តួរឿង “កលល្បិចរាជវាំង” វគ្គ២ លេងខ្លួនកាលីប ក្រោយយកប្ដីមហាសេដ្ឋី អាយុលើសខ្លួន៤០ឆ្នាំ

2018-10-24 02:52:02
ចំនួនមតិ 0 | ចំនួនចែករំលែក 0

ក្រោយពេលយកប្ដីអ្នកមានអាយុស្មើនឹងឪពុកខ្លួន ជីវិតបវរកញ្ញា និងតារាសម្ដែងវ័យក្មេងហុងកុង Erin Wong បានផ្លាស់ប្ដូរទាំងស្រុង។

Erin Wong និងស្វាមី

កាលពីថ្ងៃទី២២ ខែតុលាកន្លងទៅនេះ តារាសម្ដែងស្រីទើបរះហុងកុង Erin Wong បានបង្ហាញខ្លួននៅទីលានប្រណាំងសេះ Sha Tin នៅទីក្រុងហុងកុងដើម្បីចូលរួមក្នុងកម្មវិធីសម្ពោធម៉ូដនាឡិកាដៃល្បីឈ្មោះមួយ។ មានវត្តមាននៅទីនេះ ស្រីស្អាតវ័យ២៦ឆ្នាំបានប្រើសំលៀកបំពាក់ ក៏ដូចជាគ្រឿងអលង្ការលំដាប់ខ្ពស់ពីក្បាលដល់ចុងជើង។ ប្រភពនានាបានឲ្យដឹងថា មួយឈុតរបស់ស្រីស្អាតត្រកូល Wong ស្លៀកចូលកម្មវិធីគឺមិនក្រោម១០ម៉ឺនដុល្លារឡើយ។

បណ្ដាញព័ត៌មាន Apple Daily បានឲ្យដឹងថា មូលហេតុដែលធ្វើឲ្យតួអ្នកបំរើរឿង “កលល្បិចរាជវាំង” វគ្គ២មានលុយសម្ញែងខ្លួនស៊ីវិល័យដូចនេះនោះគឺ នាងទើបតែក្លាយជាប្រពន្ធស្របច្បាប់របស់មហាសេដ្ឋី Wu Chi Ching នាពេលថ្មីៗនេះ។ តាមនោះដែរ លិខិតអាពាហ៍ពិពាហ៍របស់ពួកគេត្រូវបានដាក់ស្នើកាលពីខែកក្កដា ជាង១ខែក្រោយ លិខិតរបស់ពួកគេត្រូវបានគេទទួលស្គាល់ ក្លាយជាប្ដីប្រពន្ធពេញសិទ្ធិ។ ទោះបីជាបានចុះឈ្មោះនឹងប្ដីដែលមានអាយុ៦៦ឆ្នាំរួចហើយក្ដី តែស្រីស្អាតកើតឆ្នាំ១៩៩២មិនបាននិយាយពីរឿងរៀបការឡើយ។

ពីតារាស្រីមិនល្បីឈ្មោះដែលគ្មានអ្នកណាស្គាល់សោះនោះ ក្រោយពេលយកប្ដីមានមុខមាត់រួច Erin Wong តែងត្រូវបានគេអញ្ជើញឲ្យចូលរួមក្នុងកម្មវិធីធំៗជារឿយ៕