បុរសស្រលាញ់មនុស្សស្រីពិត ចូលចិត្តធ្វើរឿង ៥ យ៉ាងនេះ តែមិនឲ្យដឹងកុំឲ្យបានចិត្តពេក

2018-06-27 05:30:00
ចំនួនមតិ 0 | ចំនួនចែករំលែក 0

មនុស្សប្រុសស្រលាញ់ស្រី មានទង្វើខុសប្លែកពីមនុស្សស្រីស្រលាញ់មនុស្សប្រុស។ ដោយនាងខិតខំធ្វើឲ្យអ្នកដទៃ និងដៃគូមើលដឹងថាស្រលាញ់ តែចំពោះបុរសៗវិញ ទោះស្រលាញ់ខ្លាំងក៏មិនបង្ហាញចេញមកណាស់ណាដែរ។ រឿង ៥ យ៉ាងខាងក្រោមនេះមនុស្សប្រុសចូលចិត្តធ្វើឲ្យខាងស្រីៗ តែមិនឲ្យនាងដឹងខ្លួនប៉ុណ្ណោះ៖

១.ស្រលាញ់កាន់តែខ្លាំង ហើយយកចិត្តទុកដាក់ទ្វេដង

មនុស្សប្រុសបើដាក់ចិត្តដាក់កាយថាស្រលាញ់នារីណាម្នាក់ហើយនោះ គឺស្រលាញ់អស់ពីបេះដូង តែទម្លាប់ប្រុសៗមិនចង់បង្ហាញចេញមកឲ្យគេឯងដឹងឮច្រើនប៉ុណ្ណោះ។ ទោះជាមិនបញ្ចេញ តែគាត់នឹងរឹតតែស្រលាញ់អ្នកខ្លាំងឡើងៗ ព្រមទាំងយកចិត្តទុកដាក់ចំពោះមនុស្សស្រីខ្លួនស្រលាញ់គ្រប់ពេលវេលា។ គាត់ដឹងថាអ្នកស្រលាញ់ ឬមិនស្រលាញ់អ្វី ចូលចិត្តញ៉ាំអ្វី ចូលចិត្តសម្លៀកបំពាក់បែបណា ស្រលាញ់តារាចម្រៀងមួយណា...ជាដើម។

២.ទោះមិន sweet តែផ្ដល់ភាពកក់ក្ដៅដល់អ្នកគ្រប់ពេល

ស្រីៗមួយចំនួនពេលមិត្តប្រុសមិនចេះផ្អែមល្ហែម ចូលចិត្តតែគិតថាគាត់មិនបានស្រលាញ់អ្នកអស់ពីចិត្ត។ តែទោះជាគាត់មិនចេះ sweet មែន គាត់តែងតែផ្ដល់ភាពកក់ក្ដៅ ក៏ដូចជាការពារ ជួយអ្នកពីក្រោយខ្នង និងធ្វើអ្វីៗគ្រប់យ៉ាង ដើម្បីមិនឲ្យអ្នកជួបការលំបាក។

៣.មិនឲ្យអ្នកពិបាក ព្រោះតែស្រលាញ់គាត់

គាត់អាចមិនសូវតាមចិត្ត ប៉ុន្តែគ្រប់ទង្វើ គឺមិនចង់ឲ្យអ្នកមានការពិបាក ព្រោះតែមកស្រលាញ់គាត់ឡើយ។ គាត់តែងតែឲ្យពេលវេលាអ្នកធ្វើរឿងផ្ទាល់ខ្លួន ជាមួយសាច់ញាតិ មិត្តភ័ក្ដិ ការងារ និងសង្គមដែលកំពុងរស់នៅ។ គាត់មិនទាមទារឲ្យអ្នកនៅក្បែរ ឬកែប្រែខ្លួនឯងដើម្បីគាត់ នេះជាការស្រលាញ់ពិតៗរបស់មនុស្សប្រុស។

៤.ទោះមិនសរសើរ តែគាត់តែងផ្ដល់តម្លៃដល់អ្នក

ប្រុសៗស្មោះត្រង់មិនសូវចេះនិយាយបញ្ជោរឡើយ តែជានិច្ចកាលគាត់តែងតែគោរព និងឲ្យតម្លៃអ្នក។ ពេលតុបតែងខ្លួនមិនស្អាត គាត់ប្រាកដជាថាមិនស្អាតហើយ តែនៅពេលអ្នកស្លៀកពាក់រៀងចេញសាច់ គាត់នឹងការពារដោយយកអាវក្រៅទៅជួយបិទបាំង។

៥.មិនចង់គ្រប់គ្រងអ្នក

គាត់មិនបានធ្វើខ្លួនជាម្ចាស់ជីវិតអ្នកទេ តែគាត់បែរជាព្យាយាមធ្វើយ៉ាងណាឲ្យអ្នកក្លាយជាមនុស្សស្រីរឹងមាំ ឯករាជ្យ មិនពឹងផ្អែកលើនរណា។ មនុស្សប្រុសដែលស្រលាញ់នារីដោយរបៀបនេះ ទោះមិននិយាយ ក៏មិនអីដែរ៕

ចុចអាន៖មនុស្សស្រីដ៏ស្មោះត្រង់ម្នាក់ សក្ដិសមនឹងទទួលបានស្នេហា ៨ បែបនេះ

ប្រភព៖ thoughtcatalog ប្រែសម្រួល៖ ទ្រី រ៉ាវី