Anglebaby ក្លាយជាផ្ទាំងស៊ីបរិះគន់ ពេលប្រើជំនួយការដោះស្រោមជើង និងពាក់ស្បែកជើងឲ្យ

2018-12-30 02:00:00
ចំនួនមតិ 0 | ចំនួនចែករំលែក 0

សកម្មភាពថ្មីបំផុតរបស់តារាសម្ដែងស្រីលំដាប់ A ចិន Angelababy ត្រូវបានមហាជនរិះគន់យ៉ាងខ្លាំង ពេលនាងឲ្យជំនួយការដោះស្រោមជើង និងពាក់ស្បែកជើងឲ្យខ្លួន។

កាលពីថ្ងៃទី២៨ ខែធ្នូមុននេះ អ្នកប្រើប្រាស់បណ្ដាញសង្គម Weibo ម្នាក់ បានបង្ហោះកម្រងរូបភាព តារាសម្ដែងស្រីកំពុងឡើងកូដចិន Angelababy ប្រើជំនួយការខ្លួន ដោះស្រោមជើង និងពាក់ជើងថ្មីឲ្យនាង នៅពេលនាងកំពុងថតរូបឲ្យទស្សនាវដ្ដីមួយ។ ប្រភពដដែលនេះសរសេរថា៖ “ស្ទើរតែមិនជឿថា មានអ្នកហ៊ានជួលជំនួយការម្នាក់ ដើម្បីតែដោះស្រោមជើង និងពាក់ស្បែកជើងឲ្យទាល់តែសោះ។ មិនដឹងថាជំនួយការនេះ ទទួលបានប្រាក់ខែប៉ុន្មានដែរទៅហ្ន”។ អ្វីដែលសំខាន់នោះ អ្នកម្ដាយកូន១ហាក់មិនអើពើនឹងជំនួយការខ្លួនឡើយ ហើយក៏គ្មានបំណងឱនចុះ ដើម្បីដោះស្រោមជើងខ្លួនឯងដែរ។

ក្រោយពេលរូបភាពទាំងនេះត្រូវបានចុះផ្សាយភ្លាមៗ ស្រីស្អាតវ័យ ២៩ ឆ្នាំត្រូវបានគេរិះគន់យ៉ាងខ្លាំងៗថា ដូចជាគ្មានសីលធម៌ ហើយធ្វើចរិតឆ្មើងហួសហេតុ។ អ្នកខ្លះថែមទាំងបញ្ចេញមតិថា តើនាងពិការដៃឬ ក៏យ៉ាងម៉េច បានដល់ថ្នាក់ឲ្យគេដោះស្រោមជើងដូចនេះ។ ស្របនឹងគ្នានេះដែរ អ្នកគាំទ្ររបស់តួរឿង “General and I” បានចេញមកតតាំងថា នេះគឺជាការងាររបស់ជំនួយការ។ អ្នកខ្លះគេជួលមកឲ្យផាត់មុខ និងធ្វើសក់ឲ្យតារា ហើយខ្លះទៀតជួលមកជួយស្លៀកពាក់ឲ្យ ដូចនេះការជួយពាក់ស្រោមជើងឲ្យក៏គ្មានអ្វីខុសដែរ ព្រោះនេះគឺជាការងាររបស់គេ គ្មានអ្នកណាមកបង្ខំនោះឡើយ៕

ចុចអាន៖[យ៉ាងគួ សៀវ ឡុងនី ទម្លាយរូបថតមង្គលការជាលើកទី២ បំបិទព័ត៌មានលែងលះគ្នា]http://kanha.sabay.com.kh/article/1113735#utm_campaign=onpage(http://kanha.sabay.com.kh/article/1113735#utm_campaign=onpage)

ប្រភព៖ ngoisao អត្ថបទ៖Caramel