ការសិក្សាបានបង្ហាញថា៖ អ្នកនៅឯកា អាចស្លាប់លឿនជាងអ្នកធាត់ទៅទៀត
- 2018-10-05 10:14:14
- ចំនួនមតិ 0 | ចំនួនចែករំលែក 0
ការសិក្សាបានបង្ហាញថា៖ អ្នកនៅឯកា អាចស្លាប់លឿនជាងអ្នកធាត់ទៅទៀត
អ្នកឯកទេសបានព្រមានថា ភាពឯកោគឺជារឿងស្លាប់រស់មួយដ៏ធ្ងន់ជាងជំងឺធាត់ទៅទៀត ម្យ៉ាងទៀតវាត្រូវបានគេចាត់ទុកជាហានិភ័យសុខភាពសាធារណៈធ្ងន់ធ្ងរមួយ។ ចំពោះអ្នកមានទំនាក់ទំនងសង្គមមិនល្អ គឺមានការកើនឡើងហានិភ័យនៃការស្លាប់ ៥០% បើប្រៀបធៀបទៅនឹងអ្នកដែលមានទំនាក់ទំនងសង្គមល្អ។
អ្នកស្រាវជ្រាវនៅសហរដ្ឋអាមេរិកបានមើលលើការសិក្សាចំនួន ២១៨ ស្តីពីផលប៉ះពាល់សុខភាពរបស់អ្នកមានភាពឯកោ។ពួកគេបានរកឃើញថាភាពឯកោនៅក្នុងសង្គមបានបង្កើនហានិភ័យនៃការស្លាប់របស់មនុស្សពាក់កណ្ដាល បើប្រៀបធៀបទៅនឹងភាពធាត់។
វេជ្ជបណ្ឌិត Julianne Holt-Lunstad ជាអ្នកដឹកនាំ និងជាសាស្ត្រាចារ្យផ្នែកចិត្តវិទ្យានៅ Brigham Young University បាននិយាយថាការផ្សារភ្ជាប់ទំនាក់ទំនងជាមួយអ្នកដទៃ គឺមានសំខាន់ណាស់ចំពោះសុខុមាលភាព និងការរស់រានមានជីវិតរបស់មនុស្ស។
ការមានអារម្មណ៍ថាឯកោត្រូវបានគេគិតថា ធ្វើឲ្យមនុស្សមានអារម្មណ៍មិនល្អ ហើយធ្វើឲ្យខួរក្បាល និងរាងកាយកាន់តែដុនដាបទៅៗ ជាពិសេសអ្នកឯកាទំនងជាទទួលរងរោគសញ្ញាកាន់តែអាក្រក់ នៅពេលដែលពួកគេមិនស្រួលខ្លួនជាងអ្នកមិនមានភាពឯកា។
លោក Holt-Lunstad បានបន្ថែមថា៖ "មានភស្តុតាងជាច្រើនបង្ហាញថា ភាពឯកោបង្កើនហានិភ័យនៃការស្លាប់មុនអាយុ ជាជាងមានជំងឺផ្សេងៗទៀត។ "ជាការពិតណាស់ប្រទេសជាច្រើននៅជុំវិញពិភពលោកបានបង្ហាញថាពួកគេកំពុងប្រឈមមុខនឹង ការរីករាលដាលនៃឯកោនេះ។
ក្រុមអ្នកជំនាញបាននិយាយថាគ្រូពេទ្យគួរយកចិត្តទុកដាក់លើស្ថានភាពសង្គមរបស់អ្នកជំងឺនៅពេលព្យាបាលពួកគេ៕
ចុចអាន៖កុំសួរថា «ហេតុអីជីវិតនេះអាប់អួរម្ល៉េះ?» បើខ្លួនឯងនៅមានទម្លាប់ទាំង ១០ នេះនៅឡើយ