ញ៉ាំពោតតាមរបៀបនេះ អ្នកនឹងសម្រកទម្ងន់បានមិនគួរឲ្យជឿ

2019-03-01 04:00:00
ចំនួនមតិ 0 | ចំនួនចែករំលែក 0

មនុស្សជាច្រើនតែងយល់ច្រឡំថា ការទទួលទានពោតនឹងធ្វើឲ្យឡើងគីឡូ ត្បិតផ្លែនេះមានផ្ទុកជីវជាតិច្រើន តែតាមការពិត ពោតជួយសម្រកទម្ងន់បានយ៉ាងល្អ។ យោងតាមការពិសោធន៍ ពោតមិនត្រឹមតែជួយទប់ស្កាត់ភាពចាស់ជរា ការពារជំងឺមហារីក និងថែរក្សាស្បែកនោះទេ វាថែមទាំងជាប្រភេទបន្លែដែលជួយសម្រកគីឡូបានយ៉ាងល្អ ប្រសិនបើទទួលទានត្រូវតាមក្បួនខ្នាត។ សម្រាប់អ្នកចង់បញ្ចុះគីឡូ អាចទទួលទានពោតតាមវិធីនេះបាន។

១. ញ៉ាំពោតជំនួសបាយថ្ងៃត្រង់

បើតាមធម្មតា ចំពោះអាហារថ្ងៃត្រង់ ទាល់តែហូបបាយ២ចានទើបឆ្អែតនោះ អ្នកគ្រាន់តែញាំពោត១ផ្លែគឺមានអារម្មណ៍ឆ្អែតដល់ទៅកន្លះថ្ងៃ។ យ៉ាងណាក្ដី ត្រូវចំណាំថា ត្រូវញ៉ាំពោតស្ងោរ ជៀសវាងពោតឆា ដែលនាំឡើងគីឡូលើសដើម។ ពោតមិនត្រឹមតែធ្វើឲ្យអ្នកឆាប់ឆ្អែតនោះទេ ថែមទាំងរក្សាអារម្មណ៍នេះបានយូរទៀតផង។

រូបតំណាង

**២. ស៊ុបពោត**

គ្រឿងផ្សំ៖ ពោតមួយផ្លែ កាច់ជាកង់ៗ ការ៉ុតមួយផ្លែ ឆៃថាវមួយមើម ហាន់ជាកង់ ឆ្អឹងស៊ុបជ្រូក និងខ្ញី។ វិធីធ្វើ៖ ដាំទឹកឲ្យពុះ ហើយដាក់គ្រឿងផ្សំទាំងអស់ចូល។ រំងាស់ដល់ពេលឆ្អឹងចេញជាតិអស់ ហើយបង់គ្រឿងឲ្យសមល្មមជាការស្រេច។ ស៊ុតពោតនេះ អាចញ៉ាំទាំង៣ពេល ដើម្បីបង្កើនប្រិសទ្ធិភាព។ មិនត្រឹមតែប៉ុណ្ណោះ ទឹកស៊ុបនេះ អាចយកតាមខ្លួនដើម្បីញ៉ាំរាល់ពាក់កណ្ដាលម៉ោងបាយដើម្បីបន្ថយភាពឃ្លាន មិនឲ្យញ៉ាំចំណីផ្ដេសផ្ដាស។

រូបតំណាង

៣. សាឡាត់ពោត

គ្រឿងផ្សំ៖ ពោតអាមេរិក៤ផ្លែ ប៉េងប៉ោះ២ ស្លឹកខ្ទឹម ប្រេងអូលីវ ក្រូចឆ្មា ខ្ទឹមស និងស្ករស។

របៀបធ្វើ៖ បេះពោតចេញជាគ្រាប់ ហើយលាយគ្រឿងផ្សំជាមួយគ្នា ច្របល់ឲ្យសព្វ។ បន្ទាប់មកអាចស្ងោរពងទា ដាក់បន្ថែមឬអត់ តាមចំណង់ចំណូលចិត្តផ្ទាល់ខ្លួន។ មុខម្ហូបនេះ អាចញ៉ាំជំនួសអាហារសម្រន់បានគ្រប់ពេលដោយមិនខ្លាចឡើងគីឡូឡើយ៕