ចង់បានជីវិតរីករាយ កុំភ្លេចធ្វើរឿងតូចតាច ៨យ៉ាង នេះឲ្យបានរាល់ថ្ងៃ

2019-02-08 05:30:00
ចំនួនមតិ 0 | ចំនួនចែករំលែក 292

ចន្លោះមិនឃើញ

ក្ដីសុខនៅមិនឆ្ងាយទេ វាឋិតនៅក្នុងទម្លាប់ប្រចាំថ្ងៃរបស់យើងហ្នឹងហើយគ្រាន់តែពេលខ្លះយើងភ្លេចធ្វើវាតែប៉ុណ្ណោះ។ មិនចាំបាច់ទាល់តែធ្វើតាមគោលការណ៍អីណាស់ណាទេ យើងក៏អាចស្វែងរកក្ដីសុខពិតប្រាកដឲ្យខ្លួនឯងបានតាមទម្លាប់ធម្មតាៗប្រចាំថ្ងៃរបស់យើងបានដែរ។ វាគឺជារឿងតូចតាចទេនៅក្នុងជីវិតយើង តែបើយើងអាចធ្វើវាបាន ជីវិតនឹងជួបតែរឿងរីករាយមិនខាន។ ហើយខាងក្រោមនេះជារឿង ៨ យ៉ាងដែលយើងមិនគួរភ្លេចធ្វើ៖

១.ដកដង្ហើមវែងៗស្រូបយកខ្យល់ធម្មជាតិ

វាជាវិធីសាស្ត្រក្នុងការសមាធិដ៏សំខាន់មួយដែលអ្នកជំនាញតែងតែណែនាំឲ្យធ្វើ។កុំឃុំឃាំងខ្លួននៅតែក្នុងបន្ទប់ ត្រូវតែចេញដើរមកខាងក្រៅ ស្វែងរកកន្លែងដែលមានធម្មជាតិ នៅក្រោមម្លប់ឈើ ឬក្នុងសួនច្បារ ហើយស្រូបយកខ្យល់វែងៗ។ ធ្វើបែបនេះដដែលៗឲ្យបានយ៉ាងតិច១០ដង នោះអារម្មណ៍អ្នកនឹងបានធូរស្បើយពីកង្វល់ទាំងឡាយ។

២.ញញឹមទៅកាន់អ្នកនៅជុំវិញខ្លួន

ពេលអ្នកញញឹមទៅកាន់មនុស្សជុំវិញខ្លួនមិនត្រឹមតែផ្ដល់ក្ដីសុខឲ្យខ្លួនឯងទេ តែវាក៏ជាក្ដីសុខរបស់អ្នកផ្សេងដែរ។ នៅពេលដែលអ្នកសើចទៅកាន់ពួកគេបានច្រើន នោះពួកគេនឹងចង់ជួយអ្នកពេលដែលអ្នកត្រូវការពួកគេ ទោះបីអ្នកបានសុំឲ្យជួយក៏ដោយ។ ព្រោះស្នាមញញឹមនឹងប្រែក្លាយពីមនុស្សប្លែកមុខឲ្យមកជាមិត្តបាន។

៣.ឧស្សាហ៍និយាយពាក្យ អរគុណ

ពាក្យអរគុណមិនមែនប្រើចំពោះតែអ្នកដែលបានជួយអ្នកទេ។ តែវាបង្ហាញពីអារម្មណ៍ស្វាគមន៍របស់អ្នកតូចមួយរបស់អ្នកទៅកាន់អ្នកដ៏ទៃ។ បើមានអារម្មណ៍ល្អនិងស្វាគមន៍ចំពោះអ្នកដ៏ទៃនោះអ្នកតែងតែរីករាយ។

៤. សាកល្បងធ្វើអ្វីដែលថ្មី

តើអ្នកតែងតែគិតថាមិនមានពេល និងលុយគ្រប់គ្រាន់មែនទេ? ឬគិតថាគ្មានអ្វីដែលល្អគ្រប់គ្រាន់ដើម្បីអាចឲ្យអ្នកស្រលាញ់បាន? អ្នកគួរតែដឹងពីរសជាតិម្ហូបដែលអ្នកកំពុងញ៉ាំ ដឹងពីភាពងាយស្រួលរបស់កៅអីដែលអ្នកកំពុងអង្គុយ ឬក៏អ្វីផ្សេងទៀតដែលធ្វើឲ្យជីវិតរបស់អ្នកមានភាពងាយស្រួល។ ត្រូវចេះពេញចិត្តជាមួយពេលវេលា និងបទពិសោធន៍នោះនឹងធ្វើឲ្យជីវិតអ្នកកាន់តែមានភាពរឹងមាំ។

៥. កុំភ្លេចស្វែងរកកន្លែងស្ងប់ស្ងាត់ឲ្យខ្លួនឯង

ពេលខ្លះអ្នករវល់ខ្លាំងជាមួយការងារ មិត្ត ភក្តិ តែមិនត្រូវភ្លេចស្វែងរកពេលវេលាស្ងប់ស្ងាត់ឲ្យខ្លួនឯងទេ។ បើអាច ចំណាយពេលនៅពេលថ្ងៃ ស្វែងរកកន្លែងស្ងាត់ អង្គុយចុះ ហើយកុំធ្វើអីទាំងអស់ ធ្វើអារម្មណ៍ឲ្យស្ងប់ នោះភាពរីករាយនឹងមករកអ្នក។

៦. ពុតខ្លួនឲ្យដូចឆ្មារកម្ជិល

តើអ្នកតែងតែក្រោកពីដេកហើយនៅមានអារម្មណ៍ថាហត់ដែរទេ? មិនចាំបាច់ហាត់ Yoga ក៏បានដែរ គ្រាន់តែពុតខ្លួនឲ្យដូចឆ្មារខ្ជិលមួយក្បាលទៅបានហើយ។ វានឹងធ្វើឲ្យអ្នកមានអារម្មណ៍ថាបានធូស្រាល។

៧. រាំលេង

មិនចាំបាច់ទាល់តែចេះរាំដូចតារា K-Popអីទេ។ គ្រាន់ឈរលើឥដ្ឋលើកដៃលើកជើង គ្រវីចង្កេះ តាមភ្លេង ទៅមកៗទៅបានហើយ។ អ្នកនឹងដឹងថាពេលអ្នករាំគឺសប្បាយខ្លាំងណាស់។

៨. កុំភ្លេចទៅមើលថ្ងៃលិច

គ្រប់ពេលថ្ងៃលិចតែងតែមានពណ៌ចម្រុះផ្សេងៗគ្នា។ ពពកប្ដូររូបរាងគ្រប់វិនាទី មេឃប្ដូរពីពណ៌លឿងទៅជាពណ៌ទឹកក្រូច និងខៀវស្រងាត់។ បន្ទាប់មកព្រះអាទិត្យលិចបញ្ចេញពណ៌ក្រហមផ្លេកៗ។ ការមើលថ្ងៃលិចគឺជាការរកក្ដីសុខឲ្យខ្លួនឯង៕