រឿងដែលមានតែមនុស្សស្រីដូចគ្នាប៉ុណ្ណោះ ទើបអាចយល់បាន
- 2019-02-18 00:00:00
- ចំនួនមតិ 0 | ចំនួនចែករំលែក 0
រឿងដែលមានតែមនុស្សស្រីដូចគ្នាប៉ុណ្ណោះ ទើបអាចយល់បាន
សម្រាប់មនុស្សស្រី មានរឿងជាច្រើនដែលរញ៉េរញ៉ៃ ឬអាចហៅថាពិបាកយល់ចិត្ត ដូចនេះទើបមានតែស្រីៗដូចគ្នា ទើបយល់ និងដឹងថាត្រូវធ្វើយ៉ាងណា។
១.អារម្មណ៍ទាក់ទងនឹងសម្លៀកបំពាក់
មនុស្សស្រីមានការផ្លាស់ប្ដូរអារម្មណ៍ច្រើនណាស់ ដូចនេះថ្ងៃណាអារម្មណ៍ល្អការស្លៀកពាក់ និងតុបតែងខ្លួនក៏ស្អាតកំប្លង់ៗដែរ។ ចំណែកថ្ងៃណាអារម្មណ៍មិនល្អ ឬថ្ងៃមករដូវការស្លៀកពាក់ធ្វើឲ្យណាឲ្យរួចៗ ស្អាតមិនស្អាតមិនខ្ចីខ្វល់។
២.សម្ដី
មនុស្សស្រីច្រើនតែសម្ដីខុសពីចិត្ត ពេលខ្លះមនុស្សប្រុសមើលមិនដឹងទេ មានតែស្រីដូចគ្នាទើបដឹង។ ឧទាហរណ៍៖ ពេលខឹងមិត្តប្រុស មនុស្សស្រីប្រាកដជានិយាយថាមិនអីទេ ប្រុសៗឮបែបនេះ ក៏គិតថាមិនអីមែន។ តែបើមនុស្សស្រីដទៃឮគេប្រាកដជាដឹងថាមានអ្វីជាក់ជាមិនខាន។
៣.អាកប្បកិរិយា
ចំណុចនេះក៏ទាក់ទងទៅនឹងអារម្មណ៍ដែរ។ ថ្ងៃណាអារម្មណ៍ល្អឫកពាចេញមកគួរឲ្យស្រលាញ់ និងទាក់ទាញ តែបើថ្ងៃណាខឹងមួម៉ៅហើយនោះ អាកប្បកិរិយាក៏មានភាពឆ្គាំឆ្គងដែរ។
៤.ញញឹម
ថ្ងៃខ្លះទោះអារម្មណ៍ល្អ ក៏មិនញញឹមដែរ ព្រោះគ្មានអ្វីគួរឲ្យញញឹម ឬសើចចេញមក។ តែពេលខ្លះទោះមិនសប្បាយចិត្តក៏អាចញញឹមចេញមកយ៉ាងស្រស់ស្រាយ។
៥.ការញ៉ាំ
ត្រង់ចំណុចនេះបើបុរសពេលខូចចិត្ត សប្បាយចិត្ត ធ្វើរឿងអ្វីជោគជ័យ បរាជ័យ គឺចូលចិត្តផឹក តែមនុស្សស្រីវិញគឺញ៉ាំ ហើយញ៉ាំមិនសំចៃមាត់ទៀតផង។ ក្រោយញ៉ាំរួចបាននឹកស្ដាយក្រោយ ខ្លាចធាត់ នេះ ជាទម្លាប់ទៅហើយ។
៦.ចូលចិត្តនិយាយដើម
ឲ្យតែជុំគ្នា ហើយធ្លាប់មាននរណាម្នាក់ដែលធ្វើអ្វីមិនពេញចិត្តខ្លួន ដឹងយករឿងនោះទៅប្រាប់គ្នា ហើយចាប់ផ្ដើមនិយាយពីម្នាក់នោះមិនចេះអស់រឿង៕
ចុចអាន៖ចាំទុក មនុស្សស្រីខ្លាំងគេមិនដែលចាប់អារម្មណ៍រឿងទាំងនេះឡើយ