ពេលមានស្នេហា មនុស្សស្រីមិនគួរផ្លាស់ប្តូរខ្លួនឯង ៩ យ៉ាងនេះ
- 2018-06-25 04:30:00
- ចំនួនមតិ 0 | ចំនួនចែករំលែក 0
ពេលមានស្នេហា មនុស្សស្រីមិនគួរផ្លាស់ប្តូរខ្លួនឯង ៩ យ៉ាងនេះ
ពេលមានស្នេហា មនុស្សស្រីគ្រប់រូបត្រូវចែកឱ្យដាច់រវាងរឿងដែលគួរផ្លាស់ប្តូរដើម្បីវា និងរឿងដែលមិនគួរផ្លាស់ប្តូរ ហើយត្រូវប្រកាន់គោលជំហរឱ្យច្បាស់លាស់។ ធ្វើជាស្រ្តីរឹងមាំម្នាក់ មិនគួរព្រោះតែស្នេហាត្រូវលះបង់របស់គ្រប់យ៉ាងឡើយ។ ខាងក្រោមនេះជារឿងអ្នកមិនត្រូវផ្លាស់ប្តូរ ដើម្បីមានស្នេហានោះទេ៖
១. ភាពឯករាជ្យ
មាននារីជាច្រើនដែលបាត់បង់ភាពឯករាជ្យ ហើយចាប់ផ្តើមពឹងផ្អែកលើដៃគូរ។ ការពឹងផ្អែកលើគេបែបនេះធ្វើឱ្យមនុស្សស្រីមានអារម្មណ៍ថាខ្លាចបាត់បង់ជ្រុលពេក និងមិនអាចខ្វះគេបាន។ ផ្ទុយទៅវិញទោះបីជារៀបការ ឬមិនទាន់រៀបការ អ្នកមិនត្រូវពឹងផ្អែកលើគេពេកទេ។ អ្នកគួរតែត្រៀមខ្លួនរួចជាស្រេចសម្រាប់ការពារខ្លួនឯង និងឯករាជ្យពេលគ្មានគេ។
២. ពេលវេលាផ្ទាល់ខ្លួន
ពេលវេលាផ្ទាល់ខ្លួនគឺសំដៅលើពេលដែលអ្នកចង់ធ្វើអ្វីដែលអ្នកចង់ធ្វើ ទៅកន្លែងដែលអ្នកចង់ទៅដោយគ្មានការរំខានឬហាមឃាត់ពីអ្នកណាទាំងអស់។ ប៉ុន្តែពេលវេលានេះក៏ត្រូវមានដែនកំណត់ អ្នកមិនត្រូវចំណាយពេលផ្ទាល់ខ្លួនច្រើនពេក ឬបោះបង់ពេលវេលាផ្ទាល់ខ្លួនដើម្បីស្នេហាដែរ។
៣. ការរង់ចាំ
ការរង់ចាំគឺជារឿងដែលមិនគួរធ្វើទាល់តែសោះនៅក្នុងអត្ថន័យស្នេហា។ ការរង់ចាំនេះសំដៅលើការរង់ចាំមនុស្សដែលអ្នកស្រលាញ់ឱ្យត្រលប់មកវិញ ទោះបីជាគេជាអ្នកដែលក្បត់ពាក្យសន្យា ហើយមានអ្នកថ្មីក៏ដោយ។
៤. លុយកាក់
នៅពេលមានស្នេហា មនុស្សស្រីខ្លះមិនស្តាយនឹងចំណាយលុយទិញកាដូឱ្យមនុស្សខ្លួនស្រលាញ់នោះទេ ហើយក៏មានមនុស្សស្រីខ្លះទៀតព្យាយាមយកនុយតូចទាក់យកនុយធំ ពោលគឺចង់បានលុយគេតែម្តង។ រឿងទាំងពីរយ៉ាងនេះ មិនត្រូវធ្វើដាច់ខាត អ្នកមិនត្រូវចំណាយ ឬរិះពេកទេ គួរតែចំណាយនៅពេលចាំបាច់ទៅបានហើយ។
៥. តម្លៃខ្លួនឯង
នេះគឺជារឿងសំខាន់ដែលស្រីៗត្រូវតែរក្សាទុកឱ្យបាន។ កុំស្រលាញ់នរណាម្នាក់រហូតដល់ថ្នាក់បាត់បង់តម្លៃខ្លួនឯង។ អ្នកត្រូវឱ្យតម្លៃខ្លួនឯងទើបគេមើលឃើញតម្លៃអ្នក។
៦. ចរិយាសម្បត្តិ
ចរិយាសម្បត្តិរួមបញ្ចូលទាំងការស្លៀកពាក់ របៀបរបបនិងចរិកលក្ខណៈទាំងឡាយដែលអ្នកមាន។ ប្រសិនបើអ្នកជាមនុស្សរឹងមាំ ឬឡិកឡក់ដូចកូនក្មេងមិនគួរផ្លាស់ប្តូរខ្លួនឯងទៅជាមនុស្សផ្សេងទេ ប្រសិនបើអ្នកមិនចូលចិត្តស្លៀករ៉ូបទេ កុំស្លៀកអី ធ្វើខ្លួនឯងជាខ្លួនឯង។
៧. ក្តីស្រមៃ
ក្តីស្រមៃអាចនឹងផ្លាស់ប្តូរពីពេលមួយទៅពេលមួយ។ តែអ្វីដែលសំខាន់ គឺអ្នកមិនត្រូវផ្លាស់ប្តូរវាដោយសារតែបុរសណាម្នាក់នោះទេ ព្រោះមានតែអ្នកទេដែលសម្រេចក្តីស្រមៃនោះ ហើយមានតែអ្នកទេដែលយល់ច្បាស់ពីខ្លួនឯង។
៨. គ្រួសារ និងមិត្តភក្តិ
គ្រួសារ និងមិត្តភក្តិគឺជាមនុស្សដែលតែងតែនៅក្បែរអ្នកគ្រប់ពេលវេលាមិនថាអ្នកលំបាកយ៉ាងណាក៏ដោយ។ ប្រសិនបើពួកគាត់មិនពេញចិត្តដៃគូរអ្នកទេ អ្នកគួរតែព្យាយាមតស៊ូបញ្ចុះបញ្ចូលភាគីទាំង ២ មិនមែនបោះបង់ខាងណាម្នាក់នោះទេ។
៩. ការងារ
ការងារក៏ដូចជាក្តីស្រមៃដែរគឺអ្នកមិនត្រូវបោះបង់ចោលទេ។ អ្នកអាចនឹងត្រូវគេមើលងាយនៅពេលដែលអ្នកបោះបង់ការងារហើយពឹងផ្អែកលើគេ៕
ចុចអាន៖ប្រុសៗមិនបាច់ទាល់តែជាអ្នកមានទេ មានតែ៥ចំណុចនេះ ស្រីៗណាក៏ចង់រៀបការជាមួយ