មិនបាច់ហាត់ប្រាណទាល់ឈឺខ្លួន និងបង្អត់អាហារខ្លួនឯង អ្នកក៏អាចស្រកគីឡូបានដែរ
- 2019-02-28 07:00:00
- ចំនួនមតិ 0 | ចំនួនចែករំលែក 0
មិនបាច់ហាត់ប្រាណទាល់ឈឺខ្លួន និងបង្អត់អាហារខ្លួនឯង អ្នកក៏អាចស្រកគីឡូបានដែរ
ការឡើងទម្ងន់ជាបញ្ហាធំមួយរបស់មនុស្សគ្រប់គ្នា ជាពិសេសស្រីៗតែម្ដង។ តែគ្រប់គ្នាភាគច្រើនគ្មានពេលគ្រប់គ្រាន់មិនអាចតស៊ូក្នុងការបង្អត់អាហារខ្លួនឯងទេ ហើយក៏គ្មានពេលទៅហាត់ប្រាណរាល់ថ្ងៃដែរ។ ចឹងកុំពិបាកចិត្តទៀតអីមកមើលការណែនាំសាមញ្ញៗខាងក្រោមនេះក៏អាចជួយឲ្យអ្នកស្រកគីឡូបានមិនចាញ់ហាត់ប្រាណនិងបង្អត់អាហារប៉ុន្មានទេ។
ហាត់ប្រាណលេងៗ
ហាត់ប្រាណខ្លាំងពេកក៏មិនមែនជារឿងល្អដែរ។ អ្នកគួរតែហាត់ប្រាណមួយភ្លែតៗជំនួសវិញដូចជាការហាត់ប្រាណបែប HIIT Cardio ជាដើម។ ទោះបីជាហាត់ប្រាណតិចក៏ដោយក៏អាចជួយស្រកគីឡូបានដែរ។
ផឹកទឹករាល់ពេលឃ្លានជំនួសអាហារ
គ្រប់ពេលអ្នកមានអារម្មណ៍ថាឃ្លានខ្លាំង វាប្រហែលគ្រាន់តែជាអារម្មណ៍ស្រេកទឹកប៉ុណ្ណោះ។ អ្នកគួរតែផឹកទឹកមួយកែវជំនួសឲ្យការញ៉ាំអ្វីផ្សេងល្អជាង។
កុំពាក់អាវរលុងៗពេលញ៉ាំអាហារ
សម្លៀកបំពាក់មួយឈុតដែលល្មមនឹងខ្លួនរបស់អ្នកក៏អាចជួយអ្នកឲ្យស្រកគីឡូបានដែរ។នៅពេលដែលអ្នកញ៉ាំឆ្អែត ពោះនឹងប៉ោង ហើយអ្នកនឹងអាចគ្រប់គ្រងខ្លួនឯងបាន។
ប្ដូរចានញ៉ាំបាយ
ប្តូរចានញ៉ាំបាយឲ្យតូចជាងរាល់ដងអាចកំណត់ចំនួនម្ហូបដែលអ្នកញ៉ាំបាន។
ញ៉ាំអាហារសម្រន់មុនចេញពីផ្ទះ
មុនពេលចេញពីផ្ទះគួរតែញ៉ាំអាហារសម្រន់ ព្រោះវាជួយកុំឲ្យអ្នកទៅញ៉ាំនៅខាងក្រៅច្រើនពេក។
ទិញសៀវភៅកត់ត្រាមួយ
វិធីនេះជួយឲ្យអ្នកមានអារម្មណ៍ថារំភើប និងចាប់អារម្មណ៍ច្រើនទៅលើការហាត់ប្រាណ។
ញ៉ាំយឺតៗ
ទំពាឲ្យល្អ និងយូរ នឹងជួយរំលាយអាហារបានល្អ អ្នកនឹងញ៉ាំតិចតែឆ្អែត។ វាជួយឲ្យស្រកគីឡូបាន។
ញ៉ាំអាហារនៅផ្ទះ
ចម្អិនអាហារញ៉ាំនៅផ្ទះខ្លួនឯង បានទាំងសុខភាពល្អ និងកំណត់ចំនួនម្ហូបដែលយើងញ៉ាំបានល្អទៀតផង។
ហាត់ប្រាណងាយៗនៅលើគ្រែ
ដោយសារតែខ្ជិល ចឹងហើយក្រោកពីគេងព្រឹកឡើង ហាត់ប្រាណពីរបីក្បាច់នៅលើគ្រែសិនទៅ។វាជួយឲ្យក្រោកគេងបានលឿន និងជួយសម្រកទម្ងន់បានទៀត។
ប្រើស្លាបព្រាតូចញ៉ាំ រឺញ៉ាំមិនប្រើដៃ
នេះជាវិធីកាត់បន្ថយចំនួននៃការញ៉ាំ និងជួយឲ្យស្រកគីឡូបានយ៉ាងស្រួល។
ញ៉ាំអាហារសុខភាព និងផឹកទឹកឲ្យបានច្រើន
គ្រប់គ្នាមិនអាចបោះបង់ការញ៉ាំអាហារសម្រន់បានទេ។ចឹងហើយអ្នកគួរតែញ៉ាំអាហារសម្រន់ណាដែលជាប្រភេទអាហារសុខភាព និងផឹកទឹកឲ្យបានច្រើន។
រាំជាមួយតន្ត្រី
ពេលដែលស្ដាប់តន្ត្រី ធ្វើចលនាតិចៗតាមបទភ្លេងទៅ។ វាជួយឲ្យស្រកទម្ងន់ហើយសុខភាពល្អទៀត។
ហៅគេឲ្យជួយញ៉ាំ
ចែកអាហារឲ្យគេញ៉ាំខ្លះ វាអាចជួយកាត់បន្ថយចំនួនអាហារដែលយើងញ៉ាំបាន។
ផឹកទឹកមុនពេលញ៉ាំអាហារ ៣០នាទី
នៅពេលផឹកទឹកក្រពះអ្នកនឹងឆ្អែតជាមុន ចឹងហើយអ្នកអាចកំណត់ចំនួនញ៉ាំបាន។
ញ៉ាំអាហារជាមួយគ្រួសារ
ញ៉ាំអាហារជាមួយគ្រួសារក៏អាចឲ្យអ្នកគ្រប់គ្រងអាហារបានល្អដែរ។ អ្នកអាចប្រាប់ឲ្យនរណាម្នាក់ជួយដាស់តឿនអ្នកបាន។
បបួលអ្នកដទៃឲ្យសម្រកគីឡូជាមួយយើងដែរ
នៅពេលដែលមនុស្សធាត់ ស្រកគីឡូជាមួយគ្នា វាជាការលើកទឹកចិត្តដ៏អស្ចារ្យមួយ៕
ចុចអាន៖ ចង្កេះតូចដូចអង្ក្រង និងជើងស្រឡូនស្អាតដោយប្រើពេលតែ ៣០ ថ្ងៃប៉ុណ្ណោះ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
