អត់លុយទិញខោអាវច្រើនដូចគេ គួរដឹងតិចនិកស្លៀកខោអាវដដែលៗមិនឲ្យសាំភ្នែកទាំងនេះ

2018-08-26 07:11:31
ចំនួនមតិ 0 | ចំនួនចែករំលែក 0

ប្រិយមិត្តកញ្ញាណាខ្លះដែលមានបញ្ហាមានខោអាវតិច ឧស្សាហ៍ស្លៀកតែខោអាវដដែលៗខ្លះ? ការពិតទៅវាមិនមែនជាបញ្ហាអីធំដុំនោះទេ ប៉ុន្តែពេលខ្លះយើងក៏មានអារម្មណ៍ខ្មាសអៀនដែលត្រូវស្លៀកពាក់ខោអាវដដែលៗ ពេលចេញទៅនេះចេញទៅនោះ។ ដូច្នេះថ្ងៃនេះ កញ្ញាសូមនាំមកនូវល្បិចខ្លះៗដើម្បីឲ្យការស្លៀកពាក់របស់យើងមើលទៅមានភាពប្លែកនិងលេចធ្លោជានិច្ច បើទោះបីជាសម្លៀកបំពាក់ដដែលៗក៏ដោយ៖

១. ចងអាវ

បើចង់បានស្ទីលថ្មី គួរតែសាកល្បងលេងម៉ូដនេះខ្លះ ដោយគ្រាន់តែចងអាវ ដូចរូបខាងក្រោម នោះវានឹងកាន់តែបង្ហាញរាងសិចស៊ីរបស់យើង ជាពិសេសសម្រាប់អ្នកមានរាងស្អាតស្រាប់។

២. តឺនុយអាវក្នុងខោ

អាវយឺត អាវសាច់ក្រណាត់ មិនថាដៃវែង ឬដៃខ្លី ឬក៏អាវហាវ៉ៃ បើអ្នកធ្លាប់តែពាក់ធម្មតាៗ គួរតែប្ដូរ Style ខ្លះដោយតឺនុយវិញ នោះវានឹងមើលទៅប្លែក និងកាន់តែស្អាតជាងមុន។

៣. មូរជើងខោ

បន្ទាប់ពីដោះស្រាយបញ្ហាពាក់អាវដដែលៗហើយ ឥឡូវនេះយើងមកនិយាយពីខោវិញម្ដង។ ស្ទីលដែលអាចជួយបានសម្រាប់ខោ នោះគឺការមូរជើង ធានាថាមើលទៅចេញស្ទីលថ្មីប្លែកតែម្ដង។

៤. ពាក់ខ្សែក្រវាត់

វិធីមួយទៀតក្នុងការផ្លាស់ប្ដូរ Style ស្លៀកពាក់ គឺប្រើខ្សែក្រវាត់។ ជ្រើសរើសខ្សែក្រវាត់ម៉ូដណាក៏បានដែលគិតថាសក្ដិសមជាមួយខោ ឬក៏អាវរបស់យើង នោះនឹងមើលទៅកាន់តែទាន់សម័យ។