មនុស្សប្រុសល្អ ពេលជ្រើសរើសនារីណាម្នាក់ជាគូស្នេហ៍តែងមើលលើ ៥ ចំណុចនេះ
- 2019-03-22 07:33:35
- ចំនួនមតិ 0 | ចំនួនចែករំលែក 0
មនុស្សប្រុសល្អ ពេលជ្រើសរើសនារីណាម្នាក់ជាគូស្នេហ៍តែងមើលលើ ៥ ចំណុចនេះ
នៅពេលមនុស្សស្រីធ្លាប់ជួបប៉ះចំមនុស្សប្រុសមិនល្អច្រើនលើកច្រើនសារពេក នាងតែងបន្ទោសដៀមដាមមនុស្សប្រុសទាំងអស់សុទ្ធតែអាក្រក់ បុរសល្អគ្មានទេលើលោក។ បើអ្នកមានគំនិតបែបនេះមែន វាគឺជាការយល់ខុសហើយ ព្រោះបុរសត្រឹមត្រូវមិនខ្វះទេ គ្រាន់តែអ្នកមិនទាន់មានសំណាងបានជួបប៉ុណ្ណោះ។ ចុះបើជាមនុស្សប្រុសល្អវិញនោះ ពេលជ្រើសរើសនារីណាម្នាក់ជាដៃគូ តើគាត់មើលលើចំណុចអ្វីខ្លះទៅ?
១. ភាពទាក់ទាញ
ភាពទាក់ទាញគឺជាចំណុចសំខាន់របស់មនុស្សស្រី និងត្រូវបានបែងចែកជាពីរប្រភេទ។ សម្រាប់មនុស្សប្រុសដែលមានគំនិតចាស់ទុំ ចាត់ទុកភាពសាមញ្ញ ទំនុកចិត្ត ភាពវ័យឆ្លាត របស់មនុស្សស្រីជាការទាក់ទាញបំផុត ប៉ុន្តែមនុស្សប្រុសគំនិតរាក់ក្មេងសេចក្តី គិតថាភាពទាក់ទាញ ស្ថិតលើសម្រស់តែមួយមុខដូចជា ត្រូវមានរាងស្អាត សាច់ស សក់វែង...ព្រោះបើមិនស្អាតខ្លាចពេលបណ្តើរគ្នាទៅ ត្រូវមិត្តភ័ក្តិឬអ្នកផ្សេងបង្អាប់ជាដើម។ យ៉ាងណាបុរសល្អ គេមិនដែលខ្វល់ឡើយ សំខាន់លើចិត្តខ្លួនឯង ក្តីស្រលាញ់មិនមែនផ្លាស់ប្តូរស្រេចលើមាត់អ្នកដទៃនោះទេ។
២. មិនសិចស៊ីឡូយឆាយ
ស្លៀកខើចខ្លីលេចលើលេចក្រោម ដើម្បីទាមទារចំណាប់អារម្មណ៍ ឆាប់ធ្វើឲ្យមនុស្សប្រុសងប់ងុលស្លុងចិត្តជាមួយ ប៉ុន្តែក៏ឆាប់រលាយទៅវិញដែរ។ ស្រីៗសិចស៊ីឡូយឆាយ ចូលក្លឹបចេះផឹក មានមិត្តភ័ក្តិព្រោងព្រាត ឬចូលចិត្តតែងខ្លួនដើរលេង សម្ភារៈនិយម មើលទៅទាន់សម័យ ប៉ុន្តែមិនអាចក្លាយជាជម្រើសពិតប្រាកដរបស់មនុស្សប្រុស។
៣. ចេះរកលុយដោយខ្លួនឯង
សម័យនេះហើយ មនុស្សប្រុសតែងសម្លឹងឃើញ នារីដែលមានសមត្ថភាព អាចរកចំណូលបានដោយខ្លួនឯង។ នាងក៏អាចក្លាយជាដៃគូដ៏ល្អ ពេលក្លាយជាគ្រួសារតែមួយ ចេះបង្កើតទ្រព្យរួមគ្នា ធ្វើឲ្យស្ថានភាពក្នុងគ្រួសារមានលំនឹង។
៤. ភាពស្មោះត្រង់
បើគាត់ជាមនុស្សល្អស្មោះត្រង់ ច្បាស់ណាស់គាត់ក៏ចង់បាននារីបែបហ្នឹងដូចគ្នា។ ការទុកចិត្ត ការនិយាយត្រង់ទៅមក អាចជួយឲ្យមនុស្សពីររស់នៅចុះសម្រុង មិនសូវបង្កបញ្ហារកាំរកូសច្រើន។
៥. ស្លៀកពាក់មានរបៀប
ត្បិតតែគាត់មិនចាត់ទុកសម្រស់ជាបញ្ហាចម្បង យ៉ាងហោចណាស់ក៏គាត់ចាប់អារម្មណ៍លើនារីដែលចេះស្លៀកពាក់មានរបៀបរៀបរយ ត្រូវតាមកាលៈទេសៈ ចុះចំណោមគេឯងដែរ។ របៀបស្លៀកពាក់និងការតុបតែងខ្លួន អាចបង្ហាញពីកិត្តិយស និងភាពថ្លៃថ្នូរ ដើរទាន់សម័យកាល។
ចុចអានបន្ត៖ ៦ទម្លាប់ដែលមនុស្សបៀមទុក្ខច្រើនតែងមាន រហូតដល់រកក្ដីសុខមិនបាន