តិចនិចឲ្យមនុស្សប្រុសធ្លាក់ក្នុងអន្លង់ស្នេហ៍ដោយការសរសេរសារ (Text)

2018-11-16 09:59:36
ចំនួនមតិ 0 | ចំនួនចែករំលែក 0

ពេលខ្លះមិនបាច់ទាល់តែអ្នកជួបគ្នា ឬ ក៏នៅក្បែរគ្នា ទើបអាចឲ្យមនុស្សម្នាក់លង់ស្រឡាញ់អ្នកបាននោះទេ គ្រាន់តែជជែកគ្នាតាមសារ តាម Text អ្នកក៏អាចឲ្យគេធ្លាក់ចូលក្នុងអន្លង់ស្នេហ៍អ្នកបានដែរ ៖

១. ប្រាប់ថាអ្នកនៅចាំគាត់ ៖ វាពិតជាគួរឲ្យចាប់អារម្មណ៍ដែលអ្នកប្រាប់គាត់ថាអ្នកចាំគាត់ថា ធ្លាប់ជួបគ្នានៅឯណា? ឬក៏ធ្លាប់ឃើញនៅក្នុងកម្មវិធីអ្វីមួយ? ហើយគាត់នឹងចាប់ផ្ដើមកត់សម្គាល់ពីអ្នក។

២. សរសេរបែបរីករាយ ៖ អ្នកគួរតែសរសេរអ្វីដែលធ្វើឲ្យគាត់ជក់ចិត្តក្នុងការឆ្លើយឆ្លងជាមួយអ្នក ដោយជជែកជាលក្ខណៈលេងសើច និង ផ្ដល់ភាពរីករាយដល់គាត់ ចៀសវាងសរសេរជាអ្វីដែលតឹងតែងពេក ហើយ គួរឲ្យធុញពេលដែលឃើញ។

រូបតំណាង

**៣. ហៅឈ្មោះគាត់ ៖** ពេលដែលអ្នកសរសេរពីអ្វីមួយទាក់ទងនឹងគាត់គួរតែហៅឈ្មោះគាត់នៅក្នុងនោះ ដើម្បីឲ្យមានភាពស្និទ្ធស្នាល ហើយធ្វើឲ្យគាត់មានអារម្មណ៍ល្អជាមួយអ្នកទៀតផង។ ឧទាហរណ៍ ៖ ខ្ញុំឃើញវិសាលចូលចិត្តញ៉ាំអាហ្នឹងសឹងអី ហើយនៅមកថាអត់ទៀត។

៤. កុំសរសេរបែបកំបុតៗ ហើយ ឆ្មើងឆ្មៃ ៖ អ្នកមិនគួរព្យាយាមធ្វើខ្លួនបែបព្រះនាងម្ចាស់ឡើយ កុំនិយាយកំបុតៗ ឬ ក៏និយាយទៅគាត់ លក្ខណៈគាត់អន់ជាងអ្នកនោះ។ អ្នកគួរតែសរសេរបែបឲ្យគាត់ចង់សួរអ្នកបន្ត និង មានភាពកក់ក្ដៅជាមួយអ្នក។

៥. កុំសរសេរបែបពន្យល់គាត់ច្រើនពេក ៖ សារខ្លះអ្នកមិនគួរសរសេរបែបពន្យល់គាត់វែងអន្លាយពេកទេ ព្រោះវាអាចធ្វើឲ្យគាត់ធុញ ដូច្នេះអ្នកគួរតែរក្សាវាឲ្យល្មមបែបប្រទាក់ក្រឡាគ្នាវិញទើបល្អ។

រូបតំណាង

៦. កុំសរសេរសរសើរពីខ្លួនឯង ៖ បើយើងល្អមែនទោះមិនប្រាប់គេក៏គេអាចដឹងដែរ ដូច្នេះហើយអ្នកមិនចាំបាច់សរសើរថាខ្លួនឯងល្អនេះ ល្អនោះទេ ព្រោះវាដូចជាអ្នកកំពុងអួតខ្លួនឯងអីចឹង។

៧. កុំសួរដេញដោលគាត់ពីរឿងផ្ទាល់ខ្លួន ៖ ជារឿងមួយដែលមនុស្សមិនចូលចិត្តនោះទេ ព្រោះវាគ្មានហេតុផលអីដែលអ្នកត្រូវដេញដោលគាត់ពីរឿងទាំងនេះទេ។

ជារឿងល្អដែលអ្នកគួរតែសាកល្បង ព្រោះពេលដែលជួបមុខគ្នាអាចធ្វើឲ្យអ្នកពិបាក៕

ប្រភព៖ Lovepanky ប្រែសម្រួល៖ ផេង ផលធិតា