលដែរ។ បើថ្ងៃណាមួយប៉ះចំមនុស្សល្អមែន ហើយអ្នករវល់តែសង្ស័យច្រើនមិនទុកចិត្តគេ នោះអ្នកនឹងស្តាយក្រោយ ថែមទាំងគ្មានឱកាសបានជួបមនុស្សល្អបែបនេះទៀតទេ។ កុំគិតច្រើនពេករហូតគ្មានហេតុផល ព្រោះវានឹងនាំឲ្យអសារបង់ខាតប្រយោជន៍ទទេៗ។

៣. អ្នកចាប់ផ្តើមរស់នៅជាមួយអារម្មណ៍ធុញថប់

យូរៗទៅរាងកាយរបស់អ្នកហាក់ដូចជាទន់ជ្រាយនិងមានអារម្មណ៍ថាខ្ជិល ហើយភាពធុញថប់ក៏ជារោគសញ្ញានៃមនុស្សកើតទុក្ខដែរ។ បើអ្នកបន្ថែមការគិតរវើរវាយមួយជាន់ទៀត សភាពរបស់វានឹងរឹតតែធ្ងន់ធ្ងរពិបាកកែខៃឡើងវិញណាស់។

៤. ក្នុងចិត្តផ្ទុកដោយទ្រឹស្តីវិជ្ជមាន

អ្នកមិនមែនគិតតែពីរឿងខ្លួនឯងប៉ុណ្ណោះទេ ថែមទាំងខ្វល់ខ្វាយច្រើនពីអារម្មណ៍អ្នកដទៃ។ សូម្បីពេលដើរចេញពីបន្ទប់ ខ្លាចគេនិយាយដើម ពេលចេញទោខាងក្រៅខ្លាចពាក្យរិះគន់ ភ័យពីនេះពីនោះឥតឈប់ឈរ រហូតលែងជឿជាក់លើខ្លួនឯង និងមិនចង់បង្ហាញវត្តមានក្នុងសង្គមតទៅទៀត។

៥. បានត្រឹមគិតៗតែធ្វើអីមិនចេញ

រកតែខួរក្បាលសម្រាកមិនបាន រវល់ក៏គិតទំនេរក៏គិតបញ្ហាផ្ទួនៗគ្នាក្នុងពេលតែមួយ។ ចុងបញ្ចប់ធ្វើនៅតែធ្វើអីមិនចេញ ភាពច្របូកច្របល់និងសម្ពាធកើនឡើង ធ្វើឲ្យខួរក្បាលនិងរាងកាយកាន់តែហត់នឿយទ្វេដង។ កុំប្រមូលភាពស្មុគស្មាញដាក់ខ្លួនច្រើនពេក ដកដង្ហើមឲ្យវែង ហើយព្យាយាមដោះស្រាយបញ្ហាម្តងមួយៗ ទើបអាចបន្តដំណើរតទៅមុខទៀត៕

ចុចអានបន្ត៖