ការស្រាវជ្រាវ៖ ថើបប្រពន្ធមួយថ្ងៃ៣ដង បុរសនឹងមានសុខភាពល្អ អាយុវែង
- 2018-06-21 08:22:05
- ចំនួនមតិ 0 | ចំនួនចែករំលែក 0
ការស្រាវជ្រាវ៖ ថើបប្រពន្ធមួយថ្ងៃ៣ដង បុរសនឹងមានសុខភាពល្អ អាយុវែង
ប្ដីថើបប្រពន្ធ ឬប្រពន្ធថើបប្ដីគឺជារឿងធម្មតា ប៉ុន្តែមានមនុស្សតិចណាស់ដែលបានដឹងពីគុណប្រយោជន៍នៃការថើបនេះ។ យោងតាមការស្រាវជ្រាវជាច្រើនដែលបានធ្វើឡើងនៅប្រទេសមួយចំនួនបានរកឃើញពីផលប្រយោជន៍យ៉ាងច្រើនលើសលប់ដែលទទួលបានពីការថើបនេះ ជាពិសេសសម្រាប់បុរស។
ចុចអាន៖ ថើបមនុស្សដែលយើងស្រឡាញ់រាល់ថ្ងៃ ផ្ដល់អត្ថប្រយោជន៍សុខភាពមិនគួរឲ្យជឿ
ការស្រាវជ្រាវមួយធ្វើឡើងដោយក្រុមអ្នកចិត្តវិទ្យាអាល្លឺម៉ង់បានរកឃើញថា ដើម្បីបង្កើនភាពផ្អែមល្ហែម ស្និទ្ធស្នាល នាំលាភសំណាង និងមានសុខភាពល្អ ប្ដីគួរតែថើបប្រពន្ធជារៀងរាល់ថ្ងៃ ៣ដងក្នុងមួយថ្ងៃ ជាពិសេសនៅពេលព្រឹក មុនចេញទៅធ្វើការ ឬរកស៊ី។
វេជ្ជបណ្ឌិត Sazbo បានឱ្យដំបូន្មានថា "បុរសដែលចាប់ផ្ដើមថ្ងៃថ្មីជាមួយនឹងស្នាមថើបរបស់ខ្លួននៅលើថ្ពាល់ ឬបបូរមាត់របស់ប្រពន្ធ ពួកគេនឹងមានអារម្មណ៍ស្រស់ស្រាយ គិតអ្វីក៏វិជ្ជមាន និងមានអារម្មណ៍ផ្ចង់បានល្អ។ ចំណែកអ្នកដែលមិនធ្លាប់ធ្វើរឿងនេះ មិនថាព្រោះហេតុផលណាក៏ដោយ នឹងចាប់ផ្ដើមការងាររកស៊ីដោយមិនសូវមានទំនុកចិត្ត និងភាពកក់ក្ដៅក្នុងចិត្តឡើយ" ។
ចុចអាន៖ ស្នាមថើបដ៏អស្ចារ្យ ៥ បែបដែលបុរសគ្រប់រូបប្រាថ្នាចង់បានពីម្ចាស់ស្នេហ៍
មូលហេតុដែលថា ការថើបអាចជួយឱ្យបុរសអាចរស់បានយូរ និងសុខភាពល្អនេះក៏ត្រូវពន្យល់ដោយក្រុមអ្នកស្រាវជ្រាវខាងលើដែរថា "ការថើបដ៏យូរនឹងជួយទៅសម្រួលចង្វាក់បេះដូង បន្ថយសម្ពាធឈាម កាត់បន្ថយអាការៈឈឺក្បាលបាន។ ក្នុងពេលថើប កម្រិតសកម្មភាពទាំងឡាយរបស់សាច់ដុំនៅលើមុខនឹងអាចធ្វើឱ្យស្បែកទៅជាភ្លឺថ្លា សម្រួលចលនាឈាមឱ្យរត់ស្រួល។ ចំណែកថ្លើមវិញក៏អាចធ្វើការបានល្អជាងរាល់ដងដល់ទៅ៣ដងឯណោះ" ។
ក្រៅពីនេះ ក្រុមដដែលក៏បានបន្ថែមថា ការថើបអាចដុតបំផ្លាញបានដល់ទៅ១០០កាឡូរីក្នុងមួយម៉ោង ហើយការថើប៣ដងក្នុងមួយថ្ងៃនឹងអាចកាត់បន្ថយទម្ងន់បាន ១,៣៥ គីឡូក្រាមទៀតផង។
អ្នកនាង Jaiya Kinzbach អ្នកឯកទេសផ្នែកស្នេហា និងជាសហអ្នកនិពន្ធសៀវភៅ “Red Hot Touch” ក៏បានអះអាងស្រដៀងគ្នាផងដែរថា ការថើបខ្លាំងៗ និងរោលរាលអាចដុតបំផ្លាញកាឡូរីបាន ៩០កាឡូរីក្នុងមួយម៉ោង ហើយបើថើបក្នុងឥរិយាបថខុសពីរាល់ដង នឹងកាត់បន្ថយបានដល់ទៅ ១៧១កាឡូរីក្នុងកន្លះម៉ោងឯណោះ។
ការសិក្សាមួយធ្វើឡើងដោយសារព័ត៌មានវេជ្ជសាស្ត្រឈ្មោះថា "Medical Hypotheses” បានរកឃើញថា ការថើបអាចដុតបង្កើនសមត្ថភាពនៃប្រព័ន្ធភាពស៊ាំរបស់ស្ត្រី ប្រឆាំងការកកើតនៃបារ៉ាស៊ីតម្យ៉ាងឈ្មោះថា Cytomegalo (ដែលជាកោសិកាមហារីក)។ ក្នុងពេលពរពោះ ស្ត្រីក៏អាចទទួលបានប្រយោជន៍ច្រើនដល់ខ្លួនឯង និងសុខភាពគភ៌ផងដែរ។
ការថើបអាចជាវិធីដ៏ល្អបំផុតក្នុងការឱ្យរាងកាយបានសម្រាក និងធូរស្រាលពីទុក្ខព្រួយទាំងឡាយ។ វាជួយបង្កើនបរិមាណអរម៉ូន Endorphin ដែលធ្វើឱ្យអារម្មណ៍រីករាយ ស្រស់ស្រាយ បង្កើនភាពផ្អែមល្ហែម៕