ចាំទុក មនុស្សស្រីខ្លាំងគេមិនដែលចាប់អារម្មណ៍រឿងទាំងនេះឡើយ

2019-02-12 00:00:00
ចំនួនមតិ 0 | ចំនួនចែករំលែក 0

ស្ត្រីរឹងមាំត្រូវបានគេមើលឃើញថា មានតម្រូវការខ្ពស់ និងមិនចុះញ៉មអ្នកដទៃឡើយ។ មនុស្សបែបនេះមិនចាប់អារម្មណ៍នឹងរឿងអ្នកដទៃ ឬធ្វើអ្វីតាមចិត្តគេ។

១.មិនខ្វល់សម្ដីអ្នកដទៃ

មនុស្សស្រីខ្លាំងមិនដែលយកចិត្តទុកដាក់លើអ្វីដែលអ្នកដទៃគិតអំពីគេឡើយ ព្រោះតែគំនិតអ្នកដទៃគេទុកជារបស់គ្មានន័យ។ គេវាយតម្លៃគុណភាពនៃជីវិតខ្លួនតាមរយៈកញ្ចក់ មិនមែនលើមាត់អ្នកដទៃ។ នោះហើយជាមូលហេតុដែលអ្នកខ្លាំងតែងគោរពខ្លួនឯង ទទួលយកខ្លួនឯង ហើយសើចចំអកដល់អស់អ្នកដែលស្អប់គេ។

រូបតំណាង

**២.មិនព្រួយបារម្ភអំពីការផ្គាប់ចិត្តមនុស្សគ្រប់គ្នា**

គេមិនវិនិច្ឆ័យខ្លួនឯងដោយពិចារណាទៅលើអ្វីដែលអ្នកដទៃគិតពីខ្លួនទេ ព្រោះវាផ្ទុយពីភាពរឹងមាំនៃស្មារតី។ ព្រោះពួកគេដឹងថាមិនអាចផ្គាប់ចិត្តមនុស្សគ្រប់គ្នាបាន។ ការព្យាយាមផ្គាប់ចិត្តមនុស្សគ្រប់គ្នា គឺជាពេលវេលាខ្ជះខ្ជាយក្នុងជីវិត។

៣.អ្នកខ្លាំងគេមិនខ្វល់ពីការមានរូបរាងល្អឥតខ្ចោះទេ

រឿងដែលមានសារៈសំខាន់នោះ គឺធ្វើយ៉ាងណាដើម្បីរក្សារាងកាយឲ្យមានសុខភាពល្អ។ មនុស្សបែបនេះដឹងថាមនុស្សគ្រប់គ្នាមានភាពខុសប្លែកគ្នា ហើយមានលក្ខណៈពិសេសផ្សេងគ្នា។ អ្វីដែលស្អាតពិតប្រាកដនោះ គឺផ្ដោតលើអត្តចរិត។

៤.មិនខ្វល់ទៅវិនិច្ឆ័យអ្នកដទៃ

ការវិនិច្ឆ័យអ្នកដទៃ មិនមែនជារឿងដែលមនុស្សស្រីខ្លាំងម្នាក់ត្រូវខ្វល់ឡើយ។ នាងខ្វល់ថាត្រូវធ្វើយ៉ាងណាឲ្យជីវិតខ្លួនជួបតែក្ដីសុខតែប៉ុណ្ណោះ។

៥.មិនខ្វល់ការនិយាយដើម

ចង់អ្នកណានិយាយដើមនាងយ៉ាងណា ក៏មិនទៅឈឺក្បាលហាលថ្ងៃដែរ។ ព្រោះតែនាងគិតថាខ្លួនមិនបានស្ថិតនៅលើមាត់អ្នកដែលគ្មានការងារធ្វើ ចាំតែនិយាយពន្លើស។

៦.មិនឲ្យអតីតកាលចូលមកជ្រៀតជ្រែកបច្ចុប្បន្ន និងអនាគត

ទោះជាពីមុនខ្លួនធ្លាប់ធ្វើរឿងដែលខុសឆ្គង និងមានវិប្បដិសារីយ៉ាងណា ក៏មិនបណ្ដោយឲ្យវាចូលមកគ្រប់គ្រងខ្លួនដែរ។ មានតែយកវាជាកម្លាំង ដើម្បីជ្រោមជ្រែងជីវិតឲ្យកាន់តែល្អថែមទៀត៕