មកដឹងតម្លៃ និងលក្ខណៈពិសេសរបស់រ៉ូបអនាគតព្រះនាងអង់គ្លេសត្រូវគ្រងថ្ងៃរៀបអភិសេក
- 2018-05-06 03:21:06
- ចំនួនមតិ 0 | ចំនួនចែករំលែក 0
មកដឹងតម្លៃ និងលក្ខណៈពិសេសរបស់រ៉ូបអនាគតព្រះនាងអង់គ្លេសត្រូវគ្រងថ្ងៃរៀបអភិសេក
បើយោងតាមប្រភពជាច្រើនរបស់រាជវង្ស និង អ្នកច្នៃម៉ូដសំលៀកបំពាក់ បានបង្ហើបឲ្យដឹងថា រ៉ូបកូនក្រមុំសម្រាប់អនាគតព្រះនាងអង់គ្លេស Meghan Markle នឹងត្រូវជួលក្រុមហ៊ុនម៉ូដ Ralph & Russo ដើម្បីបង្កើត សម្រាប់ថ្ងៃរៀបអភិសេកជាមួយ ព្រះអង្គម្ចាស់ Harry នាថ្ងៃទី ១៩ ខែ ឧសភា ឆ្នាំ ២០១៨ ខាងមុខនេះ។
រ៉ូបកូនក្រមុំនោះនឹងត្រូវដេរដោយដៃ ហើយមានការរចនាឡើងយ៉ាងស្រស់ស្អាត សម្រាប់ឲ្យអនាគតព្រះនាងអង់គ្លេសអង្គនេះ គ្រងនិងដើរក្នុងព្រះវិហារ St George’s Chapel ចំពោះមុខភ្ញៀវ ៦០០ នាក់ ក៏ដូចជា ទូរទស្សន៍ដែលផ្សព្វផ្សាយដល់ទស្សនិជនរាប់ពាន់លាននាក់ទៀតផង។
ប្រភពមួយផ្សេងទៀតបានបង្ហាញថា រ៉ូបនោះមានតម្លៃប្រហែល ១៣៥ ០០០ ដុល្លារ។ ពួកគេបាននិយាយថា «វាស្តាប់ទៅហាក់បីដូចជាថ្លៃបន្តិចមែន ប៉ុន្តែនេះគឺជាការរៀបអភិសេកប្រចាំឆ្នាំ ហើយគេបានចំណាយកម្លាំងពលកម្មរាប់រយម៉ោង ដើម្បីធ្វើវាដោយដៃស្ទើរតែទាំងអស់»៕