កុំទាន់ចុះចាញ់ បំពេញឲ្យបានប៉ុន្មានចំណុចនេះ រឿងល្អៗនឹងហូរចូលមកក្នុងជីវិតអ្នកវិញ
- 2018-07-05 07:19:22
- ចំនួនមតិ 0 | ចំនួនចែករំលែក 0
កុំទាន់ចុះចាញ់ បំពេញឲ្យបានប៉ុន្មានចំណុចនេះ រឿងល្អៗនឹងហូរចូលមកក្នុងជីវិតអ្នកវិញ
គ្មានជីវិតអ្នកណាអាចល្អរលូនបានគ្រប់ពេលនោះទេ ប៉ុន្តែការពិតមួយដែលអាចឲ្យយើងសប្បាយចិត្តបាននោះ គឺបញ្ហាភាគច្រើនគឺសុទ្ធតែមានដំណោះស្រាយរបស់វា។ បើមានអារម្មណ៍ថាជីវិតរបស់ខ្លួនអាប់អួ ស្មុគស្មាញ ១០ចំណុចខាងក្រោមនេះ អ្នកត្រូវធ្វើឲ្យបាន នោះរឿងល្អៗនឹងកើតឡើងក្នុងជីវិតអ្នកជាបន្តបន្ទាប់៖
១. Always look on the bright side of life. សម្លឹងមើលបញ្ហាជីវិតក្នុងផ្លូវវិជ្ជមានជានិច្ច ពេលខ្លះវាអាចជាសំណាងអាក្រក់ ប៉ុន្តែវាក៏អាចមានរឿងល្អៗឲ្យយើងសប្បាយចិត្តជាមួយគ្នាដែរ។
២. Learn to forgive. ចេះអភ័យទោស នៅពេលអ្នកដទៃធ្វើអ្វិមិនល្អជាមួយយើង ជាជាងគុំកួនគេ។ សាកល្បងអភ័យទោសឲ្យនរណាម្នាក់ឲ្យបាន យ៉ាងហោចណាស់ក៏ធ្វើឲ្យយើងធូរស្រាលចិត្តជាងមុនដែរ។
៣. Tell yourself “I am lovely and terrific.” ប្រាប់ខ្លួនឯងថា “ខ្ញុំគួរឲ្យស្រលាញ់ និងអស្ចារ្យ”។ វាមិនសំខាន់ទេថាតើអ្នកដទៃនិយាយពីយើងបែបណា ប៉ុន្តែយើងត្រូវជឿជាក់លើខ្លួនឯងជាមុនសិន។ ទោះយ៉ាងណាត្រូវជឿជាក់លើអ្វីដែលត្រឹមត្រូវ និងសមរម្យ។
៤. Be nice and friendly to everybody. គួរចេះមានទឹកចិត្តល្អ និងរួសរាយជាមួយអ្នកដទៃ។ អ្នកណាៗក៏ចូលចិត្តមនុស្សដែលមានចរិតល្អដែរ ហើយបើចរិតល្អហើយមានទឹកចិត្តទៀត អ្នកណាក៏ស្រលាញ់ដែរ។
៥. Smiles and laughs more often ឧស្សាហ៍ញញឹម និងសើចឲ្យបានច្រើន។ ការសើចនិងញញឹម ផ្ដល់ផលល្អដល់រាងកាយនិងអារម្មណ៍របស់យើង ព្រមទាំងធ្វើឲ្យយើងក្លាយជាមនុស្សគួរឲ្យចង់រាប់អានថែមទៀតផង។
៦. Be content with what you have ពេញចិត្តនូវអ្វីដែលខ្លួនកំពុងមាន មិនច្រណែន ឬចង់បានរបស់អ្នកដទៃ ទើបក្នុងចិត្តយើងមានសេចក្ដីសុខ។
៧. Try new things. សាកល្បងធ្វើអ្វីថ្មីៗ ដែលខ្លួនមិនធ្លាប់ធ្វើពីមុន។ ពេលខ្លះយើងអាចនឹងជួបប្រទះអ្វីដែលគួរឲ្យចាប់អារម្មណ៍ ជួបមិត្តថ្មី និងបទពិសោធន៍ល្អថ្មីៗក៏ថាបាន។
៨. Don’t be afraid to say “I can do it” when you need confidence. កុំខ្លាចនឹងប្រាប់ខ្លួនឯងថាថា “ខ្ញុំធ្វើបាន” នៅពេលត្រូវការភាពជឿជាក់ និងចង់យកឈ្នះភាពភ័យខ្លាច។ បង្កើនភាពជឿជាក់លើខ្លួនឯង យើងនឹងធ្វើកិច្ចការផ្សេងៗបានល្អ និងឆាប់ជោគជ័យ។
៩. Don’t give up. Give it a try and set your goal. កុំឆាប់ចុះចាញ់ មិនថាធ្វើអ្វី ត្រូវតាំងគោលដៅឲ្យច្បាស់លាស់។ នៅពេលដែលយើងដាក់ចិត្តធ្វើអ្វីហើយប៉ុន្តែវាមិនបានសម្រេច សូមកុំទាន់អស់សង្ឃឹម ឬដកថយ ប៉ុន្តែត្រូវពិនិត្យមើលថាមានអ្វីខុសឆ្គង ហើយត្រូវសាកល្បងសាជាថ្មី។
១០. Think Positive, speak positive and do good things. គិតល្អ និយាយល្អ ធ្វើល្អ នឹងធ្វើឲ្យជីវិតបានជួបតែរឿងល្អៗ និងពោរពេញដោយក្ដីសុខជាក់ជាមិនខាន ៕
ចុចអាន៖
ដល់វ័យជាង៣០ឆ្នាំ តើត្រូវមានលុយក្នុងគណនីសន្សំប៉ុន្មានទើបសមរម្យ?
ចងចាំប៉ុន្មានចំណុចនេះ ការឈឺចាប់បែបណាក៏មិនអាចបំផ្លាញអ្នកបានឡើយ