ទម្លាប់បំផ្លាញស្បែកកាលពីនៅក្មេង ពេលចាស់ទៅអ្នកនឹងស្ដាយក្រោយ

2018-11-13 03:04:35
ចំនួនមតិ 0 | ចំនួនចែករំលែក 0

តាមធម្មជាតិ ពេលចាស់ទៅស្បែកក៏មិនសូវមានភាពស្រស់ស្អាតដូចកាលពីក្មេង។ ប៉ុន្តែបើអ្នកមានទម្លាប់ទាំងនេះ នោះច្បាស់ជាមានការស្ដាយក្រោយខ្លាំងជាក់ជាមិនខានពេលវ័យកាន់តែច្រើន ព្រោះជាការបំផ្លាញក្នុងវ័យ ២០ – ៣០ ឆ្នាំ។ ប្រសិនបើនៅក្មេងអ្នកមិនសូវធ្វើរឿងទាំង ៦ នេះ ចាស់ទៅស្បែកក៏ចាំល្អដែរ គ្រាន់តែមិនដូចក្មេងៗពេក។

១.ផាត់មុខរាល់ថ្ងៃ

ទម្លាប់មួយបែបនេះ អាចថាបច្ចុប្បន្នមិនទាន់ប៉ះពាល់ តែរយៈពេល ១០ ឆ្នាំទៅមុខ ស្បែកនឹងចាប់ផ្ដើមមានស្នាមខ្មៅ និងស្នាមជ្រីវជ្រួញ។ ព្រោះស្បែកមិនមានពេលដកដង្ហើម ឬស្រូបយកជីវជាតិចិញ្ចឹម ដែលបណ្ដាលមកពីការបិទបាំងដោយម្សៅ។

រូបតំណាង

**២.ប្រើវិធីធម្មជាតិមិនដឹងពីប្រភេទស្បែក**

សមាសធាតុដែលផ្សំពីធម្មជាតិភាគច្រើនត្រូវបានគេពណ៌នាថា មិនរលាក សមរម្យសម្រាប់ប្រភេទស្បែកទាំងអស់។ ទោះជាយ៉ាងណាក៏ដោយស្បែក និងទីតាំងរបស់មនុស្សម្នាក់ៗគឺខុសគ្នា ដូច្នេះអ្នកត្រូវដឹងឲ្យបានច្បាស់លាស់មុនពេលប្រើវិធីណាមួយទៅលើស្បែក។

៣.ផ្លាស់ប្ដូរផលិតផលថែរក្សាស្បែកតាមចិត្តចង់

មនុស្សជាច្រើនគិតថានៅពេលដែលប្រើផលិតផលណាមួយរយៈពេលយូរមកហើយ គួរណាតែប្ដូរចេញទៅ តែនេះមិនត្រឹមត្រូវចំពោះស្បែកទេ។ ព្រោះស្បែកនឹងមានការរំខាន ពេលចាប់ផ្ដើមជាមួយនឹងផលិតផលថ្មី ដោយសារការមិនសាំ។

៤.មិនប្រើផលិតផលផ្ដល់សំណើម

អ្នកខ្លះគិតថា គ្រាន់តែផឹកទឹកឲ្យបានច្រើន នោះស្បែកនឹងមានសំណើមដោយមិនចាំបាច់លាបអ្វីបន្ថែម។

រូបតំណាង

៥.ប្រើម៉ាសដោយគ្មានការយល់ដឹងពីធាតុផ្សំ

ការផ្សព្វផ្សាយពាណិជ្ជកម្មដោយនិយាយថា ម៉ាសបិទឲ្យស ហើយអ្នកឆាប់ជឿទៅទិញមកប្រើទាំងមិនដឹងពីធាតុផ្សំអ្វីខ្លះអាចធ្វើឲ្យមានផលវិបាកដ៏គ្រោះថ្នាក់ដូចជាការឆ្លងមេរោគផ្សេងៗ។

៦.គ្មានការការពារកាំរស្មី UV

ទម្លាប់នេះមិនត្រឹមតែធ្វើឲ្យស្បែករិលប៉ុណ្ណោះទេ តែថែមទាំងធ្វើឲ្យស្បែកកាន់តែឆាប់ចាស់យ៉ាងរហ័សទៀតផង។ ស្នាមជ្រួញនឹងលេចឡើង ដូច្នេះពេលទៅដើរលេងនៅសមុទ្រ ឬសំដិលថ្ងៃអ្នកជំនាញបានណែនាំឲ្យប្រើឡេការពារកម្ដៅព្រះអាទិត្យជាមួយ SPF៕