កំពុង​ពិបាក​ចិត្ត​ហើយ​គិត​ថា​ខ្លួន​ "អន់" អាន​អត្ថបទ​នេះ​រួច ជូត​ទឹក​ភ្នែក​ដើរ​ទៅ​មុខ​ទៀត

  • 2018-06-21 12:00:00
  • ចំនួនមតិ 0 | ចំនួនចែករំលែក 0

មនុស្ស​គ្រប់​គ្នា​គ្មាន​អ្នក​ណា​កើត​មក​ឥត​ខ្ចោះ​នោះ​ទេ។​ ម្នាក់​ៗ​កើត​មក​តែង​យក​ការ​បរាជ័យ​និង​កំហុស​ឆ្គង​​មក​តាម​ខ្លួន​។​ ប៉ុន្តែ​កំហុស​និង​ការ​បរាជ័យ​​ទាំង​នោះ​ជា​មេរៀន​មួយ​ដែល​ជួយ​ឲ្យ​អ្នក​ពង្រឹង​ខ្លួន​ឯង​ និង​មាន​ការ​អភិវឌ្ឍន៍​។​ ចំណុច​សំខាន់​ដើម្បី​ស្តា​ទឹក​ចិត្ត​ឡើង​វិញ​ហើយ​​បន្ត​ដំណើរ​ទៅ​មុខ​អ្នក​ត្រូវ​មើល​ហើយ​សួរ​ខ្លួន​ឯង​ប៉ុន្មាន​ចំណុច​នេះ៖

១.​ ត្រូវ​ទទួល​ស្គាល់​ថា​ខ្លួន​ឯង​ អន់​

មុន​អ្នក​ណា​អ្នក​ណា​ទាំង​អស់​ គឺ​អ្នក​ត្រូវ​ស្គាល់​ពី​ខ្លួន​ឯង​ជា​មុន​សិន។​ អ្នក​ត្រូវ​ស្វែង​យល់​ចំណុច​ខ្លាំង​និង​ចំណុច​ខ្សោយ​របស់​ ហើយ​មាន​ពេល​ខ្លះ​អ្នក​ត្រូវ​ទទួល​ស្គាល់​ថា​ខ្លួន​ឯង​ អន់​ ដើម្បី​កែ​​លម្អ​និង​ស្វែង​រក​ដំណោះ​ស្រាយ។​ ក្រោយ​ពេល​ដែល​អ្នក​ទទួល​ស្គាល់​ និង​ស្វែង​រក​ចំណុច​ខ្សោយ​ឃើញ​អ្នក​និង​មើល​ឃើញ​ផ្លូវ​ដែល​ត្រូវ​ដើរ​បន្ត។

២.​ រៀន​សង្កេត​មើល​មនុស្ស​ដែល​ជោគជ័យ

មិន​មែន​ឲ្យ​ប្រៀប​ធៀប​ តែ​បើ​អ្នក​ចេះ​មើល​ខ្លួន​ឯង​ អ្នក​ក៏​អាច​មើល​អ្នក​ដទៃ​យល់​ដែរ​ថា​ តើ​ដូចម្ដេច​បាន​ជា​គេ​ជោគជ័យ?​ ចំណាយ​ពេល​វេលា​ដែល​អ្នក​ពិបាក​ចិត្ត​ និង​តូច​ចិត្ត​ទាំង​ប៉ុន្មាន​នោះ​ យក​មក​សាង​ទំនាក់​ទំនង​និង​រៀន​ពី​មនុស្ស​ដែល​គេ​បាន​ជោគជ័យ​វិញ​ទើប​អ្នក​រៀន​ពី​កំហុស​ខ្លួន​ឯង​បាន​ច្រើន។​

៣.​ ផ្ដោត​ទៅ​លើ​ខ្លួន​ឯង​ច្រើន​ជាង​មនុស្ស​នៅ​ជុំ​វិញ​ខ្លួន​

ជា​ធម្មតា​មនុស្ស​តែង​តែ​ប្រៀប​ធៀប​អ្នក​​និង​អ្នក​ដទៃ​ ដែល​ធ្វើ​ឲ្យ​អ្នក​យល់​ថា​ខ្លួន​ឯង​អន់​ គ្មាន​តម្លៃ​ តែ​នោះ​មក​ពី​អ្នក​ផ្ដោត​ចិត្ត​ទៅ​លើ​សំដី​គេ​ជា​ជាង​ខ្លួន​ឯង​ទើប​ពិបាក​ចិត្ត​ធ្វើ​អ្វី​មិន​ចេញ។​ សាក​ល្បង​ធ្វើ​ចិត្ត​កុំ​ខ្វល់​ កុំ​Care​ ពី​សំដី​អវិជ្ជមាន​ទាំង​នោះ​ ហើយ​ផ្ដោត​លើ​ការងារ​របស់​អ្នក​ អ្នក​និង​មាន​អារម្មណ៍​ខុស​គ្នា​ជា​មិន​ខាន​ ហើយ​សមិទ្ធផល​វិញ​ក៏​បាន​ប្រសើរ​ជាង​មុន​ផង​ដែរ។​

៤.​ កុំ​ខ្លាច​

ពេល​អ្នក​គិត​ថា​ខ្លួន​ឯង​អន់​ អ្នក​មាន​ភាព​ភ័យ​ខ្លាច​និង​គ្មាន​ទំនុក​ចិត្ត​​ថា​ធ្វើ​បាន​ល្អ​ ធ្វើ​ហើយ​នឹង​បរាជ័យ​ នឹង​មាន​គេ​ពេបជ្រាយ​ជា​ដើម។​ ការ​ខ្លាច​ទាំង​នេះ​ហើយ​ទើប​ជា​សត្រូវ​ដែល​រារាំង​អ្នក​មិន​ឲ្យ​ទៅ​ដល់​គោល​ដៅ​និង​អភិវឌ្ឍន៍​ខ្លួន​ឯង។​ ដូច្នេះ​ត្រូវ​ប្រាប់​ខ្លូន​ឯង​ថា​អ្នក​ធ្វើ​​បាន​ហើយ​សាកល្បង​ធ្វើ​ឲ្យ​អស់​ពី​សមត្ថភាព៕​

ចុចអាន៖កែ​ប្រែ​ទម្លាប់​នៃ​ការ​​គិត ដែល​ជា​មេរោគ​​​ដ៏​សាហាវ​នៅ​ក្នុង​ខួរ​ក្បាល

ប្រភព៖ lifehack ប្រែ​សម្រួល៖ Pencharm

អត្ថបទពេញនិយម