៦ប្រទេសដែលជាប់ចំណាត់ល្អបំផុតសម្រាប់ស្រីៗចូលចិត្តដើរលេងម្នាក់ឯង

2018-06-04 05:10:21
ចំនួនមតិ 0 | ចំនួនចែករំលែក 0

ក្នុងមួយជីវិតយ៉ាងហោចណាស់គួរដើរលេងម្នាក់ឯងឱ្យបានម្តង។ សម្រាប់មនុស្សប្រុស វាជារឿងងាយទេនៅពេលដើរលេងម្នាក់ឯង ប៉ុន្តែស្រីៗត្រូវរើសកន្លែងដែលមានសុវត្ថិភាព និងងាយស្រួលក្នុងធ្វើដំណើរ។ កន្លែងទាំង ៦នេះត្រូវបានគេចាត់ទុកជាគោលដៅដ៏សក្ដិសមបំផុតសម្រាប់នារី៖

១. អាមេរិកខាងត្បូង

អាមេរិកខាងត្បូងទទួលបានចំណាត់ថ្នាក់ជាកន្លែងដែលមានបដិសណ្ឋារកិច្ចនិងសណ្ឋាគារល្អបំផុត។ តំបន់នេះពោរពេញទៅដោយវាលស្មៅពណ៌បៃតងដែលគេនិយមទៅហៅថា “Gringo Trails”។ នារីៗអាចធ្វើដំណើរបានដោយមិនបារម្ភរឿងកន្លែងគេង និងសុវត្ថិភាព។

២. វៀតណាម

សម្រាប់អ្នកចូលចិត្តសាកម្ហូបថ្មីៗឆ្ងាញ់ ហើយថោកសមរម្យ វៀតណាមជាគោលដៅទី១ហើយ។ អ្នកនឹងចំណាយតិចជាងទៅប្រទេសផ្សេងទៀត ព្រោះរបស់នៅទីនោះ និងការស្នាក់នៅសុទ្ធតែតម្លៃសមរម្យ។

៣. ទីក្រុងប៊ែរឡាំង ប្រទេសអាល្លឺម៉ង់

ទីក្រុងប៊ែរឡាំងជាគោលដៅសម្រាប់អ្នកទេសចរពេលយប់ ព្រោះនៅពេលយប់ទីក្រុងមួយនេះពោរពេញទៅដោយទស្សនីយភាពចម្រុះពណ៌។ លើសពីនេះទៅទៀត នៅពេលថ្ងៃអ្នកក៏អាចទស្សនាអាគារចាស់ៗអមជាមួយធម្មជាតិប្លែកភ្នែក។

៤. បាលី ប្រទេសឥណ្ឌូណេស៊ី

អ្នកនឹងភ្ញាក់ផ្អើលជាមួយនឹងទេសភាពដ៏ស្រស់ស្អាតមិនគួរឱ្យជឿ។ បាលីជាកោះដែលស្ងប់ស្ងាត់ និងរ៉ូមែនទិកសម្រាប់គូរស្នេហ៍ថ្មីថ្មោង។ ស្រីៗក៏អាចធ្វើដំណើរកម្សាន្តម្នាក់ឯង មើលប្រាសាទ និងហាត់Yoga។

៥. សិង្ហបុរី

ប្រទេសដែលសំបូរ និងទំនើបជាងគេនៅអាស៊ីគឺ ប្រទេសសិង្ហបុរីនេះហើយ។ សុវត្ថិភាពគឺល្អបំផុតសម្រាប់នារីៗ រីឯប្រជាជនភាគច្រើនចេះនិយាយភាសាអង់គ្លេសដែលងាយស្រួលក្នុងការទំនាក់ទំនង។

៦. ទីក្រុងរ៉ូម ប្រទេសអ៊ីតាលី

Pizza Pasta និងសំណង់មានអាយុកាលរាប់ពាន់ឆ្នាំ គឺមានតែនៅទីក្រុងរ៉ូមតែមួយគត់។ ទីក្រុងរ៉ូមជាទីក្រុងមានអាយុកាលចាស់ជាងគេបំផុត រីឯសុវត្ថិភាពក៏មិនចាញ់ប្រទេសមួយចំនួនដែរ ៕