៥ឃ្លា មនុស្សប្រុសចូលចិត្តកុហក តែស្រីៗនៅតែជឿឡើងស្លុង

2019-04-01 04:26:00
ចំនួនមតិ 0 | ចំនួនចែករំលែក 0

តើអ្នកជឿជាក់ប៉ុន្មានភាគរយដែលសង្សាររបស់អ្នកមិនដែលនិយាយកុហកនោះ? ខាងក្រោមនេះសុទ្ធសឹងតែជាឃ្លាដែលមនុស្សប្រុសតែងនិយាយកុហកជានិច្ចតែមនុស្សស្រីនៅតែត្រចៀកស ជឿឡើងស្លុង។

១. បងមិនយកសម្បកក្រៅជារឿងសំខាន់ឡើយ

បងមិនស្រលាញ់ស្រីស្អាតឡើយ ពួកគេស្អាតបានតែសម្បកក្រៅទេ។ នេះគឺសម្ដីរបស់ព្រានបុរសដែលយកចិត្តអ្នក។ គ្មានអ្នកណាដែលមិនស្រលាញ់ភាពស្អាតទេ។ និយាយបានតែមាត់ ដល់ពេលឃើញគេស្អាត ងាកមើលចង់បាក់ក។

២. អូនចូលចិត្តអី បងតាមទាំងអស់

នេះគឺជាសម្ដីពេលគេញ៉ែដំបូងតែប៉ុណ្ណោះ។ ប្រាកដណាស់ថាគេមិនអាចតាមចិត្តអ្នកបានគ្រប់ពេលវេលានោះឡើយ ជាពិសេសគឺនៅពេលដែលស្រលាញ់គ្នាបានមួយរយៈហើយ។

៣. ដើម្បីអូន បងអាចផ្លាស់ប្ដូរបានគ្រប់យ៉ាង

បើពេលស្រលាញ់គ្នាដំបូង គេមានទម្លាប់ជក់បារី ឬផឹកស៊ីនោះ ហើយសន្យាថា នឹងផ្លាស់ប្ដូរដើម្បីអ្នកនោះ កុំជឿឲ្យសោះ។ នេះគ្រាន់តែលេសឲ្យអ្នកស្រលាញ់គេប៉ុណ្ណោះ។ ពេលបានអ្នកហើយ ក៏គេមិនកែចរិតនេះចេញដែរភាគច្រើន។

៤. គ្មានអ្នកណាអាចជំនួសអូនបានទេ

លើលោកនេះ គ្មានអ្នកដែលមិនអាចរស់ដោយខ្វះវត្តមានអ្នកណាទាំងអស់។ គេថារស់មិនអាចខ្វះយើង ឬមានអ្នកជំនួសយើងបាន តែសាកបែកគ្នាលមើល បើគេមិនរកឃើញអ្នកថ្មីភ្លាមហ៊ានភ្នាល់។

៥. បងពិតជារវល់ពិតមែន ទើបអូនទាក់ទងមិនបាន

ប្រសិនបើកំពុងស្រលាញ់គ្នា ហើយស្រាប់តែបាត់ខ្លួនអស់មួយអាទិត្យពេញ ដោយទាក់ទងតាមអ្វីមិនបានសោះ នោះប្រាកដជាកំពុងមានបញ្ហាហើយ។ រាល់ហេតុផលសុទ្ធតែជាលេសទាំងអស់។ សួរថាបើគេរវល់មែន ហើយទាក់ទងមិនចូល តើគេធ្វើការតាមរបៀបណា?