ល្បិច makeup ងាយៗឲ្យឃើញមុខស្អាតបែបធម្មជាតិ តែលេចធ្លោខ្លាំង!

2018-12-13 03:33:12
ចំនួនមតិ 0 | ចំនួនចែករំលែក 0

សួស្ដីប្រិយមិត្ត កញ្ញា តើអ្នកកំពុងតែមានចង់ចេះរបៀបផាត់មុខស្ដើងៗបែបធម្មជាតិ តែមើលទៅឲ្យស្អាតខ្លាំងមែនទេ? មិនបាច់បារម្ភទេ ខាងក្រោមនេះយើងនឹងបង្ហាញពីគន្លឹះងាយៗដែលអ្នកអាច makeup ដោយខ្លួនឯង ហើយស្អាតមិនចាញ់អ្នកជំនាញទៀតផង។ ជាធម្មតាស្រីៗចូលចិត្តស្ទីលតុបតែងមុខធម្មជាតិណាស់ ព្រោះវាមើលទៅទាក់ទាញ ហើយវាសមស្របសម្រាប់នារីស្ថិតជាយុវវ័យ។

ជំហានដំបូង គឺត្រូវរៀបចំមុខឲ្យស្រស់បស់ ដោយលាងសម្អាត និងជូតឲ្យស្ងួត។ ដើម្បីជួយឲ្យមុខមើលទៅមានពន្លឺ គឺត្រូវកម្ចាត់បញ្ហាក្រោមភ្នែកខ្មី ឬស្លក់សិន។ បន្ទាប់មកលាបម្សៅទ្រនាប់ឲ្យស្ដើងបំផុត និងផាត់ម្សៅហុយតិចៗ។

ជំហានទី២ គឺរូបរាងចិញ្ចើម អ្នកគួរគូរឲ្យមានស្នាមបន្ថែមពីលើចិញ្ចើមមានស្រាប់ដោយមិនដាក់ពណ៌ក្រាស់ ឬខ្មៅពេក។ បន្ទាប់មកអ្នកគួរផាត់ស្រមោលភ្នែកពណ៌ត្នោតខ្ចី ពណ៌ក្រហមព្រឿងៗ ពណ៌ទឹកក្រូច...។ ជាចុងបញ្ចប់អ្នកអាចលាប mascara ថើៗពីលើរោមភ្នែក។

ជំហានទី ៣ លាបក្រែមបែបនារីកូរ៉េ។ មុនដំបូងជូតសម្អាតបបូរមាត់ឲ្យស្ងួត ហើយអ្នកអាចជ្រើសរើសក្រែមទឹក ឬហៅថាក្រែមក្ដៅក្នុងជាពណ៌ទឹកក្រូច ឬក្រហម និងផ្កាឈូក៕ (មើលតាមគំរូ)