មុនកាត់សក់សេះ ស្រីៗគួរឆ្លើយសំណួរទាំងនេះឲ្យបានសិន
- 2018-06-17 02:00:00
- ចំនួនមតិ 0 | ចំនួនចែករំលែក 0
មុនកាត់សក់សេះ ស្រីៗគួរឆ្លើយសំណួរទាំងនេះឲ្យបានសិន
Style សក់សេះអាចជួយធ្វើឲ្យមុខមាត់មនុស្សស្រីប្រែប្រួលទៅជាស្អាតខុសពីសព្វមួយដងបាន ប៉ុន្តែការកាត់សត្វបែបនេះ តម្រូវឲ្យអ្នកលះបង់ពេលវេលាច្រើន។ បើពិតជាចង់កាត់សក់នេះមែន គួរតែពិចារណាឲ្យបានច្បាស់សិន មិនមែនមើលឃើញគេកាត់ស្អាត ហើយកាត់តាមគេដែរនោះទេ។
១.តើអ្នកអាចលះបង់ពេលវេលាច្រើន ដើម្បីថែសក់របស់អ្នកទេ?
ប្រសិនបើរាល់ថ្ងៃនេះអ្នករវល់មិនសូវបានថែទាំសក់ដិតដល់ផង កុំចង់កាត់សក់សេះបន្ថែមទៀតអី ព្រោះថាវាពិបាក និងមានភាពស្មុគស្មាញច្រើនណាស់។ ក្រោយកាត់សក់សេះហើយ អ្នកត្រូវតែឧស្សាហ៍កក់ កៀប មួយវិញទៀតក៏ត្រូវឧស្សាហ៍តម្រឹមដែរ ព្រោះមិនដូច្នោះទេនឹងខូចម៉ូដមិនខាន។
២.តើស្បែករបស់អ្នកឆាប់មានរោគមុនឬ?
ពេលទម្លាក់សក់ខាងមុខ វានៅជាប់នៅលើថ្ងាស សក់ពិតជាអាចរំខានដល់ស្បែកបាន ព្រោះមានភាពសើម ឬជាតិកង្វក់ដទៃដែលតោងសរសៃសក់។ ដូច្នេះសម្រាប់អ្នកមានស្បែកឆាប់កើតមុន សូមគិតដោយប្រុងប្រយ័ត្នមុនពេលកាត់ម៉ូដនេះ។
៣.ទម្រង់មុខរបស់អ្នក?
ការដឹងពីទម្រង់មុខខ្លួនឯងពិតជាមានសារៈសំខាន់ខ្លាំងណាស់ ព្រោះថាបើមានមុខវែង ម៉ូដបែបនេះក៏មិនសូវសមជាមួយដែរ។ មុខរៀងមូលៗ ហើយមានថ្ងាសទូលាយពិតជាសក្ដិសមបំផុត តែបើអ្នកមុខវែងវិញ គឺកាត់ឲ្យវែងហួសភ្នែកបន្តិច និងវាសមកកៀនៗ។
៤.តើគុណសម្បត្តិពិសេសរបស់អ្នកមានអ្វីខ្លះ?
បើអ្នកមានសក់ស្ដើង រួញ ពេលកាត់ទៅនឹងធ្វើឲ្យមុខចាស់ជាងមុនទៅទៀត តែបើអ្នកមានសក់ក្រាស់ រលោង នឹងជួយលើកមុខកាន់តែស្អាត។ ក្នុងករណីសក់អ្នកស្ងួតពេក សូមព្យាបាលជាមុនសិន មុនសម្រេចចិត្តកាត់បើមិនដូច្នោះទេសក់នឹងកាន់តែស្ងួត និងក្រាបៗជាប់ក្បាល មើលទៅមិនរស់រវើក។
៥.ធ្វើតាមអារម្មណ៍ឃើញគេស្អាត ឬមកពីគិតថាខ្លួនឯងសក្ដិសមនឹងវា?
ពេលឃើញអ្នកដទៃកាត់ទៅស្អាត ស្ត្រីជាច្រើនពិតជាសម្រេចចិត្តកាត់សក់សេះដែរភ្លាមៗ។ ប៉ុន្តែបន្ទាប់ពីមួយរយៈកន្លងទៅ អ្នកនឹងសោះអង្គើយជាមួយវា ព្រោះពិបាកថែ ហើយចាប់ផ្ដើមមានអារម្មណ៍សោកស្ដាយខ្លាំង៕
ចុចអាន៖ស្អាតបានរាល់ថ្ងៃ ដោយគ្រាន់តែរៀនធ្វើម៉ូដសក់ខ្លី Cute Cute តាមវីដេអូនេះ!