Fan Bingbing ប្ដឹង Blogger ម្នាក់សងជំងឺចិត្តជិត៨ម៉ឺនដុល្លារ ព្រោះតែបង្ហោះរូបខ្លួនបំបៅដោះ
- 2018-06-16 04:28:26
- ចំនួនមតិ 0 | ចំនួនចែករំលែក 0
Fan Bingbing ប្ដឹង Blogger ម្នាក់សងជំងឺចិត្តជិត៨ម៉ឺនដុល្លារ ព្រោះតែបង្ហោះរូបខ្លួនបំបៅដោះ
ពាក់ព័ន្ធនឹងរូបភាពមិនល្អរបស់ខ្លួន តារាសម្ដែងស្រីចិន Fan Bingbing បានប្រើវិធានការច្បាប់ដើម្បីចាត់ការករណីបំផ្លាញកេរ្តិ៍ឈ្មោះមួយនេះ។
កាលពីពេលថ្មីៗនេះ រឿងរ៉ាវបានផ្ទុះដល់កំពូល នៅពេលអ្នកកាសែតមួយរូបឈ្មោះ Xiao Mu Lin បានបង្ហោះរូបតារាសម្ដែងស្រីល្បីឈ្មោះចិន Fan Bingbing កំពុងបំបៅដោះទារកកាលពីខែមេសាកន្លងទៅ។ រឿងរ៉ាវនឹងមិនកក្រើកឡើយ ប្រសិនបើអ្នកកាសែតរូបនេះមិនសរសេរចំណងជើងថា៖ “រូបភាពកូនរបស់ Fan Bingbing ត្រូវបានទម្លាយ សង្ស័យឪពុករបស់កូននេះគឺតារាសម្ដែងប្រុស ហុង ជីនប៉ាវ”។
ក្រោយពេលធ្វើការជាមួយមេធាវីរបស់ខ្លួនរួច តួរឿង “មហិច្ឆតាអ៊ូម៉ីនាង” សម្រេចចិត្តប្ដឹងអ្នកកាសែតខាងលើ។ ដល់ថ្ងៃទី១៤ខែមិថុនា តុលាការបានកោះហៅអ្នកកាសែតរូបនេះមកបំភ្លឺរឿងខាងលើ ដោយភាគីរបស់ស្រីស្អាតវ័យ៣៦ឆ្នាំបានប្ដឹងលោកពីបទបំផ្លាញកេរ្តិ៍ឈ្មោះ និងទារលុយសងជំងឺចិត្តចំនួន៥សែនយាន់ (ជិត៨ម៉ឺនដុល្លារ)។
ការកាត់រឿងក្ដីមួយនេះនឹងត្រូវបានប្រព្រឹត្តទៅ នៅថ្ងៃទី២៥ខាងមុខនេះ។ រីឯរូបភាពដែលបានបង្ហោះនោះ គ្រាន់តែជាឈុតមួយនៅក្នុងរឿង Bingbing ថតតែប៉ុណ្ណោះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
