ទើបរៀបអភិសេកសោះ ព្រះនាង Meghan ត្រូវបានម្ចាស់ក្សត្រីសព្វព្រះហឫទ័យជាងព្រះនាង Kate ទៀត

2018-06-07 02:23:23
ចំនួនមតិ 0 | ចំនួនចែករំលែក 0

ទើបតែក្លាយជាកូនប្រសារបស់រាជវង្សចក្រភពអង់គ្លេសមិនទាន់បានប៉ុន្មានផង ព្រះនាង Meghan Markle ត្រូវបានម្ចាស់ក្សត្រី Elizabeth អនុញ្ញាតឲ្យធ្វើដំណើរទស្សនកិច្ចជាមួយ។

ព្រះនាង Meghan Markle

មុននេះបន្តិច បណ្ដាញព័ត៌មាន Yahoo បានឲ្យដឹងថា ក្រោយពេលត្រលប់មកពីក្រេបទឹកឃ្មុំជាមួយព្រះអង្គម្ចាស់ Harry រួចមក ព្រះនាង Meghan Markle ព្រមជាមួយម្ចាស់ក្សត្រី Elizabeth II នឹងធ្វើដំណើរទស្សនកិច្ចទៅកាន់ទីក្រុង Chester ដើម្បីសម្ពោធមជ្ឈមណ្ឌល Storyhouse នៅថ្ងៃទី១៤ ខែមិថុនាខាងមុខនេះ។

នេះត្រូវបានចាត់ទុកថាមហាកិត្តិយសដ៏ធំបំផុតសម្រាប់ព្រះនាងថ្មី ត្បិតសូម្បីតែព្រះនាង Kate ដែលចេញពីត្រកូលខ្ពង់ខ្ពស់នោះក៏មិនទាន់ទទួលបានឱកាសនេះដែរ។ គេនៅចាំថា រហូតដល់ឆ្នាំ២០១២ ពោលគឺរហូតដល់ទៅជាង១ឆ្នាំ ក្រោយពេលរៀបអភិសេករួច ទើបព្រះនាង Kate ត្រូវបានអនុញ្ញាតឲ្យធ្វើដំណើរទស្សនកិច្ចជាមួយម្ចាស់ក្សត្រីទៅកាន់ Diamond Jubilee។

បណ្ដាញព័ត៌មានដដែល បានឲ្យដឹងថា ព្រះនាង Meghan ពិតជាត្រូវបានម្ចាស់ក្សត្រីទុកចិត្តខ្លាំងណាស់ទើបមានការសម្រេចចិត្តខាងលើ៕