អ្នកសក់ខូច ឬរួញអស់បញ្ហាហើយ ព្យាបាលដោយ ខូឡាជេន ជួយឲ្យសក់ស្អាតត្រង់បែបធម្មជាតិ

2018-05-08 04:20:00
ចំនួនមតិ 0 | ចំនួនចែករំលែក 0

ការព្យាបាលសក់ដោយខូឡាជេន (Collagen Treatment) គឺព្យាបាលដែលជួយស្តាសក់ខូចឲ្យមានសុខភាពឡើងវិញ និងបំប៉នឲ្យសក់មានទម្ងន់ និងត្រង់ស្អាតដូចធម្មជាតិ។ យោងតាមការសម្ភាសន៍ជាមួយអ្នកជំនាញផ្នែកសក់ លោកស្រី ប៉ែន ពេជ្រចិន្ដា ម្ចាស់ហាងសាឡន ផេនស្ទូឌីយោ (Pen Studio) បានពន្យល់ថា៖ ការព្យាបាលសក់ខូចដោយខូឡាជេន មានភាពពេញនិយមណាស់ក្នុងពេលបច្ចុប្បន្ន។ ការព្យាបាលនេះមានអត្ថប្រយោជន៍ដូចជា៖ ជួយសក់ខូចខ្លាំងដោយសារកម្ដៅ ឲ្យមានសុខភាពឡើងវិញ កាត់បន្ថយបែកចុង ជួយឲ្យសរសៃសក់ប្រែទៅជាទន់មាំ មិនងាយបាក់និងដាច់។ សក់មានទម្ងន់ជាងមុន និងត្រង់ស្អាតបែបធម្មជាតិ។

អ្នកស្រីបានបន្ថែមទៀតថា ការព្យាបាលសក់នេះ ឬគេនិយមហៅម៉្យាងទៀតថា អ៊ុតសក់ខូឡាជេន នេះចំណាយពេលតិចក្នុងការធ្វើ គឺត្រឹម ១ម៉ោងកន្លះ ឬ២ម៉ោងតាមសក់ស្ដើងក្រាស់ ហើយអាចធ្វើបានរៀងរាល់ ៦ខែម្ដង។ ប៉ុន្តែសម្រាប់សក់ខូចខ្លាំងគួរតែព្យាបាល ៣ខែម្ដង។ សំខាន់វាជាដំណោះស្រាយល្អសម្រាប់អ្នកមានសក់រួញពីកំណើត ដែលចង់បានសក់ត្រង់បែបធម្មជាតិ ហើយមិនចំណាយពេលអ៊ុតយូរអាចមកសាកល្បង ការអ៊ុតសក់ខូឡាជេននេះ។ បើសិនជាអ្នកចាប់អារម្មណ៍អាចធ្វើការទំនាក់ទំនងសួរពត៌មានបន្ថែម 012 33 13 26។

អត្ថបទ៖ Pencharm