តិចនិកងាយៗជួយឲ្យចំណេញពេលតែមិនសូវមានអ្នកដឹង

2018-05-28 06:00:00
ចំនួនមតិ 0 | ចំនួនចែករំលែក 0

រឿងងាយៗខ្លះយើងមិនសូវចាប់អារម្មណ៍ តែវាអាចជួយឱ្យយើងចំណេញបានច្រើនបើដឹងពីតិចនិកទាំងនេះ៖

១. សាកថ្មចូលបានលឿន

គ្រប់គ្នាប្រហែលជាមិនដឹងទេថា នៅពេលដែលអ្នកបិទសេវាទូរស័ព្ទ (AirPlane Mode) ពេលសាកថ្ម នោះវាអាចជួយឱ្យអ្នកសាកថ្មបានកាន់តែលឿន។

២. ជ្រើសរើសម្សៅទ្រនាប់

ជាធម្មតាអ្នកតែងតែលាបម្សៅទ្រនាប់នៅលើដៃ នៅពេលជ្រើសរើសវា។ ប៉ុន្តែយកល្អអ្នកគួរតែលាបវានៅក ក៏ព្រោះតែសាច់មុខនិងសាច់ដៃខុសគ្នា ដែលអាចធ្វើឱ្យអ្នកជ្រើសរើសពណ៌ខុស។

៣. កំណត់ចំណាំសោ

អ្នកអាចនឹងប្រើពេលយូរដើម្បីរកសោពេលដែលមានច្រើនហើយដូចៗគ្នា។ អ្នកមិនចាំយកខ្សែអំបោះមកចងដើម្បីចំណាំទេ គ្រាន់តែយកថ្នាំលាបក្រចកមកលាបទៅតាមពណ៌ដែលអ្នកចូលចិត្តជាស្រេច។

៤. បកសំបកស៊ុត

ដើម្បីងាយស្រួលក្នុងការបកសំបកស៊ុតស្ងោរឱ្យបានស្រួលហើយលឿន អ្នកគួរតែដាក់ម្សៅសូដា១ស្លាបព្រាកាហ្វេចូលទៅក្នុងទឹក មុនពេលស្ងោរ។

៥. រក្សានំកញ្ចប់ឱ្យបានជិតល្អ

អ្នកមិនចាំបាច់ចោលសំបកដបទៀតទេចាប់ពីពេលនេះទៅ។ អ្នកអាចយកវាមកធ្វើជាគម្របនំកញ្ចប់របស់អ្នកបាន៕

ប្រភព៖ Brightside ប្រែសម្រួល៖ តាន់ ច័ន្ទលក្ខិណា