មានតែអ្នកប្រើជីវិតនៅសាកលវិទ្យាល័យទេ ដែលស្គាល់បទពិសោធន៍អស់ទាំងនេះ
- 2018-07-25 03:14:00
- ចំនួនមតិ 0 | ចំនួនចែករំលែក 0
មានតែអ្នកប្រើជីវិតនៅសាកលវិទ្យាល័យទេ ដែលស្គាល់បទពិសោធន៍អស់ទាំងនេះ
ពេលដែលរៀននៅថ្នាក់បឋម ចូលដល់អនុវិទ្យាល័យ ថ្នាក់វិទ្យាល័យ គឺសុទ្ធតែមានរសជាតិនិងបទពិសោធន៍ខុសៗគ្នាទាំងអស់។ ទោះបីខុសគ្នាយ៉ាងណាក៏ដោយ ប៉ុន្តែបើងាកមកមើល ជីវិតដែលប្រើនៅក្នុងសាកលវិទ្យាល័យវិញ គឺកាន់តែមានភាពដាច់ដោយឡែក ពីអ្វីដែលអ្នកធ្លាប់បានជួបប្រទះកន្លងមក។
១. បានស្គាល់មិត្តភ័ក្តិនិងមនុស្សប្លែកមុខដែលមានសមត្ថភាពនិងមានទេពកោសល្យខ្ពស់ជាច្រើន។
២. ធ្វើកិច្ចការដែលគ្រូដាក់ឲ្យបណ្តើរ ឆាតជាមួយមិត្តភ័ក្តិបណ្តើរ ហើយឆ្លៀតពេលបានមើល YouTube និងស្តាប់ចម្រៀងទៀត ប៉ុន្តែនៅដល់ដាច់យប់សឹងរាល់ថ្ងៃ។
៣. នៅសល់មួយថ្ងៃមុនពេលប្រឡង មើលមេរៀនងាប់ចោល ហើយនៅតែប្រកាន់ខ្ជាប់គោលការណ៍ One Night Policy ។
៥. ណាត់គ្នាទៅបណ្ណាល័យ ឬហាងកាហ្វេពេលមានការងារជាក្រុមម្តងៗ។
៦. បបួលគ្នាជប់លៀង ពេលប្រលងចប់ ឬនៅថ្ងៃចុងសប្តាហ៍។
៧. ពេលឡើង Presentation ម្តងៗ ទោះមិនចេះដូចអ្នកប្រាជ្ញ ប៉ុន្តែបានស្ទីលលក់សណ្តែកដីយោង។
៨. ពេលលោកគ្រូឬអ្នកគ្រូសាស្ត្រាចារ្យ ដាក់កិច្ចការឲ្យធ្វើច្រើនពេកមានអារម្មណ៍ថាធុញណាស់ បន់ឲ្យតែដល់ថ្ងៃឈប់សម្រាក ប៉ុន្តែបើឈប់នៅផ្ទះយូរពេកនៅតែធុញដដែលហើយចង់ត្រលប់ទៅសាលាវិញ។
៩. បន់ឲ្យតែគ្រូមានកម្មវិធី ចុះកម្មសិក្សាតាមខេត្ត ព្រោះបានសប្បាយជុំមិត្តហើយ អាចស្គាល់ពីជីវិតនិងជីវភាពខុសៗគ្នារបស់មនុស្សម្នាក់ៗ ព្រមទាំងអាចចូលរួមជាចំណែកបានជួយអ្នកដទៃទៀតផង។
១០. មានរឿងរ៉ាងជាច្រើនទៀតដែលរៀបរាប់មិនអស់ ប៉ុន្តែគោលដៅសំខាន់ គឺទីបញ្ចប់និស្សិតគ្រប់រូបចង់ទទួលបាននូវលទ្ធផលដែលខំប្រឹងប្រែងអស់រយៈពេលជាយូរមកហើយ មានគ្រប់រសជាតិ ទាំងទឹកភ្នែក ទាំងសប្បាយ ដើម្បីសម្លៀកបំពាក់មួយឈុតនេះ ដើម្បីជោគជ័យមួយនេះ និងសមត្ថភាពដែលអាចយកទៅប្រើប្រាស់ជាផ្លូវការបាន ហើយវាជាក៏អ្វីដែលអ្នកនឹងចងចាំអស់មួយជីវិត។