មនុស្ស ១០​ប្រភេទ ដែល​មាន​​ទេវតា​​ជួយ​ឃុំ​គ្រង​គ្រប់​ពេល​វេលា

  • 2018-10-31 00:55:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ

សម័យ​ថ្ងៃ​មួយ ​ព្រះ​ឥន្ទ្រាធិរាជ​បាន​ស្ដេច​យាង​ចេញ​ពី​វិមាន​មក​កម្សាន្ត​​ឧទ្យាន ហើយ​ក៏​លើក​ព្រះ​ហត្ថ​​នមស្ការ​ទៅ​កាន់​ទិស​ទាំង ១០។ ពេល​នោះ ព្រះ​មាតលី​ជា​ទេវបុត្រ​ក៏​មាន​​បន្ទូល​សួរ​ថា ព្រះ​អង្គ​ទ្រង់​នមស្ការ​ទៅ​ទិស​ទាំង ១០​នោះ​ដោយសារ​ហេតុ​ផល​អ្វី? ពេល​នោះ ព្រះ​ឥន្ទ្រ​ក៏​​ពោល​ទៅ​កាន់​ព្រះ​មាតលី​ថា ទ្រង់​នមស្ការ​ទៅ​កាន់​មនុស្ស ១០​ជំពូក​គឺ៖

១. ជន​ដែល​មាន​សទ្ធា​​ធ្វើ​បុណ្យ​ដាក់​បាត្រ​ថ្វាយ​​បច្ច័យ​៤ ដល់​អ្នក​កាន់​សីល ធម៌អាថ៌។

២. ជន​ដែល​រក្សា​សុចរិត​ទាំង​៣​ គឺ​កាយសុចរិត វចីសុចរិត និង​ចិត្តសុចរិត។

៣. ជន​ដែល​គោរព​មាតា។

៤. ជន​ដែល​គោរព​បិតា។

៥. ជន​ដែល​តម្កល់​រតនត្រ័យ​ទាំង​៣ គឺ​ព្រះពុទ្ធ ព្រះធម៌ ព្រះសង្ឃ ជា​ទី​គោរព​បូជា។

៦. ជន​ដែល​រក្សា​សីល ៥​ និង​សីល ៨​បាន​ខ្ជាប់ខ្ជួន។

៧. ជន​ដែល​បាន​ធ្វើ​បុណ្យ​កុសល ហើយ​ឧទ្ទិស​ដល់​ទេវតា និង​ប្រេត​ទាំង​ឡាយ។

៨. ជន​ដែល​មាន​ការ​គោរព​ដល់​គ្រូ​ឧបជ្ឈាយាចារ្យ និង​ចាស់​ទុំ​ដែល​​មាន​សីលធម៌។

៩. ជន​ដែល​មាន​ក្ដី​អនុគ្រោះ​ដល់​​ប្រពន្ធ កូន​ និង​ញាតិ​សន្ដាន ដោយ​ក្ដី​មេត្តា ករុណា។

១០. មនុស្ស​ស្រី​ដែល​គោរព​ស្វាមី​គ្រប់​ទិវា​រាត្រី​មិន​ប្រមាថ។

បុគ្គល​ទាំង ១០​ជំពូក​នេះ​គឺ​ជា​មនុស្ស​ដ៏​មាន​គុណ ដែល​បាន​ចែកចាយ​ក្ដី​សុខ ក្ដី​ចម្រើន​ដល់​ខ្លួនឯង​ផង និង​អ្នក​ដទៃ​ផង ហេតុ​ដូច្នេះ​ហើយ​ទើប​យើង​គោរព​នមស្ការ​ដល់​បុគ្គល​ទាំង​នោះ។ ព្រះ​មាតលី​កាល​ណា​ឮ​ព្រះ​ឥន្ទ្រ​ពោល​ដូច្នោះ ក៏​ពោល​បន្ត​ថា “ព្រះ​អង្គ​ជា​ព្រះ​ធំ​ជាង​ទេព្តា​ទាំង​ពួង​ ព្រះ​អង្គ​​​​ទ្រង់​គោរព​​បុគ្គល​​ជំពូក​ណា ទូលបង្គំ​ក៏​គោរព​បុគ្គល​ជំពូក​នោះ​”។ ចំណេរ​ក្រោយ​មក ទេព្តា​​ទាំង​ឡាយ​ក៏​នាំ​គ្នា​ឲ្យ​ពរ​ឲ្យ​ជ័យ​ដល់​បុគ្គល​ទាំង ១០​ជំពូក​រហូត​មក​ដល់​សព្វ​ថ្ងៃ​នេះ ៕

http://dhammatip.com/wp/?p=353

សម័យ​ថ្ងៃ​មួយ ​ព្រះ​ឥន្ទ្រាធិរាជ​បាន​ស្ដេច​យាង​ចេញ​ពី​វិមាន​មក​កម្សាន្ត​​ឧទ្យាន ហើយ​ក៏​លើក​ព្រះ​ហត្ថ​​នមស្ការ​ទៅ​កាន់​ទិស​ទាំង ១០។ ពេល​នោះ ព្រះ​មាតលី​ជា​ទេវបុត្រ​ក៏​មាន​​បន្ទូល​សួរ​ថា ព្រះ​អង្គ​ទ្រង់​នមស្ការ​ទៅ​ទិស​ទាំង ១០​នោះ​ដោយសារ​ហេតុ​ផល​អ្វី? ពេល​នោះ ព្រះ​ឥន្ទ្រ​ក៏​​ពោល​ទៅ​កាន់​ព្រះ​មាតលី​ថា ទ្រង់​នមស្ការ​ទៅ​កាន់​មនុស្ស ១០​ជំពូក​គឺ៖

១. ជន​ដែល​មាន​សទ្ធា​​ធ្វើ​បុណ្យ​ដាក់​បាត្រ​ថ្វាយ​​បច្ច័យ​៤ ដល់​អ្នក​កាន់​សីល ធម៌អាថ៌។

២. ជន​ដែល​រក្សា​សុចរិត​ទាំង​៣​ គឺ​កាយសុចរិត វចីសុចរិត និង​ចិត្តសុចរិត។

៣. ជន​ដែល​គោរព​មាតា។

៤. ជន​ដែល​គោរព​បិតា។

៥. ជន​ដែល​តម្កល់​រតនត្រ័យ​ទាំង​៣ គឺ​ព្រះពុទ្ធ ព្រះធម៌ ព្រះសង្ឃ ជា​ទី​គោរព​បូជា។

៦. ជន​ដែល​រក្សា​សីល ៥​ និង​សីល ៨​បាន​ខ្ជាប់ខ្ជួន។

៧. ជន​ដែល​បាន​ធ្វើ​បុណ្យ​កុសល ហើយ​ឧទ្ទិស​ដល់​ទេវតា និង​ប្រេត​ទាំង​ឡាយ។

៨. ជន​ដែល​មាន​ការ​គោរព​ដល់​គ្រូ​ឧបជ្ឈាយាចារ្យ និង​ចាស់​ទុំ​ដែល​​មាន​សីលធម៌។

៩. ជន​ដែល​មាន​ក្ដី​អនុគ្រោះ​ដល់​​ប្រពន្ធ កូន​ និង​ញាតិ​សន្ដាន ដោយ​ក្ដី​មេត្តា ករុណា។

១០. មនុស្ស​ស្រី​ដែល​គោរព​ស្វាមី​គ្រប់​ទិវា​រាត្រី​មិន​ប្រមាថ។

បុគ្គល​ទាំង ១០​ជំពូក​នេះ​គឺ​ជា​មនុស្ស​ដ៏​មាន​គុណ ដែល​បាន​ចែកចាយ​ក្ដី​សុខ ក្ដី​ចម្រើន​ដល់​ខ្លួនឯង​ផង និង​អ្នក​ដទៃ​ផង ហេតុ​ដូច្នេះ​ហើយ​ទើប​យើង​គោរព​នមស្ការ​ដល់​បុគ្គល​ទាំង​នោះ។ ព្រះ​មាតលី​កាល​ណា​ឮ​ព្រះ​ឥន្ទ្រ​ពោល​ដូច្នោះ ក៏​ពោល​បន្ត​ថា “ព្រះ​អង្គ​ជា​ព្រះ​ធំ​ជាង​ទេព្តា​ទាំង​ពួង​ ព្រះ​អង្គ​​​​ទ្រង់​គោរព​​បុគ្គល​​ជំពូក​ណា ទូលបង្គំ​ក៏​គោរព​បុគ្គល​ជំពូក​នោះ​”។ ចំណេរ​ក្រោយ​មក ទេព្តា​​ទាំង​ឡាយ​ក៏​នាំ​គ្នា​ឲ្យ​ពរ​ឲ្យ​ជ័យ​ដល់​បុគ្គល​ទាំង ១០​ជំពូក​រហូត​មក​ដល់​សព្វ​ថ្ងៃ​នេះ ៕

http://dhammatip.com/wp/?p=353

ប្រភព៖ dhammatip ប្រែ​សម្រួល៖ ស្វាយ វ៉ាន់ថន

អត្ថបទពេញនិយម