តិចនិករើសម៉ូដស្បែកជើងឲ្យសក្ដិសម ពាក់មិនឈឺជើងហើយស្លៀកពាក់អីក៏មិនឆ្គងដែរ

2018-09-04 02:29:18
ចំនួនមតិ 0 | ចំនួនចែករំលែក 0

ការចេះរើសម៉ូដស្បែកជើងឲ្យមើលទៅស្រស់ស្អាត ពាក់មិនឈឺជើង ហើយអាចពាក់ទៅសក្ដិសមជាមួយសម្លៀកបំពាក់ច្រើនប្រភេទ ជួយកាត់បន្ថយការចំណាយ ពេលវេលាដើរផ្សារ និងងាយស្រួលក្នុងការស្លៀកពាក់មិនឲ្យឃើញឆ្គងផងដែរ ។ យ៉ាងណាមិញ ចំពោះតារាសម្ដែងស្រីល្បីឈ្មោះ ពេលបច្ចុប្បន្ន កញ្ញា រចនា រ៉ាវាឌី បានចែករំលែកតិចនិកខ្លះៗដែលជាបទពិសោធន៍នាងធ្លាប់មាន ដើម្បីជ្រើសរើសម៉ូដស្បែកជើងដែលងាយស្រួលក្នុងការធ្វើដំណើរនិងពាក់ទៅមិនរើសសម្លៀកបំពាក់ថា៖

១. ជ្រើសរើសស្បែកជើងរាងរាវ និងមានមុខមិនវែងឬខ្លីពេក

ស្បែកជើងរាងរាវ អាចជាប្រភេទ អេសស្កាបាំង ឬក្រវាត់កែង គួរជ្រើសរើសម៉ូដណាដែលស្ដើង ព្រោះនិងធ្វើឲ្យជើងអ្នកមើលទៅស្រឡូន។ ចំពោះម៉ូដផ្នែកខាងមុខ គួរតែជ្រើសរើសមុខកុំវែងពេកឬខ្លីពេក ដោយទទឹងរាងធំល្មមដើម្បីពាក់ទៅមិនឈឺជើង។

២. ជ្រើសរើសពណ៌

សម្រាប់ពណ៌ ប្រើអ្នកចូលចិត្តស្បែកជើងពណ៌ស្រស់ ត្រូវប្រើកាបូបពណ៌ដូចគ្នា ឬ ស្លៀកពាក់និងកាន់កាបូបពណ៌ដូចគ្នា ។ ត្រូវចាំថាដាច់ខាតកុំឲ្យលើខ្លួនមាន ៣ ពណ៌ ទើបមើលទៅមិនឃើញឆ្គង។