កុំឲ្យនៅអាល័យជីវិតនៅលីវ គួរធ្វើរឿងទាំងនេះឲ្យហើយសិន សឹមរៀបការ

2018-05-12 07:05:45
ចំនួនមតិ 0 | ចំនួនចែករំលែក 0

រឿងគ្រួសារអ្នកណាក៏ត្រូវគិតគូរដែរ គ្រាន់តែពេលខ្លះអាចនៅយូរបន្តិច ឬឆាប់ទៅតាមការសម្រេចចិត្តរបស់បុគ្គលម្នាក់ៗ។ យ៉ាងណាក៏ដោយដើម្បីក៏ឲ្យពេលរៀបការរួចមានអារម្មណ៍ស្ដាយស្រណោះជីវិតកាលនៅខ្លួនមួយនោះ អ្នកគួរតែបំពេញរឿងទាំងនេះឲ្យហើយសិនទៅ សឹមសម្រេចចិត្តចូលរោងការ ៖

១. សប្បាយឲ្យអស់ចិត្តពេលនៅជីវិតយុវវ័យ

បើគិតថាខ្លួនឯងនៅចង់សប្បាយច្រើនទៀត កុំប្រញាប់បង្កើតគ្រួសារពេក ព្រោះរៀបការហើយអ្នកមិនងាយស្រួលក្នុងការដើរហើរដូចពេលនៅតែឯងនោះទេ។ ប្រឡូកក្នុងយុវភាពអ្នកឲ្យបានគ្រប់គ្រាន់ដើម្បីដឹង ដកបទពិសោធន៍ និងពង្រឹងខ្លួនឲ្យកាន់តែរឹងមាំ សឹមសម្រេចចិត្តយកគ្រួសារ។

រូបតំណាង

**២. មានមុខរបរផ្ទាល់ខ្លួន**

ការមានជំនួញផ្ទាល់ខ្លួនអាចឲ្យអ្នករកលុយបានមួយផ្នែកទៀតដើម្បីផ្គួបជាមួយការងារដែលអ្នកមាន ព្រោះមុនពេលអ្នកចង់បង្កើតគ្រួសារអ្នកត្រូវនឹងធឹងរឿងហិរញ្ញវត្ថុ។ នេះមិនមែនដើម្បីដែលខ្លួនអ្នកម្នាក់ឯងឡើយ គឺដើម្បីគ្រួសារទាំងមូល ដើម្បីឲ្យពួកគេមានភាពសុខស្រួល។

៣. រៀបចំខ្លួនឲ្យបានស្អាត

មិនថាទោះអ្នកនៅលីវ ឬមានគ្រួសារហើយក៏ដោយការរៀបចំខ្លួន និងថែទាំរូបរាងនៅតែសំខាន់ គ្រាន់តែពេលមានគ្រួសារអ្នកអាចនឹងគ្មានពេលច្រើនដូចនៅខ្លួនមួយឡើយ ដូច្នេះគួរតែចេះលេងខ្លួនកុំឲ្យវេលាផុតអស់។

៤. ដំណើរកម្សាន្ត

មានអ្នកខ្លះនិយាយថាចាំមានគ្រួសារហើយចាំដើរ នៅក្មេងនៅខ្លួនមួយកុំសូវដើរពេក។ ពាក្យអ្នកមិនមែនស្រួលដូចគេនិយាយឡើយ ព្រោះពេលអ្នកមានគ្រួសារការដើរលេង ការសប្បាយនឹងត្រូវកាត់បន្ថយ មិនដូចពេលអ្នកនៅម្នាក់ឯងឡើយ។ បែបនេះហើយមុនរៀបការអ្នកគួរតែរីករាយជាមួយដំណើរកម្សាន្តសម្រាប់យុវវ័យរបស់ខ្លួន។

៥. អភិវឌ្ឍខ្លួនឲ្យបានខ្ពស់ និងរៀនឲ្យបានចប់

រៀនឲ្យចប់សិនសឹមរៀបការគឺល្អបំផុត ព្រោះអ្នកអាចមានពេល និងការផ្ដោតអារម្មណ៍បានល្អជាងពេលមានគ្រួសារហើយ។ លើសពីនេះអ្នកត្រូវប្រើប្រាស់សមត្ថភាព និងកម្លាំងអ្នកឲ្យអស់ក្នុងការលើកខ្លួនឯងឲ្យបានខ្ពស់ក្នុងវិស័យដែលអ្នកធ្វើ។ អ្នកត្រូវដឹងថាពេលអ្នកមានគ្រួសារ អ្នកនឹងត្រូវបែងចែកការគិត ការយកចិត្តទុកដាក់រវាងការងារ និងគ្រួសារ ដូច្នេះទាន់មិនទាន់ជំពាក់ជំពិនច្រើនអ្នកត្រូវប្រឹងប្រែងឲ្យខ្លួនខ្ពង់ខ្ពស់សិន។

រូបតំណាង

៦. មើលថែរក្សាអ្នកមានគុណ

មិនមែនមានន័យថាពេលមានគ្រួសារហើយអ្នកមិនអាចមើលថែគាត់នោះទេ តែពេលអ្នកនៅលីវគឺមានភាពងាយស្រួល ឯករាជ្យ ដូច្នេះគួរតែចិញ្ចឹម និងមើលថែលោកឲ្យបានមួយរយៈធំសិនទៅ។ ពេលការហើយក៏មិនត្រូវភ្លេចលោកទាំងពីដែរ ទោះបីជាមានបញ្ហាជាច្រើនដែលអ្នកត្រូវប្រឈមក៏ដោយ។

បើរួចរាល់ហើយនោះមានន័យថាអ្នកអាចគិតគូរ និងបោះជើងឆ្លងចូលជីវិតគ្រួសារហើយ៕

ចុចអាន៖ប្ដីប្រពន្ធគ្រប់រូបគួរដឹងពីគន្លឹះ ៧ ដើម្បីរឹតបន្តឹងទំនាក់ទំនង បង្កើនសុភមង្គល និងបញ្ឈប់គំនិតមិនស្មោះត្រង់

អត្ថបទ៖ ផេង ផលធិតា