ប្រយ័ត្ន!វិធីការពារស្បែកពីកាំរស្មីយូវីដែលឡើងដល់កំរិតកំពូល កុំឲ្យខ្លោច និងកើតមហារីក

2019-02-20 03:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាមួយនឹងអាកាសធាតុក្ដៅខ្លាំងដូចបច្ចុប្បន្ន មនុស្សជាច្រើនបានភ័យខ្លាចថា មិនត្រឹមតែថាកាំរស្មីយូវីអាចធ្វើឲ្យស្បែកស្រអាប់នោះទេ ថែមទាំងអាចបំផ្លាញស្បែកបានទៀតផង។ កាលពីពេលថ្មីៗនេះ ក្រសួងធនធានទឹក និងឧតុនិយមបានប្រកាសថា នៅប៉ុន្មានថ្ងៃខាងមុខ ប្រទេសកម្ពុជា នឹងទទួលយករលកកម្ដៅខ្លាំង ដែលអាចធ្វើឲ្យសីតុណ្ហភាពកើនដល់ ៣៦ អង្សារ។ មានន័យថា អត្រាកាំរស្មីយូវីនឹងឡើងដល់១០។ គួរបញ្ជាក់ផងដែរថា ជាមួយនឹងអាត្រា១០ នេះ កាំរស្មីយូវីអាចធ្វើឲ្យស្បែករលាកបានក្នុងរយៈពេល ២៥ នាទី។ កាំរស្មីយូវី A អាចឆ្លុះ មួក ក្រណាត់ និងធ្វើឲ្យស្បែកឆាប់ចាស់ រីឯយូវី B អាចធ្វើឲ្យឈឺក្បាល វិលមុខ និងខ្មៅស្បែក។ ដើម្បីការពារស្បែកក្នុងអាកាសធាតុក្ដៅខ្លាំងបែបនេះ អ្នកគួរអនុវត្តវិធីដូចខាងក្រោម។

១. ប្រើឡេការពារកម្ដៅថ្ងៃ

វិធីការពារកាំរស្មីយូវីបានល្អបំផុត គឺប្រើឡេការពារកម្ដៅថ្ងៃ។ យូវីអាចឆ្លុះក្រណាត់ក៏ពិតមែន តែមិនអាចឆ្លងលេការពារកម្ដៅថ្ងៃបានឡើយ។ អាកាធាតុក្ដៅ អ្នកគួរជ្រើសយកប្រភេទធន់នឹងទឹក និងមានកំរិត SPF លើសពី៣០ ហើយត្រូវលាបមុនចេញក្រៅ២០ ទៅ៣០នាទី។

២. ពាក់វ៉ែនតាការពារកម្ដៅថ្ងៃ

ដើម្បីការពារភ្នែកកុំឲ្យជ្រួញ គួរប្រើវែ់នតាការពារកម្ដៅថ្ងៃ មុនពេលចេញក្រៅ ជៀសវាងការទទួលរងពីកាំរស្មីយូវី A និង B។

៣. ស្លៀកពាក់ឲ្យជិតៗ

ទោះបីជាកាំរស្មីអាចឆ្លុះធ្លុះក្រណាត់ក៏ពិតមែន តែនៅពេលស្លៀកពាក់ជិតៗ អាចការពារស្បែកមិនឲ្យរលាកបាន។ ឧបករណ៍ពេលចេញក្រៅគួរមាន មួក ម៉ាស និងអាវដៃវែងជាដើម។ សម្រាប់នារី មិនគួរស្លៀកខ្លីចេញក្រៅពេលថ្ងៃឡើយ ព្រោះអាចធ្វើឲ្យខ្លោចស្បែក។

៤. បំប៉នបន្ថែមទឹក

ក្រៅពីការទប់ស្កាត់ខាងក្រៅ យើងត្រូវថែពីខាងក្នុងដូចគ្នា ដោយការបន្ថែមទឹកឲ្យរាងកាយ កុំឲ្យស្ងួតប្រេះ និងខ្វះសំណើម។ ក្នុងអាកាសធាតុក្ដៅ រាងកាយបែកញើសច្រើនជាងធម្មតា ដូចនេះត្រូវផឹកបន្ថែមទឹក។ ជាមធ្យម ក្នុងរដូវក្ដៅ មនុស្សម្នាក់គួរផឹកទឹកឲ្យបាន ២,២លីត្រក្នុងមួយថ្ងៃ ទើបគ្រប់គ្រាន់៕

ចុចអាន៖

១. ប្រើឡេការពារកម្ដៅថ្ងៃ

២. ពាក់វ៉ែនតាការពារកម្ដៅថ្ងៃ

៣. ស្លៀកពាក់ឲ្យជិតៗ

៤. បំប៉នបន្ថែមទឹក

ចុចអាន៖

ប្រភព៖ bestie អត្ថបទ៖Caramel