ស្នេហារឹងមាំ គង់វង្សយូរអង្វែងមិនខាន បើគូស្នេហ៍ធ្វើបាន ១០ចំណុចនេះ
- 2018-09-18 07:18:54
- ចំនួនមតិ 0 | ចំនួនចែករំលែក 0
ស្នេហារឹងមាំ គង់វង្សយូរអង្វែងមិនខាន បើគូស្នេហ៍ធ្វើបាន ១០ចំណុចនេះ
ការចាប់ផ្ដើមស្នេហាមួយអាចជារឿងងាយ ប៉ុន្តែការថែរក្សាឲ្យស្នេហានោះឲ្យគង់វង្សស្ថិតស្ថេរ ឆ្លងផុតបានគ្រប់ឧបសគ្គ គ្រប់ដំណាក់កាលនោះទើបជារឿងពិបាក។ បើអ្នកពិតជាស្រលាញ់គ្នាដោយចិត្តនឹងចិត្តពិតមែន ហើយមានបំណងឲ្យស្នេហារបស់ខ្លួននៅស្ថិតស្ថេរមិនបែកបាក់ ត្រូវជឿជាក់ថាអ្នកនិងដៃគូអាចធ្វើបាន ១០ចំណុចខាងក្រោមនេះ៖
**១. ស្រលាញ់គ្នាត្រូវទុកចិត្តគ្នា**
ព្រោះការជឿជាក់និងទុកចិត្តគ្នាគឺជារឿងសំខាន់បំផុតសម្រាប់គូស្នេហ៍។ បើមានភាគីណាមួយកើតចិត្តសង្ស័យ មិនទុកចិត្តគ្នាហើយ នោះនឹងអាចនាំឲ្យមានបញ្ហាឈានដល់ការបាក់បែកបាន។
២. មិនគួរតាមចាប់កំហុសគ្នា
ចំណុចនេះគឺលទ្ធផលបន្ទាប់ពីចំណុចទីមួយ។ ការចាប់កំហុសគ្នាគឺជាអ្វីដែលយើងមិនគួរធ្វើនោះឡើយ ព្រោះវានឹងធ្វើឲ្យអ្នកដែលត្រូវគេចាប់កំហុស មានអារម្មណ៍អន់ចិត្ត និងសម្ពាធ។ ជំនួសមកវិញ គួរមើលឃើញអំពើល្អរបស់គ្នាឲ្យបានច្រើនវិញទើបប្រសើរ។
៣. មិនកុហកគ្នា
ការកុហកគឺជាអ្វីដែលពិបាកនឹងហាមឃាត់ ប៉ុន្តែបើយើងអាចធ្វើបាន នោះនឹងធ្វើឲ្យមនុស្សដែលអ្នកស្រលាញ់ជឿ និងទុកចិត្តអ្នក។
៤. ស្រលាញ់មិនប្រែប្រួល
មនុស្សប្រុសទាំងឡាយគួរស្រលាញ់មនុស្សស្រីឲ្យបានដូចកាលស្រលាញ់ដំបូងៗ ឬមានភាពនឹងនរ មិនមែនពីមួយរយទៅសូន្យនោះឡើយ។ ៥. មិនច្រើនពេក មិនតិចពេក
ការស្រលាញ់ក៏ដោយ ការប្រចណ្ឌ ឬការយកចិត្តទុកដាក់ផ្សេងៗក៏ដោយ គួរធ្វើឲ្យល្មមៗ។ អ្វីដែលច្រើនពេក ឬតិចពេកនឹងធ្វើឲ្យគូស្នេហ៍មានការនឿយណាយ។
៦. ធ្វើជាខ្លួនឯង
គួរបង្ហាញចរិតពិតពេលនៅជាមួយគ្នា ធ្វើជាខ្លួនឯងឲ្យបានច្រើនបំផុត កុំព្យាយាមធ្វើខ្លួនឯងឲ្យដូចណា ឬតាមអ្នកណា ព្រោះអ្នកមិនអាចធ្វើតាមគេបានយូរទេ។
៧. ចិត្តត្រជាក់
នៅពេលឈ្លោះគ្នា ឬនៅពេលម្នាក់ខឹងខ្លាំង ម្នាក់ទៀតគួរតែចិត្តត្រជាក់បន្តិច ព្រោះបើចិត្តក្ដៅទាំងពីរនាក់ បញ្ហានឹងកាន់តែធំ និងយូរ។
៨. មិនចាត់ទុកដៃគូជាតុក្កតា
កុំគិតថាគេនឹងអត់ធ្មត់ជាមួយភាពព្រងើយកន្តើយរបស់យើងបានយូរ ហើយកុំគិតថាដៃគូរបស់យើងគ្មានជម្រើសផ្សេងក្រៅពីយើង។
៩. ឈប់ង៉ក់ងរឿងឥតប្រយោជន៍ ឬង៉ក់ងច្រើនពេក
កុំង៉ក់ងក្នុងបញ្ហាដែលមិនសមជាបញ្ហា ឬង៉ក់ងយូរពេក។ ពេលខ្លះការង៉ក់ងច្រើនពេក នឹងធ្វើឲ្យអ្នកម្ខាងទៀតធុញទ្រាន់ ហើយចាប់ផ្ដើមងាកទៅរកអ្នកថ្មី។
១០. កុំធ្វើខុសពាក្យសន្យា
កុំសន្យានូវអ្វីដែលខ្លួនមិនអាចធ្វើបាន ឬអ្វីដែលខ្លួនមិនទាន់ប្រាកដ ព្រោះសម្រាប់អ្នកខ្លះ ពាក្យសន្យាពីគូស្នេហ៍គឺជាពាក្យដែលមានតម្លៃខ្លាំងណាស់សម្រាប់គេ ៕
ចុចអាន៖