ទិន ហ្វី បង្ហាញខ្លួនចាស់ខ្លាំងក្នុងកម្មវិធីថ្មី ក្រោយបាត់មុខយូរខែ
- 2018-12-12 03:00:45
- ចំនួនមតិ 0 | ចំនួនចែករំលែក 0
ទិន ហ្វី បង្ហាញខ្លួនចាស់ខ្លាំងក្នុងកម្មវិធីថ្មី ក្រោយបាត់មុខយូរខែ
នៅក្នុងកម្មវិធីប្រគល់ពានរង្វាន់ភាពយន្ត Hua Biao 2018 កន្លងទៅនេះ ខណៈតារាប្រុសស្រីដទៃទៀត តុបតែងខ្លួនឡើងខ្ញង់នោះ កំពូលតារាសម្ដែងកំប្លែងហុងកុង Stephen Chow បែរជាធ្វើខ្លួនសាមញ្ញ ធ្វើឲ្យលោកមើលទៅចាស់ជាងវ័យ។
កាលពីថ្ងៃទី១០ ខែវិច្ឆិកាកន្លងទៅនេះ កម្មវិធីប្រគល់ពានរង្វាន់ភាពយន្តដ៏ធំប្រចាំឆ្នាំរបស់ចិនគឺ Hua Biao Awards ២០១៨ ត្រូវបានប្រព្រឹត្តឡើងយ៉ាងអ៊ឹកធឹកនៅទីក្រុងប៉េកាំងប្រទេសចិន ដោយមានការចូលរួមពីសំណាក់សិល្បករ និងសិល្បការិនីយ៉ាងច្រើនកុះករ។ ទាក់ទាញចំណាប់អារម្មណ៍របស់បណ្ដាញព័ត៌មាន ក៏ដូចជាទស្សនិកជនខ្លាំងជាងគេគឺ ស្ដេចកំប្លែងហុងកុង Stephen Chow តែម្ដង ព្រោះយូរណាស់ហើយ ទើបគេឃើញតួរឿង “អ្នកលេងពូថៅហោះ” បង្ហាញខ្លួនក្នុងកម្មវិធីសិល្បៈឡើងវិញ។ ជាធម្មតា ទោះបីជារឿងរបស់ខ្លួន ជាប់ជាបេក្ខភាព ឬឈ្នះពានរង្វាន់ក៏លោកមិនខ្វល់ចួលរួមដែរ។
យ៉ាងណាក្ដី ដោយសារតែ Hua Biao គឺជាកម្មវិធីដែលធ្វើឡើងដោយរដ្ឋាភិបាល អាស្រ័យហេតុនេះ តារាដែលបានអញ្ជើញទាំងអស់គឺមិនមានអ្នកណាបដិសេធឡើយ។ គួរឲ្យសោកស្ដាយ ទស្សនិកជនបានវាយតម្លៃថាពេលនេះ ស្ដេចកំប្លែងចាស់ហើយ បូករួមនឹងការស្លៀកពាក់សាមញ្ញ និងមិនព្រមលាបសក់ស្ដូវចេញទៀតនោះ ធ្វើឲ្យតារាវ័យ៥៦ឆ្នាំ ចាស់ជាងវ័យយ៉ាងខ្លាំង៕