របស់លេង ៨យ៉ាងគួរទិញឲ្យកូនតូចលេង ដើម្បីឲ្យពួកគេកាន់តែឆ្លាត និងរហ័សរហួន

2018-10-11 04:30:42
ចំនួនមតិ 0 | ចំនួនចែករំលែក 0

ការមើលថែរក្សាកូនគឺជារឿងសំខាន់មួយដែលឪពុកម្ដាយគ្រប់រូបត្រូវតែយកចិត្តទុកដាក់ ព្រោះកូនតូចប្រៀបបានដូចក្រណាត់សមួយផ្ទាំងដែលងាយនឹងប្រឡាក់ខ្លាំងណាស់។ ក្មេងតូចងាយនឹងរងឥទ្ធិពលពីមជ្ឈដ្ឋានជុំវិញខ្លួនបំផុត ដូច្នេះសូម្បីតែរបស់លេងរបស់កូនក៏អ្នកត្រូវតែដឹង និងជ្រើសរើសឲ្យបានត្រឹមត្រូវដែរ។ ខាងក្រោមនេះជារបស់លេង ៨យ៉ាងដែលអ្នកគួរតែទិញឲ្យកូនតូចលេង ដើម្បីឲ្យពួកគេកាន់តែឆ្លាត និងរហ័សរហួន ៖

១. រូបផ្គុំ ឬប្រដាប់ផ្គុំ

រូបផ្គុំ និងប្រដាប់ផ្គុំដូចជាផ្ទះ ឬរូបភាពផ្សេងៗ គឺជារបស់លេងមួយប្រភេទដែលល្អសម្រាប់កូនអ្នកណាស់ ព្រោះវាអាចជួយឲ្យពួកគេមានការគិតបានលឿន និងមានភាពអត់ធ្មត់ក្នុងការលេងរបស់នេះ។

២. Rody

Rody ជារបស់លេងដែលជួយពង្រឹង និងការពារសុខភាពរាងកាយរបស់កូនតូចអ្នក ព្រោះនៅពេលកូនៗអ្នកលេងវា គឺដូចជាការហាត់ប្រាណអីចឹង។ រាងកាយកូនអ្នកនឹងរឹងមាំ មិនងាយឈឺ ហើយមិនខ្ជិលច្រអូសទៀតផង។

៣. កូនឡាន

ភាគច្រើនកូនឡានគឺជារបស់លេងយ៉ាងពេញនិយមបំផុតសម្រាប់ក្មេងៗ ព្រោះវាជួយពង្រឹងផ្នែកស្មារតី និងបញ្ញារបស់ក្មេង។ ឪពុកម្ដាយដែលឲ្យកូនរបស់ខ្លួនលេងកូនឡាន គឺជាជម្រើសដ៏ល្អបំផុត ដើម្បីឲ្យពួកគេចេះត្រៀមខ្លួន និងមានភាពស្វាហាប់ក្នុងការប្រដូចខ្លួនជាអ្នកបើកបរមួយរូប។

៤. សៀវភៅរូបភាព ឬគំនូរផាត់ពណ៌

សៀវភៅគំនូរផាត់ពណ៌គឺអស្ចារ្យសម្រាប់ការអភិវឌ្ឍ និងបង្កើនភាពសប្បាយរីករាយដល់ក្មេងៗ។ វាជួយឲ្យក្មេងកាន់តែមានគំនិតច្នៃប្រឌិត និងភាពប្រុងប្រយ័ត្ននៅពេលផាត់រូបម្ដងៗ។

៥. ដីឥដ្ឋ

ដីឥដ្ឋគឺជារបស់លេងមួយបែបដែលអាចឲ្យក្មេងៗធ្វើចេញរូបផ្សេងៗដែលពួកគេចង់បាន ដូច្នេះជាជួយជំរុញឲ្យខួរក្បាលរបស់គេមានការបត់បែនបានលឿន និងដឹងថាពួកគេចង់បានអីរួចជាស្រេចក្នុងខួរក្បាលរបស់គេ។

៦. បាយឡុកបាយឡ

ប្រដាប់ប្រដាក្មេងលេងតូចៗដូចជាគ្រឿងទេសដែលគួរឱ្យស្រឡាញ់នេះអនុញ្ញាតឱ្យពួកគេស្វែងរកការស្រមើលស្រមៃ និងភាពច្នៃប្រឌិតរបស់ពួកគេនៅពេលដែលពួកគេបង្កើតពិភពលោកតូចមួយដើម្បីធ្វើត្រាប់តាមជីវិតដែលពួកគេចង់បាន។

៧. ស្គរ និងព្យាណូតូចៗ

វាជារបស់លេងដែលអាចបញ្ចេញសំឡេងបាន ដូច្នេះកូនរបស់អ្នកនឹងព្យាយាមវាយ ឬធ្វើយ៉ាងណាឲ្យរបស់នោះចេញសំឡេង។ វាជួយឲ្យខួរក្បាលក្មេងៗមានភាពស្រស់ស្រាយ ហើយបត់បែនបានលឿន និងមានការរំញោចផ្នែកសំឡេងបានលឿង។