មកដឹងតិចនិកថែរក្សាសម្រស់របស់នារីតាមប្រភេទឈាមនីមួយៗ
- 2018-06-30 04:43:22
- ចំនួនមតិ 0 | ចំនួនចែករំលែក 0
មកដឹងតិចនិកថែរក្សាសម្រស់របស់នារីតាមប្រភេទឈាមនីមួយៗ
តើអ្នកដឹងទេថា ប្រភេទឈាមដែលមាននៅក្នុងខ្លួនអ្នកគឺជារបស់សំខាន់បំផុត ព្រោះវាអាចធ្វើឱ្យអ្នកមានភាពឥតខ្ចោះទៅតាមប្រភេទឈាមនីមួយៗ។ ចំណែកការបញ្ហាសម្រស់និងវិធីថែរក្សាក៏ត្រូវខុសគ្នាទៅតាមនោះដែរ។ ដូច្នេះ ថ្ងៃនេះ កញ្ញា នឹងនាំគ្នាយើងទៅមើលពីថែរក្សាសម្រស់ឱ្យត្រូវតាមប្រភេទឈាម មិនមែនចេះតែធ្វើតាមគេនោះទេ។
ឈាមក្រុមA
ស្បែករបស់អ្នកដែលមានឈាមប្រភេទ A មិនសូវជាមានបញ្ហារងប្រតិកម្មពីបរិយាកាសខាងក្រៅប៉ុន្មានទេ។ មិនតែប៉ុណ្ណោះ ស្បែកនៃមនុស្សមានឈាមនេះមិនសូវជាបែកញើសដូចឈាមក្រុមផ្សេងទេ ហើយក៏មិនសូវឡើងខ្លាញ់ដែរ។ ប៉ុន្តែពួកគេងាយនឹងមានអារម្មណ៍ត្រជាក់ ហើយមានរន្ធញើសតូចៗនៅលើស្បែកមុខ។ ដូច្នេះ អ្នកគួរតែឧស្សាហ៍ផ្ដល់សំណើមដល់ស្បែក ដើម្បីការពារការឡើងស្ងួត ឬប្រេះស្រកា។
ឈាមក្រុម B
នារីដែលមានឈាមក្រុម B ច្រើនតែស្គម ឈាមរាក់ និងឆាប់ប្រតិកម្ម។ ស្បែករបស់អ្នករាងពិបាកសន្មតឱ្យបានច្បាស់បន្តិច ព្រោះវាអាចប្រែប្រួលទៅតាមពេលវេលា និងអាកាសធាតុ។ ក្រែមលាងដែលគ្មានក្លិនក្រអូប និងជេលលាបមុខ ឬម៉ាសបិទគឺជាជម្រើសដ៏ល្អបំផុតសម្រាប់ក្រុមឈាមប្រភេទទី២នេះ ជាពិសេសសម្រាប់អ្នកដែលងាយនឹងប្រតិកម្ម ឬឆាប់ឡើងប្រេង។ សម្រាប់ពេលផាត់មុខ គួរតែរើសគូល័រភ្នែកពណ៌ភ្លឺផ្លេកទើបស្អាត។
ឈាមក្រុម AB
អ្នកគួរតែយកចិត្តទុកដាក់លើការថែរក្សាស្បែក និងការជ្រើសរើសផលិតថែរក្សាស្បែកណាដែលមានសារធាតុចិញ្ចឹមផ្សំពីធម្មជាតិ។ ម្យ៉ាងទៀត គួរជៀសវាងការប្រើទឹកក្ដៅ សម្រាប់លាងសម្អាតមុខ។ វិធីថែរក្សាសម្រស់ដែលអាចប្រើបានដោយខ្លួនឯង គឺការប្រើម៉ាសស៊ុតបិទមុខ ដើម្បីបណ្ដុះកោសិកាស្បែក និងការពារភាពចាស់។
ឈាមក្រុម O
ការគេងបានគ្រប់គ្រាន់គឺជាវិធីធ្វើឱ្យសម្រស់នៅក្មេង និងស្រស់ស្អាតសម្រាប់អ្នកមានឈាម O។ បន្ទាប់ពីក្រោកពីគេង អ្នកត្រូវលាងមុខថ្នមៗដោយប្រើគ្រីម និងទឹកលាងមុខដែលគ្មានជាតិកាត់ ហើយគួរជៀសវាងការប្រើហ្វូមលាងមុខ។ មនុស្សដែលមានឈាមប្រភេទនេះច្រើនតែមានស្បែកឡើងខ្លាញ់ និងមានរន្ធញើសធំៗ ដូច្នេះហ្វូមលាងមុខអាចធ្វើឱ្យមានបញ្ហាដល់ស្បែកទៅវិញ។
ចុចអាន៖ រឿងពិសេស៨យ៉ាង ទាល់តែអ្នកឈាមប្រភេទ O ប៉ុណ្ណោះទើបមាន
សម្គាល់
ក្រៅពីវិធីសាស្ត្រខាងលើ នារីដែលមានប្រភេទឈាមនីមួយៗគួរយកចិត្តទុកដាក់បន្ថែមលើរបបអាហារផងដែរ។ អ្នកឈាម A គួរញ៉ាំបន្លែ ប្រភេទសណ្ដែកដែលមានប្រូតេអ៊ីន និងគ្រាប់ធញ្ញជាតិ។ ចំណែកឈាមប្រភេទ B គួរញ៉ាំចំណីអាហារដែលមានជាតិខ្លាញ់ទាប និងអាហារដែលប្រើសាច់ច្រើន។ រីឯឈាមប្រភេទ AB គួរញ៉ាំអាហារសមុទ្រ អាហារបំប៉ន ឬទឹកដោះគោ។ ចុងក្រោយសម្រាប់ឈាមប្រភេទ O គួរញ៉ាំដែលគ្មានជាតិខ្លាញ់ មាន់ទា និងត្រីឱ្យបានច្រើន៕