ហេតុអ្វីស្នេហាសម័យនេះងាយប្រេះឆាម្ល៉េះ? ការពិតមកពីហេតុផល ៦យ៉ាងនេះ
- 2018-08-09 04:43:35
- ចំនួនមតិ 0 | ចំនួនចែករំលែក 0
ហេតុអ្វីស្នេហាសម័យនេះងាយប្រេះឆាម្ល៉េះ? ការពិតមកពីហេតុផល ៦យ៉ាងនេះ
ស្នេហាក៏វិវឌ្ឍទៅតាមសម័យដូចជាម៉ូដខោអាវដែរ គ្រាន់តែការវិវឌ្ឍនោះមើលទៅខុសគ្នា។ កត្តាដែលជះឥទ្ធិពលដល់ស្នេហាមានច្រើនគ្រាន់តែកត្តាសង្គម និងភាពជឿនលឿននៃសម័យកាលអាចជាមួលហេតុចម្បង។ ទាំងនេះជាហេតុផលដែលទំនាក់ទំនងសម័យនេះងាយប្រេះឆាជាងសម័យមុន៖
១. មនុស្សសម័យនេះច្រើនតែចង់បានអីត្រូវតែបានភ្លាម
សម័យនេះមិនថាអ្នកណាៗពេលចង់បានអ្វីគឺចង់បានភ្លាមតែម្តង។ វាអាចមកពីការវិវឌ្ឍនៃបច្ចេកវិទ្យាដែរ។ ម្នាក់ៗលែងសូវមានភាពអត់ធ្មត់រង់ចាំ ក៏ព្រោះតែឥលូវប្រព័ន្ធអ៊ីនធឺណែត ទូរស័ព្ទ ហើយគ្រប់យ៉ាងផ្សេងៗទៀតសុទ្ធតែដើរលឿន។
២. មនុស្សសម័យនេះមិនសូវខ្វល់រឿងប្រពៃណី
បច្ចុប្បន្នគ្រប់គ្នានៅតែគោរពប្រពៃណីប្រពៃណី គ្រាន់តែមានអ្នកខ្លះមិនសូវគោរពបានល្អ។ ប្រពៃណីនេះគឺសំដៅលើការគិតគូរពីការរៀបការ ឬភ្ជាប់ពាក្យ។ សព្វថ្ងៃទោះភ្ជាប់ពាក្យហើយក៏អាចផ្តាច់ពាក្យវិញបាន រៀបការហើយក៏អាចលែងលះវិញបាន។ គេមិនសូវខ្វល់ពីមាត់អ្នកដទៃដូចសម័យមុនទេ។
៣. មនុស្សសម័យនេះឱ្យតម្លៃហេតុផលជាងអារម្មណ៍ខ្លួនឯង
យើងរស់នៅពិភពលោកដែលគ្រប់គ្នាឱ្យតម្លៃលើភាពសមហេតុផលមិនដូចជាសម័យមុននោះទេ។ វាជារឿងល្អ ប៉ុន្តែចំពោះស្នេហាបើយើងគិតពីហេតុផលពេកក៏ពិបាកដែរ។
៤. មនុស្សសម័យនេះចំណាយពេលអនឡាញជាងជីវិតពិត
មនុស្សភាគច្រើនអាចអត់ស្នេហាបានតែមិនអាចអត់ទូរស័ព្ទបានទេ។ គ្រប់គ្នាចាប់ផ្តើមចំណាយពេលជាមួយបច្ចេកវិទ្យាច្រើនជាងមនុស្សជុំវិញខ្លួន។ ហេតុនេះហើយ គេមិនសូវមានការប្រាស្រ័យទាក់ទងគ្នាមុខទល់មុខទេ ហើយជំនួសដោយការប្រើបណ្ដាញសង្គម។
៥. មនុស្សសម័យនេះមិនសូវយកចិត្តទុកដាក់លើការគោរពដឹងគុណ
ការដឹងគុណនិងគោរពគ្នាទៅវិញទៅមកជារឿងសំខាន់សម្រាប់ស្នេហាប៉ុន្តែមនុស្សសម័យនេះមិនសូវយកចិត្តទុកដាក់លើវាប៉ុន្មានទេ។ មនុស្សម្នាក់ៗខ្វល់តែពីអារម្មណ៍ខ្លួនឯងជាងអារម្មណ៍អ្នកដទៃ។ នៅពេលដែលមានអារម្មណ៍ល្អចំពោះស្នេហានោះ គេនឹងព្យាយាមបញ្ចប់វា។
៦. មនុស្សសម័យនេះខ្លាចការឈឺចាប់ (មានអ្នកខ្លះមានបទពិសោធន៍ហើយក៏ខ្លាច)
អ្នកណាៗក៏មិនចង់ឈឺចាប់ដែរ ហេតុនេះហើយបើអាចជៀសបានគេនឹងជៀស។ ជាពិសេសអ្នកដែលធ្លាប់មានបទពិសោធន៍ឈឺចាប់គឺឆាប់រាងចាលជាងអ្នកណាទាំងអស់។ គ្រប់គ្នាចាប់ផ្តើមមានគម្លាតពីគ្នាដោយសារតែហេតុផលនេះ៕
ចុចអាន៖
៥ ចំណុចខុសគ្នារវាងអ្នកមានស្នេហារបៀបចាស់ទុំ និងស្នេហារបៀបកូន
សង្សារស្រលាញ់មិនបានយូរឡើយ បើអ្នកមានទម្លាប់ប្រចណ្ឌជ្រុល ៥យ៉ាងនេះ