ពេលបុរសមិនអើពើអំពីខ្លួនទៀត ប្រៀបដូចជាបង្រៀនឲ្យនាងឲ្យរឹងមាំដោយគ្មានអ្នក

2018-11-13 10:00:00
ចំនួនមតិ 0 | ចំនួនចែករំលែក 0

បុរសតែងតែបែបនេះ កាលដើមដំបូងព្យាយាមធ្វើឲ្យនាងចាប់អារម្មណ៍។ នៅពេលនាងចាប់ផ្ដើមបាក់ចិត្តទៅលើហើយ គេបែរជាលែងអើពើជាមួយនាងវិញ។ ក្រោយទាក់ទងគ្នាហើយ បើបុរសធ្វើចរិតបែបនេះដាក់នារី វាប្រៀបដូចជាការបង្រៀននាងឲ្យរឹងមាំឡើងដោយគ្មានវត្តមានអ្នកនៅក្បែរ

១.នៅពេលដែលនាងមើលឃើញថា អ្នកលែងខ្វាយខ្វល់ពីនាង នាងក៏ចេះមេរៀននេះពីអ្នក ហើយនាងក៏លែងខ្វាយខ្វល់ពីអ្នកទៀតដែរ។ ព្រោះនាងដឹងថា ខ្លួនមានតម្លៃគ្រប់គ្រាន់មិនឲ្យបុរសណាម្នាក់មកជាន់ឈ្លីនាងតាមអំពើចិត្តឡើយ។

២.ពេលនាងនិយាយរឿងអ្វីប្រាប់អ្នក តែអ្នកបែរជាមិនចាប់អារម្មណ៍ ឬមិនងក់ក្បាលឆ្លើយ។ ក្រោយមកនាងនឹងឈប់ប្រាប់រឿងដល់អ្នក។ ចាប់ពីពេលនេះតទៅនាងនឹងមិននិយាយជាមួយអ្នកអំពីអ្វីពាក់ព័ន្ធរវាងអ្នក និងនាង ទោះជារឿងរីករាយ កើតទុក្ខ...។ ប្រសិនបើជួបរឿងមិនល្អ នាងនឹងស្វែងរកនរណាផ្សេងទៅរៀបរាប់ប្រាប់គេវិញ។

៣.នាងឈប់នឹកនាអ្នកទៀតហើយ ព្រោះអ្នកក៏ឈប់នឹកនានាងដូចគ្នាដែរ។ ពីមុននាងចង់ចំណាយពេលរៀងរាល់វិនាទីជាមួយអ្នក តែអ្នកមិនអាចផ្ដល់ឲ្យនាងបាន ដូចនេះនាងលែងគិតពីអ្នកទៀតហើយ។ យូរៗទៅនាងនឹងទម្លាប់រស់នៅម្នាក់ឯងយ៉ាងមានសេចក្ដីសុខ។

៤.ឈប់រង់ចាំអ្នកតទៅទៀតហើយ ព្រោះអ្នកបានដើរចេញពីនាងគ្មានស្ដាយស្រណោះអ្វីបន្តិចឡើយ។ ដូចនេះហើយ នាងក៏គ្មានថ្ងៃរង់ចាំអ្នកតទៅទៀតដែរ ព្រោះនាងដឹងថាអ្នកមិនត្រឡប់មកវិញឡើយ។

៥.នាងដឹងពីរបៀបរស់នៅម្នាក់ឯង ព្រោះតែការដើរចោលនាងយូរពេក ធ្វើឲ្យស្ត្រីចាប់ផ្ដើមរៀនមេរៀនថ្មី នោះគឺការចាប់ផ្ដើមរស់នៅម្នាក់ឯងដោយគ្មានវត្តមានអ្នក។

នៅពេលអ្នកចាកចេញពីនាង អ្នកបង្រៀននាងឲ្យរស់នៅជាមួយភាពឯកាឡើងធ្លាប់ទៅហើយ។ កុំមានការភ្ញាក់ផ្អើលនៅពេលដែលនាងមិនត្រូវការអ្នកទៀត ព្រោះអ្នកទេដែលបង្ហាញនាងថា នាងអាចធ្វើបាន។ មិនថាអ្នកចង់ឲ្យនាងត្រលប់មកវិញយ៉ាងណាទេ ពេលធ្លាប់នឹងគ្មានវត្តមានអ្នកហើយ នាងកាន់តែសប្បាយចិត្តខ្លាំងទៅវិញ៕

ចុចអាន៖“អរគុណដែលក្បត់ខ្ញុំ” ការសងសឹករបស់ប្រពន្ធម្នាក់ដែលធ្វើឲ្យប្ដីនាងស្ដាយក្រោយបំផុត

ប្រភព៖ thepowerofsilence ប្រែសម្រួល៖ ទ្រី រ៉ាវី