ផ្លាស់ប្ដូរខ្លួនឯងនូវរឿងតូចៗទាំងប៉ុន្មាននេះ ធ្វើឲ្យអ្នកក្លាយជានារីមានឥទ្ធិពល

2018-06-15 08:30:00
ចំនួនមតិ 0 | ចំនួនចែករំលែក 0

ប្រសិនបើអ្នកជាមនុស្សធម្មតាៗម្នាក់ អ្នកដទៃមិនសូវចាប់អារម្មណ៍ គួរតែផ្លាស់ប្ដូរខ្លួនឯងហើយ ដោយអនុវត្តន៍តាមវិធីខាងក្រោមនេះ។ ចង់ឲ្យខ្លួនឯងមានឥទ្ធិពលទៅលើអ្នកដទៃ ជំហានដំបូងត្រូវកែប្រែរឿងមួយចំនួនដូចខាងក្រោមសិន។

១.និយាយតិចធ្វើឲ្យបានច្រើន៖ មិនត្រឹមតែធ្វើឲ្យបានច្រើនប៉ុណ្ណោះទេ អ្នកក៏គួរតែធ្វើឲ្យមានលទ្ធផលធំធេងជាងអ្នកដទៃផងដែរ នោះទើបអាចមានទឹកមាត់ប្រៃនិយាយទៅគេស្ដាប់។

២.ស្ដាប់អ្នកដទៃនិយាយដោយយកចិត្តទុកដាក់៖ នៅពេលគេនិយាយអ្នកព្យាយាមស្ដាប់ដោយយកចិត្តទុកដាក់ នោះពេលអ្នកនិយាយវិញ ក៏គេមិនហ៊ានលេងទូរសព្ទដែរ ព្រោះអ្នកធ្លាប់បានឲ្យតម្លៃដល់គេ។

៣.បញ្ឈប់ការទាមទារការចាប់អារម្មណ៍៖ ចង់ឲ្យអ្នកដទៃស្ញប់ស្ញែង មិនមែនធ្វើតែមួយឆាវៗឲ្យគេចាប់អារម្មណ៍ទេ តែត្រូវធ្វើអ្វីមួយឲ្យប្រាកដប្រជា ច្បាស់លាស់ ម៉ត់ចត់ និងផ្ចិតផ្ចង់បំផុត។

៤.ស្វែងយកពីអ្នកដទៃ៖ ប្រសិនបើអ្នកដឹងចំណុចខ្សោយ អ្នកមានឱកាសក្លាយជាមនុស្សមានឥទ្ធិពលលើពួកគេបាន ដោយអាចចែករំលែករឿងខ្លះៗ ជួយរកដំណោះស្រាយត្រូវរឿង។ ពេលនោះគេនឹងគិតថា អ្នកយកចិត្តទុកដាក់នឹងគេ។

ដឹងពីរបៀបលើកទឹកចិត្តអ្នកដទៃ៖ ចង់បង្ហាញអ្នកដទៃថាអ្នកជាមនុស្សមានឥទ្ធិពល គួរតែដឹងពីរបៀបលើកទឹកចិត្ត ពេលគេមានបញ្ហាណាមួយ។

៦.ចេះទទួលស្គាល់នៅពេលខ្លួនឯងធ្វើខុស៖ នេះជាចំណុចសំខាន់ បើអ្នកមិនចេះទទួលស្គាល់កំហុសខ្លួនឯងផង តើនរណាទៅគោរពអ្នកនោះ។

៧.គោរពការសម្រេចចិត្តអ្នកដទៃ៖ អ្នកមិនអាចបង្អាក់ការសម្រេចចិត្តរបស់អ្នកដទៃឡើយ ទោះជាដឹងថាការជ្រើសរើសផ្លូវនោះមិនល្អ។ អ្វីដែលអាចធ្វើទៅបានមានតែជូនពរ គេឲ្យជួបតែសំណាងល្អប៉ុណ្ណោះ។

៨.មានគំនិតវិជ្ជមាន៖ មនុស្សដែលគិតអ្វីតែរឿងល្អៗ ទើបអាចធ្វើឲ្យអ្នកដទៃស្ញប់ស្ញែងពីចំណុចអស្ចារ្យរបស់អ្នកបាន៕

ចុចអាន៖ចង់ឃើញខ្លួនឯងរីកចម្រើនខ្ពស់ទៅអនាគត រឿង៧យ៉ាងនេះត្រូវធ្វើឲ្យបាន

ប្រភព៖ gurl ប្រែសម្រួល៖ ទ្រី រ៉ាវី