កុំឆ្ងល់ហេតុអ្វីស្នេហាអ្នកលែងដូចមុន ព្រោះនេះជាមូលហេតុ

2018-07-13 06:17:34
ចំនួនមតិ 0 | ចំនួនចែករំលែក 0

១. រំពឹងខ្ពស់ពេក ទៅលើភាគីម្ខាងទៀត

រំពឹងថាគេត្រូវតែធ្វើបានដូចចិត្តយើង និងព្យាយាមផ្លាស់ប្ដូរគេឲ្យបានដូចជាមនុស្សដែលយើងស្រមៃចង់បាន។ នេះជាការបង្កសម្ពាធ និងការលំបាកដល់ភាគីម្ខាងទៀត។

២. ការមិនគោរពភាពឯកជនរបស់គ្នា

ការលូកដៃកកូរកកាយរឿងឯកជន គឺបង្ហាញពីការមិនទុកចិត្ត ដែលធ្វើឲ្យអ្នកម្ខាងទៀតរឹតតែចង់នៅឆ្ងាយពីយើង និងត្រូវការពេលវេលាឯកជនកាន់តែច្រើន។

៣. ឈ្លោះគ្នាដើម្បីតែចង់ឈ្នះ

ចូលចិត្តប្រើអារម្មណ៍ និយាយស្ដីទ្រគោះបោះបោក មិនឲ្យតម្លៃគ្នាញឹកញាប់ រហូតធ្វើឲ្យអារម្មណ៍ល្អៗដែលធ្លាប់មានចំពោះគ្នាត្រូវបាត់បង់ និងបាត់អស់ភាពផ្អែមល្ហែមក្នុងទំនាក់ទំនងស្នេហា។

៤. ភាពមិនច្បាស់លាស់ និងមិននឹងនររបស់ខ្លួន

ឆាប់បែកអារម្មណ៍នៅពេលអ្នកដទៃឲ្យដៃ ឲ្យភ្នែក និងចេះតែបើកឱកាសឲ្យមនុស្សថ្មីៗចូលមក ដោយមិនចេះបដិសេធន៍ ធ្វើឲ្យឱកាសផិតក្បត់កាន់តែកើនឡើង ទោះជាកំពុងស្រលាញ់គ្នាខ្លាំងក៏ដោយ។

៥. ភាពស្ងប់ស្ងាត់ ពេលប្រឈមមុខគ្នា

មានរឿងអ្វីក៏មិននិយាយគ្នាត្រង់ៗ ចូលចិត្តលាក់ទុកក្នុងចិត្ត មិនបង្ហាញឲ្យអ្នកម្ខាងទៀតបានដឹង។ ការដែលចេះតែលាក់ទុក មិនព្រមដោះស្រាយបញ្ហាជាមួយគ្នាឲ្យបានច្បាស់លាស់ នឹងធ្វើឲ្យស្នេហាកាន់តែយ៉ាប់យ៉ឺនពីមួយថ្ងៃទៅមួយថ្ងៃ ព្រោះការយល់ច្រឡំ និងការមិនយល់ចិត្តគ្នាចេះតែកើនឡើងច្រើនទៅៗ។

ព្យាយាមចៀសវាងធ្វើរឿង ៥យ៉ាងខាងលើនេះឲ្យបាន បើសិនចង់ឲ្យស្នេហាកាន់តែប្រសើរឡើង ឬត្រលប់មកល្អនឹងគ្នាដូចដើមវិញ។ កុំភ្លេចថារឿងសំខាន់បំផុតដែលធ្វើឲ្យស្នេហាផ្លាស់ប្ដូរ គឺការធ្វើអ្វីមួយដែលធ្វើឲ្យ ទាំងយើងនិងដៃគូគ្មានក្ដីសុខ ៕

ចុចអាន៖

ប្រភព៖ khitpen ប្រែសម្រួល៖ ស្វាយ វ៉ាន់ថន