ល្បិចទាំង ៦ អាចសម្រកទម្ងន់បានយ៉ាងរហ័ស ស្ត្រីធាត់ៗគួរតែសាក

2019-01-21 08:00:00
ចំនួនមតិ 0 | ចំនួនចែករំលែក 0

ស្រីៗដែលធ្វើការក្នុងការិយាល័យអង្គុយយូរៗ បណ្ដាលឲ្យរូបរាងមានជាតិខ្លាញ់ ក្បាលពោះ រាងមិនស្ដើងស្អាត។ ភាពធាត់ធ្វើឲ្យនារីៗបាត់បង់ទំនុកចិត្ត មិនហ៊ានសម្លឹងទៅអ្នកដទៃ ហើយពេលត្រូវស្លៀកពាក់ គឺសឹងតែទឹកភ្នែក ជាពិសេសក្នុងឈុតប៊ីគីនីដ៏តូចដែលត្រូវបង្ហាញរាង។ តែមិនបាច់បារម្ភទៀតទេ អ្នកគួរតែសាក ៦ ចំណុចនេះ ដើម្បីជួយឲ្យរាងស្អាតឡើងវិញបាន។

១.ផឹកទឹកធម្មតាមុនពេលទទួលទានអាហារ

ទឹកធម្មតាតែងតែសំខាន់សម្រាប់រាងកាយរបស់មនុស្សគ្រប់រូប ហើយគួរពិសាទឹកឲ្យបានគ្រប់គ្រាន់ដើម្បីបំពេញតម្រូវការក្នុងរយៈពេល ១ ថ្ងៃពេញ ទើបរាងកាយមានតុល្យភាព ហើយផឹកទឹកច្រើនជួយស្បែកឲ្យភ្លឺរលោង។ វាជួយសម្រួលដល់ការបញ្ចេញចោល និងជួយការរំលាយអាហារ បានអស់ល្អ ដែលជាល្បិចមួយផ្សេងទៀតអាចជួយកាត់បន្ថយការឈឺពោះបាន។ គ្រាន់តែផឹកទឹកស្អាត ២ កែវមុនពេលញ៉ាំអាហារ ជួយអ្នករហ័ស និងមានផាសុកភាពក្នុងការផ្ដួលរលំខ្លាញ់ក្បាលពោះ។

រូបតំណាង

**២.ផ្លាស់ប្ដូរអាកប្បកិរិយាដេក**

អ្នកដេកក្រោយបរិភោគរួច ចាស់បុរាណតែងពោលថាជាមនុស្សខ្ជិល ជាទូទៅចូលចិត្តញ៉ាំ-គេង ដូច ជ្រូក។ តើអ្នកដឹងទេថា នេះគឺជាគ្រោះថ្នាក់ដល់ប្រព័ន្ធរំលាយអាហារ និងការរំលាយអាហារ មិនប្រកបដោយប្រសិទ្ធភាព រួមបញ្ចូលទាំងខ្យល់ ឬឧស្ម័ននៅក្នុងបំពង់រំលាយអាហារ រហូតអាចបណ្ដាលឲ្យមានការចាល់អាស៊ីដពីក្រពះ ដូច្នេះក្រោយពេលញ៉ាំអាហារគួរតែអង្គុយត្រង់កន្លះ ទៅមួយម៉ោងសិន ដើម្បីឲ្យពោះវៀនដំណើរការបានល្អ។ មូលហេតុដែលធ្វើឲ្យធាត់ ក្រោយញ៉ាំគឺអាហារដែលនៅក្នុងពោះគ្មានការរំលាយបានល្អ។

៣.កាត់បន្ថយភេសជ្ជៈជាតិស្ករ និងអាល់កុល

ភេសជ្ជៈផ្អែម រួមទាំងអាល់កុល គឺជាអ្វីដែលស្រីៗពេញនិយមបំផុត។ ប៉ុន្តែប្រសិនបើអ្នកចង់សម្រកទម្ងន់អ្នកកុំទទួលទានភេសជ្ជៈទាំងនេះអី ដោយសារស្ករនឹងធ្វើឲ្យកកកុញជាតិខ្លាញ់ និងលើសពីតម្រូវការរាងកាយ ហើយបើផឹកជាទៀងទាត់ធ្វើឲ្យអ្នកធាត់ខ្លាំងទៀតផង។

រូបតំណាង

៤.ផ្ដោតទៅលើការញ៉ាំចំណីអាហារដែលចំហុយ

អាហារបំពង គឺជាអ្វីដែលគួរតែជៀសវាង ដើម្បីបញ្ចុះទម្ងន់។ ដោយសារតែប្រេងមាននូវជាតិខ្លាញ់ច្រើនជាងការចាំបាច់ទៅនឹងរាងកាយរបស់មនុស្សប្រុសគ្រប់រូប ដែលជាហេតុធ្វើឲ្យ ខ្លាញ់ទៅកកកុញនៅក្នុងខ្លួនជាពិសេស ពោះ ភ្លៅ ដើមដៃ។ គួរតែផ្ដោតលើការញ៉ាំចំណីអាហារដែលជាប្រភេទស្ងោរ ចំហុយវិញ។

៥.ទឹកដោះគោជូរ ឬទឹកដោះគោស្រស់មុនចូលគេង

មីក្រូសរីរាង្គក្នុងទឹកដោះគោជូរនឹងជួយលុបបំបាត់បាក់តេរីនៅក្នុងពោះវៀន ជួយឲ្យប្រព័ន្ធរំលាយអាហារប្រសើរជាងមុន និងធ្វើឲ្យក្រពះមានផាសុកភាពនាំឲ្យការរំលាយអាហារបានល្អ។ នៅពេលដែលញ៉ាំជាប្រចាំ នៅពេលព្រឹកមុនពេលទទួលទានអាហារ ឬមុនពេលចូលគេងវានឹងធ្វើឲ្យរាងកាយអ្នកកាន់តែងាយស្រួលបញ្ចេញជាតិពុល។ ទឹកដោះគោជូរ កាត់បន្ថយការទល់លាមក អាហារមិនរំលាយ និងការបញ្ចេញជាតិប្រូតេអ៊ីនជាប្រចាំដែលអាចជួយឲ្យស្រកទម្ងន់។

៦.លំហាត់ប្រាណជាពិសេស

ប្រសិនបើការធ្វើលំហាត់ប្រាណរបស់អ្នកមិនផ្ដល់លទ្ធផលល្អដល់ពោះទេ នោះព្រោះតែអ្នកមិនដឹងថាគួរហាត់បែបណា។ ជម្រើសដ៏ល្អបំផុត ត្រូវធ្វើលំហាត់ប្រាណនៅបរិវេណពោះ ធ្វើលំហាត់ប្រាណដើម្បីជួយសម្រួលការអង្គុយ និងការរឹតបន្តឹងពោះ៕