ប្ដីប្រពន្ធគ្រប់រូបគួរដឹងពីគន្លឹះ ៧ ដើម្បីរឹតបន្តឹងទំនាក់ទំនង បង្កើនសុភមង្គល និងបញ្ឈប់គំនិតមិនស្មោះត្រង់

2018-05-04 05:30:00
ចំនួនមតិ 0 | ចំនួនចែករំលែក 0

ក្នុងជីវិតអាពាហ៍ពិពាហ៍គូស្វាមីភរិយាពិតជាហត់នឿយក្នុងការរកវិធីរក្សាចំណងស្នេហ៍។ តែពេលនេះអ្នកលែងខ្វល់ខ្វាយទៀតហើយ កញ្ញា សូមណែនាំគន្លឹះទាំង ៧ រឹតបន្តឹងទំនាក់ទំនង បង្កើនសុភមង្គល និងបញ្ឈប់គំនិតមិនស្មោះត្រង់រហូត៖

១.យល់ចិត្តគ្នា

ដើម្បីរក្សាទំនាក់ទំនងដំបូងរឿងដែលសំខាន់បំផុតនោះ គឺត្រូវចាប់ផ្ដើមទុកចិត្តគ្នាទៅវិញទៅមក។ កុំបង្ហាញឫកពាច្រណែនគ្រប់ពេលវេលា រហូតធ្វើឲ្យដៃគូខ្លួនមានសម្ពាធ ប្រសិនបើអ្នកមិន ជឿទុកចិត្តគ្នា ច្បាស់ណាស់គ្រួសារពិតជារកាំរកូសមិនឈប់។

២.ជាមិត្តល្អរបស់គ្នា

អ្នកទាំងពីរគួរតែពីរគួរតែទុកគ្នាជាមិត្តភ័ក្ដិល្អ ដោយចំណាយពេលនិយាយលេងសើចជាមួយគ្នា។ គេងនិយាយជជែកគ្នាលេងពីគំនិតអ្នក ហើយសួរដៃគូវិញថា ក្នុងខួរក្បាលមានធ្លាប់គិតរឿងទាំងនោះអត់។ ពេលជជែកគ្នាមិនស៊ីចង្វាក់ គួរតែផ្លាស់ប្ដូររឿងវិញ ដើម្បីកុំឲ្យមានការឈ្លោះប្រកែកគ្នា។

៣.ដឹងពីចំណង់ចំណូលចិត្តដៃគូឲ្យកាន់តែច្បាស់

វាពិតជាសំខាន់ណាស់អ្នកដឹងអ្វីដែលគាត់ចូលចិត្ត ឬមិនចូលចិត្ត។ ដូចនេះត្រូវព្យាយាមចំណាយនិយាយគ្នាឲ្យច្រើន ដើម្បីដឹងពីតម្រូវការរបស់ភាគីម្ខាងទៀត។ គូខ្លះខ្វែងគំនិតគ្នាតាំងពីការមើលរឿងឡើង។ ឧទាហរណ៍បើគាត់ចូលចិត្តមើលភាពយន្តបាញ់ប្រហារ ប៉ុន្តែអ្នកចង់តាមដានរឿងមនោសញ្ចេតនា អ្នកគួរតែដាក់វេនគ្នាមើលម្នាក់ម្ដង ដោយអាទិត្យនេះអ្នក ហើយអាទិត្យក្រោយគាត់ម្ដង។

៤.ស្មោះត្រង់នឹងគ្នា

ភាពស្មោះត្រង់ចំពោះគូស្នេហ៍ ជាកូនសោសំខាន់នាំឲ្យគ្រួសារមានភាពផ្អែមល្ហែម។ រៀបរាប់ពីអារម្មណ៍របស់អ្នកចំពោះគូស្នេហ៍ ដោយគ្មានការលាក់បាំងនឹងធ្វើឲ្យដៃគូកាន់តែស្រលាញ់ និងយល់ចិត្តអ្នកទ្វេដង។

៥.ធ្វើរឿងថ្មី

គូស្នេហ៍ដែលធុញទ្រាន់គ្នា ភាគច្រើនបណ្ដាលមកពីការធ្វើរឿងដដែលៗពេក។ ដូចនេះអ្នកគួរតែងាកមកធ្វើរឿងថ្មីទាក់ចិត្តដូចជាទៅដើរលេងតែពីរនាក់នៅកន្លែងឆ្ងាយ ដើរផ្សារ មើលកុនដូចសង្សារក្មេងៗ ជាដើម។

៦.កុំបង្ខំដៃគូ

កុំព្យាយាមផ្លាស់ប្ដូរ ឬបង្ខំគាត់ឲ្យធ្វើរឿងដែលគាត់មិនចង់។ ការធ្វើបែបនោះ អាចឲ្យដៃគូមានអារម្មណ៍ថា ត្រូវបានគេបង្គាប់បញ្ជា ហើយកុំសូវប្រឆាំងនឹងអ្វីដែលគាត់ធ្វើពេក។

៧.ទម្លាប់ប្រើសម្ដីផ្អែមល្ហែម

បើអ្នកមិនសូវមានទម្លាប់បែបនេះទេ គួរតែបង្កើតវាពីពេលនេះទៅ។ ព្រោះពាក្យសម្ដីផ្អែមល្ហែមអាចធ្វើឲ្យដៃគូលង់មិនអាចដកចិត្តបាន៕

ចុចអាន៖រក្សាគេឲ្យល្អ! ៩សញ្ញាបញ្ជាក់ថាម្នាក់ហ្នឹងហើយជាស្នេហាពិតរបស់យើង

ប្រភព៖ Mthai ប្រែសម្រួល៖ ទ្រី រ៉ាវី