ស្បែកទន់រលោងដូចកូនក្មេង ដោយវិធីងាយៗ

2018-11-20 09:00:00
ចំនួនមតិ 0 | ចំនួនចែករំលែក 0

ស្បែកទន់ស្អាតដូចកូនក្មេង នរណាដែលថាមិនចង់បាននោះ។ មានវិធីជាច្រើនដែលអ្នកអាចអនុវត្តបានដោយខ្លួនឯង ប៉ុន្តែថ្ងៃនេះ "កញ្ញា" នឹងណែនាំពីវិធីងាយៗ ដើម្បីឲ្យអ្នកទទួលបានស្បែកទន់ដូចកូនក្មេង គួរឲ្យស្ទាបអង្អែល សមដូចបំណង។

១. ដុសខាត់ស្បែក

អ្នកចាំបាច់ត្រូវងូតទឹកឲ្យបានម្តងក្នុងមួយថ្ងៃ ប៉ុន្តែអ្នកក៏ត្រូវធ្វើការដុសខាត់ស្បែកយ៉ាងហោចណាស់ឲ្យបាន១-២ដង ក្នុងមួយសប្តាហ៍ ដើម្បីជម្រុះកោសិកាចាស់ៗនិងងាប់ចេញឲ្យអស់ ដោយប្រើជាមួយច្រាសមានសរសៃទន់។

២. ជូតខ្លួននិងមុខដោយប្រើកន្សែងទន់

រាល់ពេលងូតទឹករួច មិនត្រូវជូតត្រដុសខ្លាំងៗលើស្បែកដាច់ខាត ព្រោះវាអាចបង្កផលប៉ះពាល់ខូចខាតដល់ស្បែក ជំនួសមកវិញដោយការប្រើកន្សែងទន់ ផ្តិតថ្នមៗទើបល្អ។

៣. ផ្តល់ជាតិទឹកដល់ស្បែក

ស្បែកមនុស្សយើងប្រៀបបាននឹងរុក្ខជាតិដូច្នោះដែរ។ វាត្រូវការជាតិទឹកជាប្រចាំ ដើម្បីភាពស្រស់បំព្រងរស់រានមានជីវិត។ ហេតុនេះហើយ ជារៀងរាល់ថ្ងៃ ពិសេសពេលងូតទឹករួច កុំភ្លេចលាបឡេណា ដែលអាចផ្តល់សំណើមដល់ស្បែក។ សំខាន់បំផុតមួយទៀតនោះគឺ ត្រូវញ៉ាំទឹកឲ្យបានច្រើន។

៤. លាបឡេការពារកម្ដៅថ្ងៃ

ពន្លឺថ្ងៃ បានបញ្ចេញកាំរស្មីដែលអាចធ្វើឲ្យស្បែកខូច ឆាប់ជ្រីវជ្រួញនិងឡើងស្នាមអុចខ្មៅ។ មុនពេលចេញទៅម្តងៗ កុំភ្លេចលាបឡេការពារកម្តៅថ្ងៃដែលមាន SPF ខ្ពស់ ឲ្យបានមុន៣០នាទីជារៀងរាល់ថ្ងៃ៕