មនុស្សស្រីមិនចូលចិត្ត Makeup នឹងទទួលបានអត្ថប្រយោជន៍ ៦យ៉ាងនេះ
- 2018-09-14 09:31:50
- ចំនួនមតិ 0 | ចំនួនចែករំលែក 0
មនុស្សស្រីមិនចូលចិត្ត Makeup នឹងទទួលបានអត្ថប្រយោជន៍ ៦យ៉ាងនេះ
រាល់ថ្ងៃនេះ ងាកទៅខាងណាក៏ឃើញតែមនុស្សស្រីផាត់មុខទាំងអស់ ដែលធ្វើឲ្យភាពជឿជាក់របស់មនុស្សស្រីមិនផាត់មុខត្រូវធ្លាក់ចុះ និងក្លាយជាក្រុមភាគតិចទៅវិញ។ ប៉ុន្តែទោះយ៉ាងណាការមិនផាត់មុខ ក៏ផ្ដល់នូវអត្ថប្រយោជន៍ច្រើនដែរសម្រាប់មនុស្សស្រី តួយ៉ាងដូចជា ៦ចំណុចខាងក្រោមនេះ៖
១. ចំណេញលុយ
ច្បាស់ណាស់ មនុស្សស្រីដែលមិន Makeup តែងអាចសន្សំលុយបានច្រើនជាងអ្នកដែល Makeup ជាប្រចាំ ព្រោះគ្រឿង Makeup មួយមុខៗបើគិតជាលុយបូកចូលគ្នា មិនមែនតិចទេ។ ដូច្នេះបើយើងគ្មានទម្លាប់ផាត់មុខ យើងនឹងអាចយកលុយទាំងនេះទៅប្រើប្រាស់អ្វីផ្សេងបានច្រើន។
២. ចំណេញពេលវេលា
ស្រីៗដែលមិនផាត់មុខអាចមិនបាច់ប្រញាប់គេងពីព្រលឹមពេកក៏បាន ព្រោះមិនបាច់ចំណាយពេលសម្រាប់ការតុបតែងមុខ។ ប្រុសៗដែលណាត់ទៅណាមកណាក៏មិនបាច់ព្រួយបារម្ភថាត្រូវចាំយូរដែរ។ មុនពេលចូលគេង គ្រាន់តែលាងមុខធម្មតាៗក៏រួចស្រេចទៅហើយ មិនបាច់ចំណាយពេលជូតលាងម្សៅក្រែមឲ្យស្មុគស្មាញឡើយ។
៣. មិនសូវមានបញ្ហារឿងមុន
គ្រឿងសម្អាងគឺជាមូលហេតុមួយដែលបណ្ដាលឲ្យមុខកើតមុន ឬជាំផ្សេងៗ ព្រោះថាបើយើងលាងសម្អាតវាចេញមិនបានល្អ សារធាតុគីមីពីគ្រឿងសម្អាងទាំងនោះនឹងកកស្ទះជាប់ក្នុងស្បែក ធ្វើឲ្យស្បែករលាក ឬកើតមុនបាន។
៤. មុខមិនជ្រួញចាស់ជាងវ័យ
ដោយសារមនុស្សស្រីដែលមិនផាត់មុខមិនមានសារធាតុគីមីជាប់កកនៅស្បែកមុខ ដូច្នេះពួកគេក៏មិនសូវមានអ្វីរំខានស្បែក ធ្វើឲ្យស្បែកជ្រួញចាស់ជាងវ័យប៉ុន្មានដែរ។ ការមិនផាត់មុខ ក៏ធ្វើឲ្យស្បែករបស់យើងមិនបាច់ប៉ះជក់ និងប៉ុងផាត់មុខ ដែលជាប្រភពបាក់តេរី និងធ្វើឲ្យរន្ធញើសកាន់តែធំនោះដែរ។
៥. មិនរលាកភ្នែក
បញ្ហាដែលស្រីៗ Makeup ជួបប្រទះច្រើនដែរនោះគឺបញ្ហាក្រហាយ និងអាចឈានដល់រលាកភ្នែក ដោយសារសារធាតុគីមីក្នុងគ្រឿងសម្អាងប្រភេទខ្លះដែលប្រើប្រាស់នៅបរិវេណជុំវិញភ្នែកនោះ ដូចជា Mascara, Eyeliner ជាដើម។
៦. ចង់យំពេលណាក៏បាន
នៅពេលមើលរឿងអ្វីកម្សត់ៗ ឬខូចចិត្តរឿងអ្វីមួយចង់យំ គឺអាចយំបាន ដោយមិនបាច់បារម្ភថាគ្រឿងសម្អាងនឹងរលាយប្រតេកប្រតាកឡើយ។ ដូច្នេះនៅពេលទៅមើលកុនជាមួយមិត្តភ័ក្ដិអី ពេលមើលឈុតកម្សត់ៗ យើងក៏មិនបាច់ទប់ទឹកភ្នែកនាំពិបាក ឬត្រូវឆែកមុខថាមានប្រឡាក់ម៉ាស្ការ៉ាអីដែរ ៕
ចុចអាន៖