បាត់មុខ Fan Bingbing, Shu Qi ក្លាយជារាជិនីអាស៊ីថ្មីរបស់កម្មវិធី Louis Vuitton

2018-10-05 08:00:07
ចំនួនមតិ 0 | ចំនួនចែករំលែក 0

រាល់ឆ្នាំមុនៗ កំពូលតារាសម្ដែងស្រីចិន Fan Bingbing តែងតែជាសិល្បករិនីអាស៊ីដែលលេចធ្លោបំផុតក្នុងកម្មវិធីបង្ហាញម៉ូដរបស់ Louis Vuitton តែដោយសារតែឆ្នាំនេះអវត្តមាន កំពូលតារាសម្ដែងស្រីតៃវ៉ាន់ Shu Qi បានឡើងកូដជំនួស។

ជារៀងរាល់ឆ្នាំ វត្តមានរបស់តារាសម្ដែងស្រីជួរមុខចិន Fan Bingbing គឺមិនអាចខ្វះបាននៅរាល់កម្មវិធីបង្ហាញម៉ូដរបស់ម៉ាកខោអាវល្បីឈ្មោះពិភពលោក Louis Vuitton។ មិនត្រឹមតែប៉ុណ្ណោះ នាងក៏ជាអ្នកតំណាងទូទាំងសកលលោកសម្រាប់ម៉ូដកាបូបរបស់ម៉ាកហ្វេសិននេះផងដែរ។ យ៉ាងណាក្ដី ដោយសារតែរឿងអាស្រូវគេចពន្ធ បានធ្វើឲ្យនាងអវត្តមានក្នុងកម្មវិធីរបស់ម៉ាកនេះដែលត្រូវបានធ្វើឡើងនៅទីក្រុងប៉ារីសកាលពិថ្ងៃទី៣ ខែតុលាមុននេះ។

ជំនួសមកវិញ តំណាងមកពីអាស៊ីលេចធ្លោជាងគេឆ្នាំនេះគឺ តារាស្រីជើងចាស់តៃវ៉ាន់ Shu Qi វិញម្ដង។ ជ្រើសយកសំលៀកបំពាក់ម៉ូដប្លែកជំនួសឲ្យរ៉ូបដូច Fan Bingbing គួបផ្សំនឹងការធ្វើសក់បែបចម្លែកទៀតនោះ ស្រីស្អាតវ័យ៤២ឆ្នាំ ត្រូវបានបណ្ដាញព័ត៌មានជាតិ និងអន្តរជាតិសរសើរយ៉ាងខ្លាំង។ ក្រៅពីតួរឿង “Transporter” ក៏មានវត្តមានតារាហូលីវូដជាច្រើនទៀតដែរ ដែលជាភ្ញៀវកិត្តិយសរបស់កម្មវិធី Louis Vuitton៕