តិចនិចថែរក្សាសម្រស់សម្រាប់មនុស្សស្រីខ្ទង់ ២០ឲ្យបានស្អាតផូរផង់ មិនងាយចាស់

2018-05-11 05:59:52
ចំនួនមតិ 0 | ចំនួនចែករំលែក 0

សម្រស់សម្រាប់មនុស្សស្រីគឺជារឿងចាំបាច់មួយ ដូច្នេះការថែរក្សាក៏ត្រូវតែសំខាន់ដែលនារីគ្រប់រូបត្រូវតែដឹង។ អត្ថបទខាងក្រោមនេះ កញ្ញា នឹងនាំនារីៗដែលមានអាយុនៅខ្ទង់ ២០ មកដឹងពីតិចនិចក្នុងការថែរក្សាសម្រស់ឲ្យបានស្អាតផូរផង់ និងក្មេងជាងវ័យ ៖

១. លាបឡេការពារកម្ដៅថ្ងៃ

ដើម្បីការពារស្បែកឲ្យបានស្អាត អ្នកត្រូវលាបឡេការពារកម្ដៅថ្ងៃដែលមាន SPF15+ មុនចេញពីផ្ទះ។ វាជួយការពារស្បែកមិនឲ្យរងការបំផ្លាញពីពន្លឺព្រះអាទិត្យ និងជួយឲ្យស្បែកស មិនស្រអាប់ឬខូចខាតនោះទេ។

រូបតំណាង

**២. ទម្លាប់មានឆ័ត្រ**

គួរតែទម្លាប់មានឆត្រក្នុងដៃនៅពេលចេញទៅណាមកណាព្រោះកម្ដៅថ្ងៃពិតជាប៉ះពាល់ដល់ស្បែកខ្លាំងណាស់។ បើអ្នកមានឆត្រមួយទុកការពារកាន់តែល្អព្រោះអាចការពារបានមួយផ្នែកទៀតបន្ទាប់ពីឡេការពារ។ ម្យ៉ាងទៀតស្បែកមុខ និងមួយចំនួនទៀតដែលឆាប់ប្រតិកម្មជាមួយកម្ដៅថ្ងៃក៏ឆត្រអាចជួយបានដែរ។

៣. ប្រើផលិតផលថែរក្សាសម្រស់ និងការពារមុន មានគុណភាព

បើអ្នកមិនប្រើវាជំនួយនោះទោះសម្រស់ធម្មជាតិអ្នកល្អប៉ុណ្ណាក៏ដោយក៏មិនអាចទប់ជាប់នឹងធូលី ផ្សែង និងបាក់តេរីផ្សេងដែលជាប់ជាមួយអ្នកគ្រប់ពេលដែរ។ ហ្វូមលាងមុន ឡេផ្ដល់សំណើម និងក្រែមបំបាត់មុន និងជាតិកខ្វក់នានាត្រូវតែមាន។

៤. កុំ Make-up ក្រាស់ៗ

វ័យនេះគឺស្បែកមានសភាពស្រស់ស្អាតស្រាប់ហើយ ដូច្នេះមិនបាច់ផាត់មុខក្រាស់ពេកទេព្រោះវាមើលទៅមិនស្អាត។ គ្រាន់តែប្រើម្សៅស្ដើងៗ ក្រែមក្រហមតិចៗទៅគឺស្អាតពេកទៅហើយ។

៥. លាងសម្អាតផ្ទៃមុន និងខ្លួនឲ្យបានស្អាតមុនពេលចូលគេង

ដាច់ខាតកុំចូលគេងទាំងមិនទាន់សម្អាតមុខ និងខ្លួនព្រោះវាអាចបំផ្លាញស្បែកអ្នកឲ្យខូចខាតដោយសារសារជាតិគីមី និងធូលីដែលជាប់លើស្បែក។

រូបតំណាង

៦. ញ៉ាំទឹកឲ្យបានគ្រប់គ្រាន់

មួយថ្ងៃត្រូវផឹកទឹកឲ្យបាន ៧ទៅ៨កែវ ឬក៏ ២លីត្រព្រោះបើអ្នកផឹកមិនគ្រប់គ្រាន់ស្បែកនឹងស្ងួតគ្មានសំណើម ហើយវិវត្តទៅជាជ្រួញ ចាស់មុនអាយុ។

៧. ហាត់ប្រាណ

ទោះរវល់យ៉ាងណាក៏គួរតែចំណាយពេលហាត់យ៉ាងហោចណាស់ក៏ ១៥នាទីដែរ។ ការហាត់ប្រាណមិនត្រឹមតែជួយឲ្យរាងកាយមាំមួននោះទេ វាក៏ជួយលើកសម្រស់ឲ្យកាន់តែក្មេងជាងវ័យដែរ។

៨. គេងឲ្យបានគ្រប់គ្រាន់

ការសម្រាកក៏ជារឿងដែលចាំបាច់សម្រាប់នារីខ្ទង់ ២០ឆ្នាំដែរ។ បើគេងមិនបានគ្រប់គ្រាន់រាងកាយនឹងចុះខ្សោយហើយសរីរាង្គក៏បំពេញតួនាទីមិនបានល្អដែរ។ ម្យ៉ាងទៀតគេងមិនគ្រប់ធ្វើឲ្យអ្នកឆាប់ចាស់ណាស់ សម្រស់ក៏មិនភ្លឺស្រស់ថ្លាដែរ៕