ខ្ជិលធ្វើការ ឪពុកម្ដាយមួយគូ លក់កូន ៥ នាក់យកលុយចាយ

2019-03-15 04:00:00
ចំនួនមតិ 0 | ចំនួនចែករំលែក 0

ដោយសារតែខ្ជិលធ្វើពលកម្ម ក្នុងរយៈពេលតែ៥ឆ្នាំ ប្ដីប្រពន្ធមួយគូបានលក់កូនចេញដល់ទៅ៥ នាក់ ដើម្បីយកលុយចាយ។ ខណៈប្ដីប្រពន្ធជាច្រើនគូ ទៅដើរបន់គ្រប់ទីកន្លែង ចូលពេទ្យរាប់មិនអស់ទម្រាំរកបានកូនមួយគ្រាប់តពូជនោះ មានម៉ែឪមិនតិចឡើយ ដែលមានកូនហើយមិនថែរក្សា ឬអាក្រក់ជាងនេះទៀត គឺលក់កូនខ្លួនឯងតែម្ដង។

រូបតំណាង

ជាក់ស្ដែង ថ្មីៗនេះ ប្ដីប្រពន្ធមួយគូនៅខេត្ត Guang Xi ប្រទេសចិន មានរបរចិញ្ចឹមជីវិតដ៏ចម្លែក និងអាក្រក់មួយនោះគឺ លក់កូនដូរយកលុយ។ ប៉ូលិសខេត្ត Guang Xi បានឲ្យដឹងថា បុរសម្នាក់ត្រកូល Zhong និងនារីម្នាក់ទៀត ទោះបីជារៀបការនឹងគ្នាបាន១០ឆ្នាំហើយ តែនៅតែគ្មានលុយជាប់ខ្លួន ចំណូលរបស់ពួកគេបានមកពីកូន។

តាមនោះដែរ ចាប់ពីឆ្នាំ ២០១៣ ដល់ឆ្នាំ ២០១៨ ប្រពន្ធលោក Zhong បានបង្កើតកូនបាន៥នាក់។ កូនទាំង៥ នាក់សុទ្ធតែត្រូវបានលក់ចេញជាបន្តបន្ទាប់ ដោយចំណូលសរុបបានឡើងដល់១សែនយាន់ ( ១៥០០០ ដុល្លារ)។ បច្ចប្បន្ន ប្ដីប្រពន្ធខាងលើកំពុងត្រូវចាប់ខ្លួនពីបទជួញដូរកូនក្មេង។

រូបតំណាង

គួរបញ្ជាក់ផងដែរថា ប្រទេសចិន គឺជាប្រទេសដែលមានអត្រាលក់កូនខ្លួនឯងខ្ពស់នៅក្នុងតំបន់ ដោយគ្រួសារណាដែលមិនមានលទ្ធភាពចិញ្ចឹមកូនតែងជ្រើសយកវិធីនេះ ឬខ្លះប្រកបរបរលក់កូននេះតែម្ដង៕

ប្រភព៖ saostar អត្ថបទ៖Caramel