អាហារដែលអ្នកមានផ្ទៃពោះគួរញ៉ាំ ដើម្បីឲ្យកូនកើតមកមានស្បែកសបែបស៊ីជម្ពូ

2018-08-24 10:33:59
ចំនួនមតិ 0 | ចំនួនចែករំលែក 0

ជាធម្មតា ពណ៌សម្បុរសឬខ្មៅ គឺបណ្ដាលមកពីហ្សែនរបស់ឪពុកម្ដាយ។ ពណ៌សម្បុរកូននឹងកាត់ទៅ តាមនោះដែរ។ ប៉ុន្តែដើម្បីបន្ថែមពីលើកត្តា ហ្សែន នេះ ស្ត្រីមានផ្ទៃពោះគួរញ៉ាំអាហារទាំង ៤មុខនេះ ដើម្បីជួយជំរុញឲ្យកូនកើតមកមានពណ៌សម្បុរសស្អាត ពណ៌ស៊ីជម្ពូ៖

១. ផ្លែឈើដែលផ្ទុកវីតាមីន Cច្រើន

អ្នកម្ដាយគួរញ៉ាំផ្លែឈើដែលមានផ្ទុកជាតិវីតាមីន C ច្រើនដូចជា ក្រូច ក្រូចឆ្មារ ប៉េងប៉ោះ ផ្លែប៉ោម និងក្រូចខ្វិច។ ជាពិសេសអ្នកមានផ្ទៃពោះដែលឧស្សាហ៍ខ្វះឈាម ញ៉ាំផ្លែប៉ោមមួយផ្លែរាងរាល់ថ្ងៃ និងជួយបង្កើនគ្រាប់ឈាម និងថែមទាំងជួយដល់ស្បែកឲ្យភ្លឺថ្លាផងដែរ។

២. ផឹកទឹកដូងមួយផ្លែរាល់ថ្ងៃ

ទឹកដូងផ្ទុកដោយវីតាមីន A,E,និង C ដែលជួយបំប៉នស្បែកទារកឲ្យសភ្លឺ ទន់រលោង ពេលកើតមកបាន។ មិនត្រឹមតែប៉ុណ្ណោះវាក៏ជួយពង្រឹងប្រព័ន្ធភាពខ្សោយរបស់អ្នកម្ដាយ និងបំពេញជាតិអំបិលចាំបាច់ទៅក្នុងរាងកាយ។

៣. ផ្លែប៊ឺ

ផ្លែប៊ឺត្រូវបានរកឃើញថា មានវីតាមីន Omega-3 ខ្ពស់ និងផ្ទុកដោយសារជាតិខ្លាញ់ដែលល្អដែល សារពាង្គកាយត្រូវការ។ ម៉្យាងទៀតផ្លែប៊ឺសំបូរទៅដោយ វីតាមីន Aនិង Eដែលសំខាន់ក្នុងការផលិតខូឡាជេនក្នុងរាងកាយ។ ដូច្នេះអ្នកម្តាយគួរញ៉ាំ ផ្លែនេះ ៣ខែមុនសម្រាល ដើម្បីឲ្យកូនកើតមកសាច់សស្អាត។

៤. ទឹកទំពាំងបាយជូរស្រស់

ទឹកទំពាំងបាយជូរស្រស់សំបូរវីតាមីនAHA ដែលជួយបំប៉នសម្បុរស្បែកកូនឲ្យសតាំងពីនៅក្នុងពោះ។ ម្ដាយគួរញ៉ាំ ទឹកទំពាំងបាយជូរស្រស់នេះចាប់ពីពពោះ ៣០មីលីលីត្រ មួយថ្ងៃ ២កែវ ព្រឹកម្ដងល្ងាចម្តងដើម្បីឲ្យបានកូនមកសស្អាតដូចសំឡី

ទឹកដោះគោ

វាពិតជាសំខាន់សម្រាប់ស្រ្តីមានផ្ទៃពោះដែលត្រូវញ៉ាំទឹកដោះគោឲ្យបានយ៉ាងហោចណាស់ ២កែវក្នុងមួយថ្ងៃជាប្រចាំ ព្រោះមានតែទឹកដោះគោទេ ដែលជាប្រភពកាល់ស្យូម ប្រូតេអ៊ីន និងវីតាមីន D ល្អបំផុតក្នុងកំឡុងពេលពរពោះ បើមិនដូច្នេះទេស្ត្រីអាចបាត់បង់សារជាតិចិញ្ចឹមចាំបាច់សម្រាប់ទ្រទ្រង់សុខភាពខ្លួន ដោយសារការបឺតជញ្ជក់ទៅបំពេញការលូតលាស់របស់កូនក្នុងផ្ទៃ។

បើអ្នកមិនចង់ញ៉ាំទឹកដោះគោស្រស់ អ្នកម្ដាយក៏អាចជ្រើសប្រភេទម្សៅទឹកដោះគោ ដែលមានគុណប្រយោជន៍ជាច្រើនដូច សម្បូរវីតាមីន សារធាតុចិញ្ចឹម និងប្រូតេអ៊ីន ដែលចាំបាច់បំផុតសម្រាប់អ្នកម្ដាយ និងទារកឲ្យលូតលាស់បានល្អ ហើយក៏អាចជួយទប់ទល់អាការៈចាញ់កូន និងជួយទប់ទល់ការឡើងទម្ងន់ហួសកម្រិតទៀតផងដែរ៕

ប្រភព៖ bestie ប្រែសម្រួល៖ Pencharm