ហេតុផល ៨យ៉ាងដែលក្រចកអ្នកចេះតែឆាប់បាក់
- 2018-05-31 06:14:19
- ចំនួនមតិ 0 | ចំនួនចែករំលែក 0
ហេតុផល ៨យ៉ាងដែលក្រចកអ្នកចេះតែឆាប់បាក់
រឿងដ៏គួរឱ្យឈឺចាប់របស់ស្រីៗគឺការបាក់ក្រចកមិនចេះចប់ ហើយពេលខ្លះអាចនឹងដាច់ដល់សាច់ទៀតផង។ អ្នកខ្លះគិតថាវាជារឿងធម្មតា ហើយមិនបានយកចិត្តទុកដាក់ពីឬសគល់ដែលបណ្តាលឱ្យក្រចកមិនរឹងមាំ។ កញ្ញានឹងប្រាប់អ្នកពីហេតុផលខ្លះៗដែលគួរចៀសវៀង៖
១. បញ្ហាដ៏ធំបំផុតគឺការខ្វះសារធាតុបំប៉ន។ ត្រូវប្រាកដថាអ្នកបានញាំជាតិដែក កាល់ស្យូម និងប្រូតេអ៊ីនឱ្យបានគ្រប់គ្រាន់សម្រាប់ស្បែករបស់អ្នក។
២. ក្រចកស្ងួតក៏ជាហេតុផលដែលធ្វើឱ្យក្រចកឆាប់បាក់ដែរ។ ក្រចកក៏ដូចជាស្បែកដែរ អ្នកគួរតែផ្តល់សំណើមខ្លះដោយការលាបឡេ និងគ្រឿងថែរក្សាក្រចកផ្សេងៗ។
៣. ការប្រើទឹកលាងក្រចកច្រើនពេកក៏អាចបណ្តាលឱ្យក្រចកងាយបាក់ដែរ។ ទឹកលាងក្រចកផ្ទុកទៅដោយAcetoneដែលធ្វើឱ្យក្រចកទន់។
៤. ក្រចកកាន់តែវែង កាន់តែងាយស្រួលបាក់។ អ្នកគួរទុកក្រចកប្រវែងសមល្មម កុំឱ្យវែងពេក។
៥. ប្រើក្រចកគាស់របស់កំប៉ុងក៏អាចធ្វើឱ្យក្រចកអ្នកបាក់លឿនដែរ។ គួរតែប្រើរបស់ផ្សេងគាស់ ជាជាងប្រើក្រចកគាស់។
៦. ប្រើក្រចកកោសកាតទូរស័ព្ទ ឬឆ្នោតផ្សងសំណាង។ សារធាតុដែលមាននៅក្នុងកាតទាំងនោះក៏អាចប៉ះពាល់ដល់ក្រចករបស់អ្នកដែរ។
៧. ត្រូវទឹកច្រើនពេក។ ឧទាហរណ៍ អ្នកលាងចាននិងបោកខោអាវដោយមិនប្រើស្រោមដៃការពារ។
៨. នៅពេលដែលអ្នកធ្វើកិច្ចការផ្ទះដូចជាទាញកម្រាលពូក ឬលើករបស់ធ្ងន់ៗ ក្រចករបស់អ្នកក៏ងាយបាក់ទៅតាមហ្នឹង។
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
