Zhao Liying បន្តស្លៀករឹបខ្លាំង បំបាត់ព័ត៌មានមានផ្ទៃពោះ

2018-08-23 03:00:00
ចំនួនមតិ 0 | ចំនួនចែករំលែក 0

នៅរាល់កម្មវិធីដែលខ្លួនចូលរួមក្នុងរយៈពេលក្រោយនេះ តារាសម្ដែងស្រីលំដាប់ A ចិន Zhao Liying បានព្យាយាមលុបបំបាត់ពាក្យចចាមអារ៉ាមខ្លួនមានផ្ទៃពោះមុនរៀបការ ដោយស្លៀកពាក់រ៉ូបរឹបៗរាងខ្លាំង។

២សប្ដាហ៍ចុងក្រោយនេះ តារាសម្ដែងស្រីចិនកំពុងឡើងកូដ Zhao Liying បានរងពាក្យចចាមអារ៉ាមជាច្រើនថានាងកំពុងមានផ្ទៃពោះជាមួយតារាប្រុសល្បីឈ្មោះ Feng Shaofeng តែស្រីស្អាតនេះមិនទាន់ហ៊ានទម្លាយអាថ៍កំបាំង ចាំដល់គភ៌មានអាយុ៣ខែទើបហ៊ានទម្លាយ។

ទោះរងការរិះគន់ច្រើនដោយសារត្រូវគេសង្ស័យថាមានកូនមុនរៀបការនោះ ស្រីស្អាតវ័យ៣១ឆ្នាំមិនបានចេញមុខបដិសេធដោយដាច់អហង្ការនោះឡើយ ហើយបានតបទល់ជាមួយអ្នករិះគន់ខ្លួនវិញយ៉ាងខ្លឹមដោយស្លៀកពាក់រឹបៗនៅរាល់កម្មវិធីដែលខ្លួនចូលរួម។ ជាក់ស្ដែងកាលពីថ្ងៃ១៩ខែសីហាមុននេះ នៅពេលចូលរួមក្នុងកម្មវិធីសម្ពោធម៉ាកនាឡិកាដែលខ្លួនជាអ្នកតំណាងនោះ តារាកើតឆ្នាំ ១៩៨៧ បានស្លៀករ៉ូបខ្មៅរឹបរាងខ្លាំង បង្អួតរង្វង់ចង្កេះតែមួយក្ដាប់ធ្វើឲ្យគេច្រណែនជាខ្លាំង។

អាស្រ័យហេតុនេះ ទោះបីជាមិនបានចេញមុខបដិសេធជាផ្លូវការក្ដី តែទស្សនិកជនបានជឿថា តួរឿង “និស្ស័យស្នេហ៍ដាវទេព” ពិតជាមិនមានទំងន់ឡើយ៕